قصيدة الأمير لبنان بن مناحي آل حزيم

[معلومات العضو al_meteb]

وهذه قصيدة الشاعر الشيخ /علوش بن هزاع الغرافين في الأمير/ لبنان بعد ماباع ابله الأوله ويقول فيها

غلطان يا بياع ذودمغاتير = والرابح اللي سامها ثم شراها
يا قو قلبك يوم قفت مدابير = وسقوسها تنقل علفها وماها

ويقول الأمير/لبنان رديت عليه بعد ما شريت البل التاليه

ياراكبن جيب جديد بتصدير = ولوحة بلاده مابعدركبوها
ملفاه ابو هزاع ريف المسايير = وعيد الركاب اللي بعيد خطاها
ثم بشره حنا شرينا مغاتير = والحقت يا علوش نفسي هواها
ابغى معا ربعي حلول المحادير = لابكر الوسمي لدار رعاها
يرعون سرفات البكار المشاهير = اللي ترى بعض العرب ما لقوها
ياما حلا المفراع قدهي معاشير = صوب الديار اللي زهرها كساها
ديرة مصاليم الدروع المناعير = اللي تعدي من وطنها عداها
دواسر ماهي تحسب المخاسير = ولاجانهار الهوش تعرف عزاها
لاسالت الجزلا وذيك الدعاثير = والهجله المسماه ربي ملاها
ثم حوطو جيلانها با لدواوير = رجبان تعطي كل عين دواها
اهل بيوتن كنهن المقاصير = يفرح بها الطرقي الى من لقاها
يلقابها هيلن وبنن وتقدير = ويلقا الرجال اللي تعز قصراها

هذا والعذر والسموحه على الأخطاء الاملائيه والقصيده الظاهر اطول من كذا واجو من الأخوان المسؤلين ترتيبها لئني والله ما اعرف وشكرآ

 

 

 

 

[معلومات العضو ابو زيد الغييثي]

جزاك الله خير على هذا النقل الطيب و المبارك

وتم التنسيق كما طلبت وحنا بالخدمه في

أي وقت يا طويل العمر

أخوك / ابو زيد

 

 

 

 

[معلومات العضو عبدالله الحافر الغييثي]

صحت اللسن الشيوخ على هذه الابيات الجزله ولاهنت يالقرم

 

 

 

 

[معلومات العضو al_meteb]

بيض الله وجيهكم على المرور ولاهنت يا خوي ازيد على الترتيب ومشكوووووووووووووور

 

 

 

 

[معلومات العضو al_meteb]

عفوآ اخي الكريم ابو زيد

 

 

 

 

[معلومات العضو ناصر بن فهد]

:::
::
:








صح صح لسااان الشيوخُ ,, وصح لسانك يا ال متعبُ
وبارك الله فيكُ يا القرم على النقلُ ,, ولـآهنت‘‘

 

 

 

 

[معلومات العضو al_meteb]

شكرآ على المرور يا بوفهد