الشعر له ذوق عند اللي يعرف معناه .. للشاعر : سعد بن سالم سويحل الخضران الدوسري

[معلومات العضو سعد بن سويحل الخضران]

انا لابغيت الشعر وديت بالطاروق = اصوغ المثايل بالقصيده وطاروقي
ترا البر معشوقي وانا الحب ذا المعشوق = وانا احب اغني في تواصيف معشوقي
احب البراري كل ماشفت نوض بروق = وقامت نصوب الوسم تشع ببروقي
تشوف البدو في مرتعً زاف بالزملوق = تشوف الخزامى غاديً(ن) نبتها عذوقي
تشوف البيوت مشيدات بفن وذوق = بجمال الطبيعه ينبسط راعي الذوقي
سرا الليل كله والمطر سامرً حقوق = يزين الربيع وينبسط راعي النوقي
دكاك التريبي صايد(ن) والحيا ماثوق = وجاب الخبر منهو صدوقً وماثوقي
نزل به فراقين ذيذانهم تشوق = ذيدانهم يبحلبها الوصف ويفوقي
معاشيرها تجزع ومقهورها مفهوق = الى روحت لمراحها ماتبي سوقي
لاجيت انا برتاح ولا هدى وأروق = تذكرتنا مافات لاجيت باروقي
على البر واهل البر يجيلي حنين وشوق = بوسط البلد كني مضيق ومخنوقي
ترا القلب عند الزين له مدتً(ن) مسروق =غدابه وليفي وأصبح القلب مسروقي
انا لي وليفً(ن) مايدوج مع اهل السوق = نزيه(ن) جنابه مايداني هل السوقي
انا ارغب قراح الماء ولا اداني المطروق = حرام علي الماء الا صار مطروقي
الا ياعيون اللي على الجول قام يتوق = شهر وارتفع واهوى على الجول من فوقي
ضربها بكفً(ن) طير الريش والمعلوق = تشوف الحمر منها على القاع مدفوقي
أشقر وحش واطراف موسه عليه دقوق = كبير الثنادي يلحق الجول ويعوقي
ختمته بذكر مسير الخلق والخلوق = وقفلت القصيده باجتهادي ومنطوقي

مع تحيات \ سعد بن سالم بن سويحل الخضران الدوسري

 

 

 

 

[معلومات العضو ابو حسين الدوسري]

احب البراري كل ماشفت نـوض بـروق
وقامت نصـوب الوسـم تشـع ببروقـي

تشوف البدو في مرتـعً زاف بالزملـوق
تشوف الخزامى غاديً(ن) نبتها عذوقـي

تشـوف البيـوت مشيـدات بفـن وذوق
بجمال الطبيعه ينبسـط راعـي الذوقـي

سرا الليل كلـه والمطـر سامـرً حقـوق
يزين الربيـع وينبسـط راعـي النوقـي


صح السانك يبن سويحل اعتلى شانك

تحياتي وتقديري

 

 

 

 

[معلومات العضو ناصر بن فهد]

صح لسانك يا ابن سويحل

وبيض الله وجهك على القصيده الجزله يــآراعي الجزل

 

 

 

 

[معلومات العضو بدر بن صقر العجالين]

الله الله يابن سويحل أبيات كايفه هيضتنا معك

صح الله لسانك وبيض الله وجهك يالقرم..

تقبل تحياتي،،

 

 

 

 

[معلومات العضو محمد بن سالم الخضراني]

معاشيرهـا تجـزع ومقهورهـا مفهـوق
الـى روحـت لمراحهـا ماتبـي سوقـي

لاجيـت انـا برتـاح ولا هـدى وأروق
تذكرتنـا مـافـات لاجـيـت بـاروقـي

على البر واهل البر يجيلي حنين وشـوق
بوسط البلـد كنـي مضيـق ومخنوقـي

صح لسانك ولاهنت

شاعر مبدع

تقديري ,,

 

 

 

 

[معلومات العضو محمد مبارك ماجد]

صح لسانك واعتلى شانك

أخوك / محمد مبارك آل ناهش