قصيده للشاعر سعد بن سالم الخضران مدح في الامير : عبدالعزيز بن حزام العجالين

[معلومات العضو سعد بن سويحل الخضران]

قال من يكتب جـــديده على بيض الورق = لابغى يكــــــــتب جديــده وفـــكره دلها
القـــوافي في المــعاني تجي مثل الحلق = لاسمــــعها من سمعها مهوب يمــلها
المعــاني لانــــسجها تجي أجــــزل وادق = صـاغها في مخ فكره وهو صاحٍ لها
القصيد بحــــور وقبلي على المعنى سبق = قد طرقها من طرقها وبصـوته شلها
بمـــــدح أبن حــزام والشاعر بقوله وثق = والــــمدايح حلوها لاوردت في حلها
أبن منهو مع صـــــــقر العروبه متفق= يوم زاره في الكويت وقال الدروب أدلها
الذلول محمــــــــلها بالعتاد وبلفــــشق = والسيوف الصــــارمه بلزوم أنســـــلها
ذي افعول اللي له التاريخ وللعلياعشق= هل بـــــــيوتٍ من نــــصاها يظله ظلـها
عــــون من لازبــنهم وفي قلبه رهـــق = قالوا أرتــــــح والصـــعيبه علينا حلـها
وقتنا اللي فيه الأشخاص بليت بلقلـــق = خل أهل ســـــود الخوافي تموت بغلـها
وقتنا اللي خاف ذيـــبه وذل من السلق = ومن عرف قدر الذيـــابه مهوب يذلـها
مايصــيده من نوى فيه لوحط العلــــق = ولابغى ضين الــــــشواوي تنقى جلـها
هذاهو قول اللي بعسرالقوافي ماسرق= والمعاني بالقصـــــيده مهوب يــــزلها

 

 

 

 

[معلومات العضو الجراح]

يستاهل الأمير عبدالعزيز بن حزام بن خزام العجالين المدح وهم اهل للمدح من اول وتالي وبيض الله وجه الخضراني على الجزله تحياتي

 

 

 

 

[معلومات العضو سعد بن سويحل الخضران]

مشكور على مروورك العطر ..

تحياتي

 

 

 

 

[معلومات العضو حفيد الأمراء]

يستاهل الأمير

عبدالعزيز بن حزام بن خزام العجالين

المدح وهم اهل للمدح من اول وتالي

وبيض الله وجه الشاعر الكبير سعد بن سويحل الخضران على الجزله

ودايم أبو سلطان معودنا بجزل القصيد وقوة المعاني

ويكفينا قوله:

عون من لازبنهم وفـي قلبـه رهـق=قالوا أرتـح والصعيبـه علينـا حلهـا