اسمها معروف .. ( عاشق الرياض )

**معلومات** **العضو** · 13-10-2009, 11:56 AM

هذي الظاهر إنها قبل عصر الجوالات.. وأترككم مع قصيدة عاشق الرياض
(أبو حسن الحباشين المسعري من الوادي وترى فيها لغز)

فز قلبي كل ماجا اتصال من الرياض =لان رقمه ضاع وانا رقمي معه
والله ان الضغط زايد ولافيه انخفاض = لين اشوف الزين ولا يكلم واسمعه
كل ماجاء موعظه قدم القلب اعتراض= الفكر مشغول دايم يخيل له معه
لاحدن يعوضني والمحبة بالتراض = وان طلبني ناعم العود لاحد يمنعه
شوفها يزيد الفرح مثل برق يوم ناض = وكل منهو شاف برقه توجه لسنعه
شوفها يحيي كما يحي السيل الفياض= بعد ماهو ميت جاه سيل وزرعه
وشوفها للقلب يشفيه ........... اض = هي علاج القلب لو هي تجيه وتقطعه
اسمها معروف مابين زود واقتراض= واسمها كل يعرفه ومزين مطلعه
كل ماشفت اسمه هاض قلبي واستهاض=قلبي اللي بين الاضلاع وعجزت اقنعه
ان كان حظي ماكسبها كتبنا في عكاظ=وباكتب لكل الجرايد اعلاني وارفعه
قولوا إنه صابر لين دمع العين فاض=وقلبه المحروق من كثر همن يجمعه
وقولو إن لونه تبدل سواد من بياض = سامع له علم قدله اسبوع وروعه
قولوا إنه ماشي في طريق فيه ماض=يرجو إنك لا تكبر عليه وتقطعه
قولوا إلها نجتمع بيت عز بلا قضاض=بيت عز اخير من مال تجمعه

**معلومات** **العضو** · 13-10-2009, 08:16 PM

صح لسان الشاعر ولاهنت على القصيده الرائعه

تحياتي

**معلومات** **العضو** · 14-10-2009, 11:12 AM

هذا نوع من انواع الاغاز يكتب فيه الشاعر كلمات تعبر عن اسم شخص
وهوه صعب جدااا بحيث انك تشيل حرف من اول كلمة وتضيف حرف اخر وتاخذ ثاني حرف العجز ,, شرحه طويل عموماااا لاهنت على النقل يا ماجد وصح لسان قائلها

**معلومات** **العضو** · 14-10-2009, 11:18 AM

صح لسان الشاعر والناقل
نص رائع.. تسلم ايديك على طرحه
واللغز اشوفه صعب حيل .. يمكن يجيبه طير شلوى
دمت

**معلومات** **العضو** · 14-10-2009, 11:23 AM

صح الله لسأإنكـ ولسأإن الشأإعر ولأهنت على النقل الطيب

تحيأإتي

**معلومات** **العضو** · 22-11-2009, 10:47 PM

صحت ابدانكم ماقصرتو على الردود ومشكورين

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية