وان منعني الموت عنك اطلبك يمه السموح

[معلومات العضو وجد الكتابة]

يالمناجي وش تناجي كلها دود وعظام
يالمناجي اذكر الله وامسح دموعك وروح

يالمقابر لو دريتي وشهو في قلب الغلام
كان عمرك ماطلبتي صاحبك بعد ونزوح

يالمقابر جيت ادور حضنها بين الركام
وارمي بكل المشاعر واشتكي وقتي وانوح

جيت اكلمها واعاتب من عقب ماارسل سلام
ليه يا يمه تركتي اولدك ينزف جروح

جيت اعلمها بقراري بعد فقدانك حرام
اهتني برغد المعيشة والحزن عقبك يلوح

جيت وجاوبتني حلومي يوم شفتك بالمنام
شفتك تنادي ياخالد ناسي الوجه الصبوح

من يقول اني نسيتك يابعد كل الأنام
وعطرك العنبر اشمه في صدر دارك يفوح

لا تسامحني الأمومة كان ماقلته كلام
وشلت ايدين الكتابة لو شعوري به جموح

اسألي دمي وعروقي كيف صارو في خصام
واسألي قلبي ياامي ليه تصرخ فيه روح

كان عايش في حياتك صار من بعدك حطام
واكتشف فيني غموضه من بعد هاك الوضوح

وعافت النفس المحبه والعشق واهل الغرام
وانزويت اكتب قصايد مالها عندي طموح

بين جدران وزوايا اشتكي جور الظلام
وان بغت تبكي عيوني اهرب لفوق السطوح

لا غدى موتك منابر والحكي عنه امام
ابشري بشيخ المشايخ يخطب ويقرا شروح

ابتدي بيمه فديتك ارجعي عندي كلام
وانتهي بيمه غيابك اتعب الوجد المزوح

والقبر يمه بزوره كل يوم وكل عام
وان منعني الموت عنك اطلبك يمه السموح

 

 

 

 

[معلومات العضو شيهانه بكف صقار]

والقبر يمه بزوره كل يوم وكل عام
وان منعني الموت عنك اطلبك يمه السموح


مرثية قمة في الحزن

صح الله لسانك اخووي وجعل ربي يرحمها رحمة واااااسعه ويغفر لها

 

 

 

 

[معلومات العضو بومبارك العماري]

والقبر يمه بزوره كل يوم وكل عام
وان منعني الموت عنك اطلبك يمه السموح

الله وأكبر الله وكبر أحسنت أحسنت وأبدعت قصيده تبكي من الحزن والفراق صعب
صح الله لسانك ياوجد الكتابه وجعل ربي يرحمها رحمة واااااسعه ويغفر لها

تقبل مرورييييييي وكل أحترام وتقدير لك يالوافي

 

 

 

 

[معلومات العضو بومبارك العماري]

صح الله لسانك ياوجد الكتابه والله عورت قلبي

الله يرحم المتوفين ويحسن خاتمت الحيين وطول العمر لكم جميع

لاهنت لاهنت لاهنت

رد شيهانه بكف صقار كافي وتشجيع لنا

 

 

 

 

[معلومات العضو برنسيسه الريــــاض]

صح الله لساانكــ

والله يرحمها ويغفر لها

ارق التحااياا

 

 

 

 

[معلومات العضو فارس الدبالين]

الله يرحم والدتك ويسكنها فسيح جناته واموات المسلمين

صح السااانك ملآييين ولاهنت على القصيده الجزله والمرثيه المحزنه

بصراحه مبدع بمعنى الكلمه لله درّك

تقديري واحترامي ...