قصيدة رثاء في الامير / جلعود بن محمد بن ربيع

**معلومات** **العضو** · 05-10-2009, 11:04 PM

الامير / جلعود بن محمد بن ربيع رحمه الله عاش في اوائل عمره في منطقة الهضب شمال وادي الدواسر
واستقر في آخر عمره بمدينة وادي الدواسر حتى توفي رحمه الله واسكنه فسيح جناته
بمستشفى القوات المسلحه بوادي الدواسر في 20 / رمضان / 1423 هـ عن عمر يناهز 90 عاماً

وحيث امتاز رحمه الله بصفات عديده منها انه معروف بالدين والكرم والتواضع والاخلاق العاليه والجاه والاصلاح بين الناس

وهذه القصيدة قالها ابنه الامير / محمد بن جلعود بن ربيع في والده بعد وفاته طلباً من الله تعالى له بالعفو والمغفرة
رحمه الله واسكنه فسيح جناته

يالله يالمعبـود يارافـع السمـاء=ياباسط ارضـه وعـم بفضايلـه
يامدبرن الكـون بامـره وحكمتـه=ويامرجين عفوه وتخشى وهايلـه
افرج لمنهـو يسهـر الليـل كلـه=ونوم العـرب مايقبـل الا قلايلـه
على شيخ قوم شد من جو دارنـا=على دار غربن أصرفن به رحايلـه
هذاك ابـوي ومايعـوض بغيـره=وجميع الصفات الطيبه من خصايله
الاوله في طاعـة الـرب مخلـص=وعساها شفيعه يوم توزن حصايله
والثانيه ملجن لمن صعـب شانـه=الاجناب والا مـن نوايـد قبايلـه
والثالثه ماخبر حـس ابـن عمـه=ولا كان في صدره له الغيظ شايله
والرابعه عيـدن لهشالـت الخـلا=ويثبت لجوده مامضى من فعايلـه
فيشهد على ماقلتنا من سمـع بـه=وهذي صفاته من قدايـم حمايلـه
فيالله يالمعبـود ياقابـل الدعـاء=يالواحـد اللـي مايخيـب سايلـه
ابطلبـك يالله باسـمـاك كلـهـا=الغيب والمنزل على لسـان قايلـه
اكرم غريب راجيـن فـي ثوابـك=ولعفوك وحسنـاك قـدم وسايلـه
عساه فـي جنـات طوبـى منعـم=ومن الحور يكرمه الولي بحلايلـه
في جنة الفردوس يجنـي ثمارهـا=وماتشتهي نفسه من الرب نايلـه
فيا جاهـل الدنيـا تراهـا مغـره=وكم فرقت شمل الفتى من حمايلـه
فمن قبلنا ابن حميد رخص مباعها=وكل ذكر تزهيدهـا فـي مثايلـه
فيا جاهلن فيها تقبـل نصيحتـي=وافزع لروحك قبل تالـي مهايلـه
الاوله خمـس الفرايـض تقيمهـا=تنجيك في يوم تضاعـف وهايلـه
والثانيـه والديـك يلزمـك برهـم=ومن قدم الاحسان يجـزا فضايلـه
والثالثه الاقراب يلزمـك وصلهـم=ومن ياصل اقرابه يفـوز بنفايلـه
والرابعـه جـارك تمسـك بحقـه=ونبينا اوصى به ووضـح دلايلـه
والخامسه تصبر علـى مايصيبـك=وماكتب للمخلوق يبطـل تحايلـه
وختامها صلوا على سيـد البشـر=ما ناض بـراق وهلـت مخايلـه

**معلومات** **العضو** · 05-10-2009, 11:35 PM

% ابو ناصر %

بيض الله وجهك على هذا النقل المبارك

الذي اتسم بالرثاء الصآدق وهو شعور

غير مستغرب حينما يفقد أحده شخص

عزيز على قلبه فكيف بوالده وتسلسها

الثناء على الخالق و الرثاء الذي لا يصل

الى درجه المدح الغير معقول وثم النصح

والتذكير بأمور الصلاح و ما ينفع بالآخره

ابيات جميله وراائعه اكرر اعجابي بهذا

النقل الموفق

أخوك / ابو زيد

**معلومات** **العضو** · 05-10-2009, 11:37 PM

اللهم صلي على محمد وعلى آله وصحبه وسلم

ولاهنت يابوناصر على هذه القصيدة الجزلة عن المرحوم الشيخ جلعود بن محمد بن ربيّع ونسأل الله أن يغفر له ويجعل الفردوس الأعلى مقره.

ونشكرك على إيراد هذه القصيدة وآل ربيّع اسم مميز في قبيلة الدواسر ولهم مع التاريخ والأمجاد قصص وسير ، رحم الله من توفي منهم وأدام وأعز ذريتهم.

تقبل ودي وتقديري ،،،،

**معلومات** **العضو** · 05-10-2009, 11:45 PM

الله يرحم الشيخ جلعود بن محمد بن ربيع المخاريم

ووصح لسانك على نقل هذي القصيده

تقديري لك

**معلومات** **العضو** · 06-10-2009, 12:17 AM

الله يرحم الشيخ جلعود بن محمد بن ربيع المخاريم

ووصح لسانك على نقل هذي القصيده

تقديري لك

**معلومات** **العضو** · 06-10-2009, 12:36 AM

شاكر مرور الكرام

تقبلوا تحياتي

**معلومات** **العضو** · 08-10-2009, 02:22 AM

صح لسان الشاعر ,, ورحم الله الامير جلعود ,,
القصيدة لو تقرها كل يوم ماتملها من جزلتها

**معلومات** **العضو** · 10-10-2009, 01:42 AM

اقتباس:

المشاركة الأصلية كتبت بواسطة ابو عمر الشمري

صح لسان الشاعر ,, ورحم الله الامير جلعود ,,
القصيدة لو تقرها كل يوم ماتملها من جزلتها

صح بدنك وجزاك الله خير

تقبل تحياتي

**معلومات** **العضو** · 10-10-2009, 08:49 PM

الله يرحمه ويسكنه الجنه ويغفر ذنوبه

**معلومات** **العضو** · 11-10-2009, 03:11 AM

اقتباس:

المشاركة الأصلية كتبت بواسطة ابو زابن المسعري

الله يرحمه ويسكنه الجنه ويغفر ذنوبه

جزاك الله خير

**معلومات** **العضو** · 04-11-2009, 11:42 PM

مشكووور

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية