مرثية محمد بن عبدالله بن ناصر الودعاني (بن جخير)

**معلومات** **العضو** · 13-10-2009, 09:58 PM

توفي يوم الخميس الخامس من شوال لعام 1430 محمد بن عبدالله بن ناصر الودعاني (بن جخير) رحمه الله وهذه القصيده رثاء به

طاح العمود وما بقى غير الاوتاد=يالله تجبرهم وتجبر عزانا
توشحي على الذي فقده حداد=زيدي بحزنك حزننا ما كفانا
استرسلي ابكي على سيد الاولاد=ابكي واببكي لين يفقد حدانا
له صورتن عندي ثلاثية ابعاد=مقدام قوم وبالمواقف حصانا
درب الشهامه والوفا عنه ماحاد=وافي خصال قاداها بالعنانا
جانا من العارض معايد وعواد=وحل القضا من بعد ذاك الزمانا
يوم الخميس خامس لشوال لاعاد=قبل المغيب لاعاد منه نبأنا
قال المنايا حوضها جاه وراد=يالله تعالوا واحضرو ما عانانا
حاولت اكفكف دمع حزني ولافاد=اسمع واكذب كن مالي اذانا
ساعة تاكد لانقيصه ولازاد= منه اكفهر واسود وجهي وشانا
ايقنت بان الموت ماعنه رداد=لايخلف الساعه الى الوقت حانا
امنت بالي له بالليل سجاد=عباد يرجونه باطهر مكانا
بانك لمحمد على رووس الاشهاد=تيمن له كتابه ويدخل جنانا

عبدالرحمن القُبس

**معلومات** **العضو** · 14-10-2009, 10:09 PM

رحال

صح لسانك وصح لسان الشاعر على هذه الابيات المحزنه

والله يرحم محمد بن عبدالله الودعاني ويسكنه الجنه

**معلومات** **العضو** · 15-10-2009, 01:26 PM

رحال

صح لسانك وصح لسان الشاعر على هذه الابيات المحزنه

والله يرحم محمد بن عبدالله الودعاني ويسكنه الجنه

**معلومات** **العضو** · 19-10-2009, 04:11 AM

صح لسانك وصح لسان الشاعر على هذه الابيات

والله يرحم جميـــــع موتى المسلمين .

**معلومات** **العضو** · 04-11-2009, 11:39 PM

مشكووور

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية