حركات بعض الشباب عند المذاكرة , , ,

[معلومات العضو ابوهاجر الدوسري]

::~حركات الشباب عند المذاكرة::~
1)الثلاث وجبات الرئيسية لازم يقعد عليها أول واحد ومايقوم إلا آخر واحد (جوعان المسكين ما ينلام) وأحيانا يزيد وجبات إضافية إذا كانت المادة دسمة

2)يقعد يسوي نفسه طفشان وتعبان وياربي ماني قادر أذاكر مدري وشفيني حاس بكتمة يمه الظاهر أحد قاري علي وإلا صاكني عين تقعد أمه المسكينة تسمي عليه وترشه من هالعزايم وموية زمزم وتعال يا وليدي أقرى عليك كل هذا عشان إذا سقط يقولون عين حايسته ( أنا ما أقولكم أن كل اللي يسون كذا يكذبون لأن العين حق)

3)بعضهم ينزل عليه وسواس نظافة أيام الأمتحانات يتروش الصبح والليل وقبل كل صلاة وكل ما قالت له أمه يا وليدي بكره اختبارك ذاكر خلاص تقشر جلدك من الترويش قالها يمه إن الله جميل يحب الجمال (وطبعا هالمثل ما يجي على باله إلا وقت الاختبارات) ولا يطيح تلميع وتغسيل بالسياره وتستيب بالكفرات لين ماتتقشر بويتها طبعا هذي من واجباته اليومية ما يقدر يتركها عشان يذاكر ما يصير

4)وبعضهم تنزل عليه صلة الرحم فجأة يقوم <<يكلم واحد من اصدقاءه القديمين من زمان ما كلمه 000يبي يشوف كان ما عنده شي يبي يمره بعد العصر يسلم عليه يشوف وش صار عليه ويشغله عن المذاكرة 00 ويمر جدته وجده وكل أقاربه يبداهم زيارات من أول يوم لأخر يوم من الأمتحانات وبعد الاختبارات (مسافر في زمن النسيان) وهذا المسكين اللي من قليل الحيله يوجع القلب لا قفلت معه مسك المخده ونام لين تصحيه أمه الصبح ويقول يووووووه راحت علي نومه

5)يأنبه ضميره لازم يدخل المنتدى يشوف من رد على مواضيعه ومن نزل موضوع جديد ولا يترك موضوع ألا ويرد عليه ولا ويطيح رسايل خاصه لكل الأعضاء اللي فاقدهم طبعا هم لهم شهور ما دخلوا بس توه يحس انه فتقدهم من زود الفضاوه ......

والله مساكيين الشباب يدورون اي شي علشان ماايذاكروون والله حااااااااااالة

منقوووول للأبتسامة , , ,

 

 

 

 

[معلومات العضو ابومبخوت الدوسري]

لاهنت يابوهاجر على هذا الموضوع بارك الله فيك شباااب شبااب (( عذر البلييد مسح السبوره )) (((من جد وجد ومن زرع حصد ))) تقبل إحترامي وتقديري

 

 

 

 

[معلومات العضو ناصر بن فهد]

الله يعطيك الف عافيه على الموضوع



ولاهنت يا ذيبان




*


*


إحتـــرامي

 

 

 

 

[معلومات العضو ناصر فياض الودعاني]

ههههههههههههههههههههههه


الله يعطيك العافيه ابو هاجر

 

 

 

 

[معلومات العضو بنت الشيخ]

تسلم أخوي أبو هاجر على مشاركتك ...نقل موفق



أبو مبخوت ضحكني ردك الله يسعدك

 

 

 

 

[معلومات العضو برنسيسه الريــــاض]

ههههههههههههههههههههه

أنا من اللي ينزل عليييهم صله الرحم فجأه>>قسم أني أستغرب وأقول وش ذا الوصل اللي جااني ....

ما أقوووول ألا جعلها في مواازيييين حسناااتي

 

 

 

 

[معلومات العضو خيالية]

هههههه يعطيك العاااافيه ،، والله يوفقنااا جميعااا

 

 

 

 

[معلومات العضو الزين]

لاهنت يابو هاجر على النقل الطيب والله يسعدك في الدنيا والاخره

ليش تعتقدون ان ذي اسباب للتهرب من الدراسه يمكن تكون بسبب الحاله النفسيه

والا وسوسة شيطان والا غيرهـ

الصراحه تحوشني ذا الحركات خاصة الاولي وزيد على الوجبات شاهي وقهوه لزوم التركيز لكن موب تهرب لان راح ندرس ندرس لامفر

دعواتكم لنا بالنجاح .....

 

 

 

 

[معلومات العضو دـأيـم إهـذريبــگ]

انا اهم شيء القهوه وتمسيكة الراس

ههههههه

عسى الله يوفق الجميع وادعو لنا بالتوفيق

مشكور على الموضوع

 

 

 

 

[معلومات العضو أبونواف الدوسري]

أسعدك الله يا أبوهاجر

وفقك الرحمن ورحم والديك....

 

 

 

 

[معلومات العضو ابوهاجر الدوسري]

أخواني وخواتي شرفني مروركم العطر , ,

 

 

 

 

[معلومات العضو علي العبدالهادي]

	الله يعطيك الف عافيه على الموضوع