البارحه ياحسين مركاي كوعي

[معلومات العضو الحرالابيض2]

	البارحه ياحسين مركاي كوعي البارحه ياحسين مركاي كوعي .. .. من العشا الين اذن الفجر يا حسين ما غير اسلي خاطري بالدموعي .. .. مثل الذي من يقضي الدين بالدين وكل السبب طيري حسين الطبوعي .. .. النادر الا شوفته تطرب العين اللي لمني نهمته فزوعي .. .. مثل الشجاع الي نهموه القريبين قمت اتذكر تلته لطلوعي .. .. بخدن قنصنا فيه حروة اسبوعين مدري ثمان ايام معهن اسبوعي .. .. لا شك كنهن يا ابن الاجواد يومين وفي تالي المقناص يوم الربوعي .. .. اتلى العهد به راح يلوى الجناحين اقفى وراء خرب مصقر جزوعي .. .. متذير واردفت من عقبه طيرين وسقنا معاهن وسط خد منوعي .. .. اقفن شمال ومبعدات عن العين وقفت ادربل مير مامن سنوعي .. .. وقالوا جهاز الطير ما نسمعه زين واجهدت رجلي بكل رجمن رفوعي .. .. ارقى والوح وادبل الصوت صوتين وما قصرو وقت المنافع ربوعي .. .. واخذت في جو القطامي نهارين لاشك طيري ما نوى لالرجوعي .. .. وانا بعد حدرت يم البلادين ما كان ودي ان المفارق فجوعي .. .. ليته موادعيني سوات المحبين الله يلوم الطير بعده يلوعي .. .. خلاني اسهر والمخاليق ممسين عساه يسلم من يدين الطموعي.. .. اللي على النشاد يخفي البراهين والا الرجال الي تعرف السنوعي .. .. تلقى على حجله مع السبق رقمين والا عساه بنازيات التنوعي .. .. ورزقه على الي خالق الناس من طين ومما جرا يا حسين قلبي قنوعي.. .. لو كان عقبه خاطري صايرن شين __________________ مـــــــــنـــــــــقـــــولــــــــــ

 

 

 

 

[معلومات العضو عبدالله الحافر الغييثي]

لاهنت يالحر قصيده رائعه والله يخلف عليه وياليت لو تفيدنا عن شاعرها

 

 

 

 

[معلومات العضو محمد بن سالم الخضراني]

تسلم على النقل وصح لسان شاعرها

 

 

 

 

[معلومات العضو ابو عمر الشمري]

والله مرت علي القصيده حاليا ناسي شاعرها لاكن ان شاء الله يومين واجيب اسمه لاهنت يا ناقل