مرثـــــــيه حزيـــــــــــنه جــــــــــــدا

[معلومات العضو هيوفة]

السلام عليكم ورحمه الله وبركاته
هذي قصيده قالها احد الشعار وهي مرثيه
البارحه ليل السهر والمعاناه
سهران مالي رغبه بالرقادي
لولا ضلوعي خافقي في الخلا تاه
تلعب بي انواد الشمال الغوادي
يا ونتي ونت ذياب مضراااه
في راس نياف طويل المبادي
عليه بالي كل ما قلت بأنساه
واسج منه ان زارني في رقادي
اشوف الغالي يجيني بذكراه
في الحلك كنه بصوته ينادي
يا حي ضحكاته ويا حي ممشاه
ويا حي مزحه والزعل والعنادي
ميت وروحه صاعده عند مولاه
عسى له الجنات يوم المعادي
نبكي عليه بوسط الاكفان شلناه
يا الله عسى يوم الحزن ما يعادي
يوم انزلوه بجال قبر حفرناه
بكوا عليه الناس حضر وبوادي
تكفون الشلي بقبره دفناه
فارق ربوعه كلهم والبلادي
وقفت فوق القبر دمعي بمجراه
حزين واخفي رجفتي وارتعادي
والموت ليته خذ غيره وخلاه
ليته يجنب كل رجل جوادي
وليت الردي داخل القبر يفداه
لا شك طراد المنى ما استفادي
وجدي على فرقا كحيلان وجداه
وجد البري اللي بالسلاسل يقادي
وجد الكسير اللي تعثر بممشاه
خلوه ربعه في نهار الطرادي
ابكوا وانا ببكي رفيقن عرفناه
ويا شين عقب المعرفه الافتقادي
نضحك له امس واليوم بكيناه
اليوم قدهو في القبر انفرادي
كم ليله زينه تحدثت وياه
ما بيننا هجر وجفا وابتعادي
يا عين هلي دمعك عقب فرقاه
ابكي فراق اللي نوى بالشدادي
قولوا لحزامي ترى ما نسيناه
ما دام نور الشمس للناس بادي
والله ما انسى زمان قضيناه
حلفت ما انسى الرجال الجيادي
قم يا رسولي ود خط كتبناه
صوب الرجال اللي تعرف القوادي
سلم عليهم عد غيم نثرناه
واعداد سيل في مجاريه زادي
ثم قلهم حكم مقدر من الله
والصبر مفتاح الفرج والرشادي
يا اهل العقول يروح مثله وشرواه
الموت خذ قبله سباع عوادي
راح النبي محمد بأمر مولاه
وبني هلال وقبلهم قوم عادي
من مات عقبه ما تفيد المواساه
ولا يرجعه العزا والحدادي
وختامها صلوا صلاه مثناه
على نبي المخاليق هاادي


الله يرحم موتانا وموتا المسلمين اجمعين
تحيـــــــــــــــــــــــــــــــــــــــــــــات ي

 

 

 

 

[معلومات العضو قلب القلطه]

سلمتي علي النقل والله لايحرمنا من مواضيعك

 

 

 

 

[معلومات العضو خيالية]

اللهــــــم آمييين ،، تسلمين على النقل ...