زحول الشرافاء ياثقل فعلهم مخبور !!

**معلومات** **العضو** · 27-10-2008, 02:16 PM

اخواني الاعزاء,,,,

السلام عليكم ورحمة الله وبركاته ..

هذه قصيده للشاعر متعب بن غازي العتيبي يمدح هادي بن سالم ال جحيش الشرافي

و هادي رجال ونعم يستاهل المدح ..

على درب ابو سالم نبا ندفع المقهور=يباري لوضح هايم القفر يرعنه
يباري لوضح وسمهم فوقهن مجرور=تشوف الشمطري واللطيمه عليهنه
مرابيعهن ماكف عرعر ليا بالقور=وحد العراقي كم مره تعدنه
على درب شيخ بالقدايم مضى له دور=يقود السرايا والمضاعين يتلنه
ابو سالم اللي بالوفاء والسخاء مذكور=ثلاث الخصال الطيبه محتويهنه
ولاننسى عزيز القوم ابو مسفر المشهور=اخو هادي اللي جعل مثواه للجنه
ولد صامل القالات والمعرفه والشور=بماضي الليالي يتبعونه بلا منه
ذوي مسفر اللي ينثني الورك فوق الكور=يسج الركايب لين ينزل شحمنه
ليا جر نمرا بيرقه فوقها منشور=وهج الهجيج الشيخ يثني وراهنه
ليا جا نهار فيه صوت الرصاص يثور=بواريدهم ما يسلم اللي يصيبنه
زحول الشرافاء ياثقل فعلهم مخبور=نهار الصبايا غالي اللبس يرمنه
تحت راس اخو وضحا ليا زرفل المظهور=تغروا بوضحا والعمايم رموهنه
وابا العذر منكم كان جاء بالكلام قصور=مفاعيلكم واجد ولااحصي عددهنه

وسلامتكم

**معلومات** **العضو** · 27-10-2008, 02:23 PM

الأخ عبدالرحمن الشرافي

بيّض الله وجهك على إيراد هذه القصيدة الرائعة والجزلة ، والتي إستمتعت بقرائتها مره وأخرى و أخرى ، وصح الله لسان الشاعر على ما تحمله القصيدة من جزاله وحبكت بناء

ويستاهل هادي بن سالم آل جحيش المدح والثناء

ولا تحرمنا من جديدك يا طويل العمر

وتقبل فائق التقدير والإحترام
أخوك : أبومحمــد،،

**معلومات** **العضو** · 27-10-2008, 02:31 PM

زحول الشرافاء ياثقـل فعلهـم مخبـور
نهـار الصبايـا غالـي اللبـس يرمـنـه
تحت راس اخو وضحا ليا زرفل المظهور
تغـروا بوضحـا والعمايـم رموهـنـه
وابا العذر منكم كان جاء بالكلام قصـور
مفاعيلكـم واجـد ولااحصـي عددهنـه

كفو كفو والله بلاد الحزيمي ويستاهلون الطيب بني عمنا وعلمهم وافي وتاريخهم يرفع الراس ،وصح لسان الشاعر العتيبي بيض الله وجهه وعز الله ماقصر. ويستاهل الممدوح ماقيل فيه من المدح. لاهنت يابو سالم على إيراد هذه القصيدة وبيض الله وجهك. تقبل ودي وتقديري ،،،

**معلومات** **العضو** · 29-10-2008, 07:44 AM

صح لسان العتيبي و تستاهلون يالشرافا ماقيل فيكم

**معلومات** **العضو** · 01-01-2009, 12:40 PM

لاهنتوا اخواني جميع على المرورر

وبيض الله وجيهكم

ولا عليكم زوود

تحياتي

**معلومات** **العضو** · 12-01-2009, 12:16 AM

كفو كفو كفو يستاهل لاد الحزيمي والله لايهينك يابوسالم على ايراد القصيدة التي تنومس

اخوك ابوهادي

**معلومات** **العضو** · 12-01-2009, 01:03 AM

صح الله لسان الشاعر
ويستاهل هادي بن سالم آل جحيش المدح والثناء

ونعم بالشرافاء

ولاهنت يابو سالم

**معلومات** **العضو** · 24-01-2009, 02:27 PM

ابو زابن

ابو هادي

لاهنتوا جميعاً على المرورر

ولاعلى باقي الدواسر زوووود

تحياتي

**معلومات** **العضو** · 25-01-2009, 01:49 AM

صح لسان شاعرها ويستاهل الممدوح كل علمن غانم

وبيض الله وجهك يا عبدالرحمن ولاهنت على كل حال

**معلومات** **العضو** · 19-08-2009, 07:56 AM

يستاهلون الشرافى ماقيل فيهم

بارك الله فيك

شكرا

**معلومات** **العضو** · 26-08-2009, 04:29 AM

صح لسان العتيبي و تستاهلون يالشرافا ماقيل فيكم

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية