مع أبو صالح‏.!!!

[معلومات العضو المحيربي]

السلام عليكم ورحمة الله وبركاته...

اعجبتني ونقلتها لكم.



أبو صالح و أبو راشد قاعدين يطالعون الأخبار في بلدتهم بريدة في القصيم.

أبو راشد - وش قاعد تفكر فيه يا بو صالح؟

أبو صالح - أفكر بهالدين العظيم اللي انتشر من أقصى الأرض الى أقصاها. ناظر

هالمسلمين الصينيين.

- و الله أنك صادق يا أبو صالح.

- بس ترى هذول ما يعرفون من الدين الا القشور. طبايعهم زي الأجانب، بس يصلون.

المسلمين الصدق هم العرب اللي يفهمون القرآن و الأحاديث.

- و الله أنك صادق يا أبو صالح.

- و بعد ترى موب كل العرب مسلمين صحيحين. عندك هالشوام و المصاروه و المغاربه و

الله حتى ما يصلون صلاة ربي. ان بغيت المسلمين الصدق تراهم أهل الجزيرة و الخليج.

- و الله أنك صادق يا أبو صالح..

- و موب بعد كل الخليج.. ترى كل هالدول تسمح بالخمر و بالكنايس، الدين الصدق هو

ديننا حنا يا أهل السعودية.

- و الله أنك صادق يا أبو صالح.

- بس عندك بعد أهل الشرقية فيهم شيعة و حريمهم ما يغطون وجيهم، و أهل الغربية

حريمهم بعد ما يتغطون و يشيشون، و أهل الشمال حريمهم ما يتغطون عن رجالهم و

يجلسون معهم و يضيفوهم. و أهل الجنوب مثل ما انت خابر عندهم بدع واجد. الدين

الصدق هنيه عندنا في الوسطى و القصيم.

- و الله أنك صادق يا أبو صالح..

- بس ترى عندك هنا في الوسطى الناس يتتنون (يدخنون) و يسمعون موسيقى و العياذ

بالله. الدين الصدق هنيه ببريدة.

- و الله أنك صادق يا أبو صالح..

- بس بعد في بريدة موب كل حارة زي الثانية، ترى أكثر أهل بريدة مركبين دشوش و

يشوفون القنوات الماجنة. ما فيه مثل حارتنا مافيها و لا دش واحد.

- و الله أنك صادق يا أبو صالح...

- بس الله يهديهم جيراننا موب دايم تشوف عيالهم في المسجد، و لا تشوفهم دايم في

صلاة الفجر. الصراحة يا بو راشد ما فيه في الحارة يصلون الفجر دايم في المسجد الا أنا

و انت.

- و الله أنك صادق يا أبو صالح..

-بس أشوفك يا بو راشد هالأيام ما تخشع زين في صلاة الفجر.

وتقبلوا تحياتي

م ن ق و ل

 

 

 

 

[معلومات العضو الزين]

مووووضوع طيب لاهنت على النقل ياخوي

 

 

 

 

[معلومات العضو نادر الناهشي]

المحيربي...اخوي موضوع طيب لاهنت

 

 

 

 

[معلومات العضو محمد بن سالم الخضراني]

لاهنت بالمحيربي على النقل الموفق



ولاعدمناك يالذيب

 

 

 

 

[معلومات العضو المحيربي]

السلام عليكم ورحمة الله وبركاته...


اشكركم جميعا اخواني على التشريف والمرور.


تحياتي

 

 

 

 

[معلومات العضو دغش محمد الصخابرة]

لاهنت يالذيب ,,,,,,ويعطيك العافيه على الطرح الجميل ,,,,,,


ودمتم بحفظ الرحمن .........


وتقبل تحيااااااااتي ........

 

 

 

 

[معلومات العضو ابوعبدالرحمن الودعاني]

ههههههههههههههههههههههههه

حسبي الله ونعم الوكيل مالقيت تضحك إلا على

أهل القصيم ..مقبوله منك

محبك/ أبوعبدالرحمن الودعاني