ابليس والعجوز!!!!!!!!!!!!!!!!

[معلومات العضو روعة الحكمة السكوت]

بسم الله الرحمن الرحيم




كان ياماكان في قديم الزمان
كان فيه أمراة عجوز قاعده بروحها

وفجأه طلع لها ابليس.........


((( لقافه..... يبي يتحرش))) العجوز خافت وسمت بالرحمن



قالها ابليس انتي يا عجوز هل تعتبرين نفسك داهيه؟؟؟؟

قالت العجوز: نعم أنا داهيه والناس كيدهن عظيم

أبليس: أنا أتحداك وبنشوف منو كيده أعظم المرأه والا أبليس

العجوز: خلاص أنا بسوي مشكله وأنت تحلها واذا ما قدرت أنا راح أحلها
وراح أفوز بالرهان

أبليس: اوكي نشوف

.................................................. .................................................. ........


راحت العجوز حق واحد من هالبطاليه اللي ماعنهم شغل وياكثرهم

وقالت أنا بشغلك عندي فترة معينه بس اذا تبي فلوس لا تتدخل ولا تتكلم
((( وافق الشاب لأنه طفشة من البطاله ويبي فلوس)))


راحت العجوز ومعاها الشاب لمحل قماش وقالت له أنتظرني عند باب المحل
دخلت المحل وخذت قماش غالي وراحت تكاسؤ تاجر القماش



العجوز: رخص يبن الحلا
التاجر: اذا أنتي ماعندك فلوس أخذي شئ أرخص
العجوز: ماأقدر لازم ولا يصير شئ ماصار
التاجر :ليش؟؟؟ لها الدرجه شالسالفه؟؟
العجوز: شفت الشاب اللي واقف عند باب المحل هذا ولدي يحب وحده متزوجه وهي تحبه ولما تتطلق من زوجها ولدي بيتزوجها
وهو يقولي أن عارضتيني علي الزواج بطردك من البيت وأمرني أني أشتري قماشغالي عشان يعطيها حبيبته والا راح يطردني من البيت مع أن البيت بالأساس بيتي ولكن غلطت وكتبته بسمه(((( العجوز تبكي))))))



التاجر: خلاض هونيهل وتهون والله كسرتي خاطري خلاص انا بعطيك القماش ببلاش وعسى الله يواجرني



العجوز طلعت مستانسه بعدها راحت العجوز لبيت زوجه تاجر القماش وطقت الباب وطلغت الزوجه


العجوز: اه يابنيتي أنا تعبت بالطريق وماأقدر أكمل ممكن أقعد عندك أرتاح 5 دقايق


رحبت الزوجه ودخلتها وأكرمتها وجابتلها شاي


العجوز: مشكوره ما تقصرين ان شاء الله اردها لك(( تعمدت تنسى القماش وطلعت)))



الزوجه: حرام نست قطعه القماش... أكيد بترجع بعد شوي وتاخذه
وراحت تحط القماش بالدولاب عشان اذا رجعت العجوز تعطيها



تاجر القماش رد لبيته وتغدى ذاك الغدى السنع ونام شوي


قعد العصر وفتح الدولاب يغير ملابسه عشان يروح محله فجأه شاف قطعه القماش وعرف أن المراه اللي يبها ولد العجوز هي زوجته يعني تخونه

قام عليها وطقها وطردها بالشارع بالهدوم اللي عليها
والعجوز كتنت تنتظر هاللحظات في أخر الشارع فراحت لها تركض


العجوز : شفيك يا بنيتي ليش تبكين؟
الزوجه: زوجي طردني وماعطاني فرصه أتكلم
العجوز : خلاص أمشي نروح بيتي وأنا بروح أحل المشكله



راحت العجوز لبيتها ودخلت الزوجه في غرفتها والشاب في غرفه ثانيه وأمرته مايطلع منها

راحت العجوز للشرطه تبكي وتقول: كنت قاعده في بيتي وفجأه دخل رجل ومعه أمراه وقعدوا بيتي حاولت أطلعهم ماقدرت(( أحتلو بيتي)))


ذهبت الشرطه وقبضت علي الشاب والزوجه... وقطوهم بالسجن



العجوز: ههههه شرايك يا ابليس؟؟؟ دورك الحين حل المشكله
ابليس: لا لا ماأقدر أحلها السالفه تشربكت

العجوز : خلاص انا راح أحلها وكأن شئ لم يكم وراح أربح الرهان


رااحت العجوز تزور الزوجه بالسجن وقالت لها: أنتي ساعدتيني مره وانا الحين بساعدك يلا لبسي عباتي وغطي نفسك وأطلعي من السجن كأنك أنا وانا بقعد مكانك


الزوجه: مشكوره لكن أنتي؟؟
العجوز: مالك شغل مثل ماطلعتك بطلع بنفسي(( تمت عمليه الهروب بنجاح))



الوالي أمر الحراس يحضرون المسجونيين عشان يحكم عليهم
حضرت العجوز والشاب وقال لهم الوالي: ليش قابضين عليكم شمسويين؟؟

ردت العجوز: احنا ما سوينا شي كنا قاعدين في بيتنا انا وولدي والا الشرطه طابه علينا وماخذينا السجن



عصب الوالي وهزأ الشرطه وما عطاهم فرصه يتكلمون ويقول: غلطانين وتبون تتكلمون شين وقوات عين


طلعت العجوز من الوالي مستانسه وعطت الشاب فلوس وأنهت خدمته عندها



راحت العجوز لتاجر القماش وقالت له أنها تعبت يالطريق وأن زوجته أصيله وأكرمتها ون كثر التعب نسيت القماش عندها وان زوجتك بريئه


وقالت خذ قماشك لان ولد سافر هو وزوجته الجديده



رجع التاجر زوجته وتأسف منها وراضاها بعد



العجوز: شرايك ياأبليس أن فككت السالفه سهله


ابليس: أنتي ربحتي يما يما أن كيدهن عظيم


(( أنحاش وهو خايف)))

تحياتي لكم

 

 

 

 

[معلومات العضو ابو فهد الغييثي]

هههههههههههههه
الله يكفينا شر كيد النساء والمشكله انها عجوز عندها خبره
الله يعطيك العافيه على القصه

 

 

 

 

[معلومات العضو مبارك الخييلي]

هههههههههه



الله يسعدك أخوي عبدالهادي




سلمت يمينك والله يعطيك العافية



لاتحرمنا جديدك


تقبل شكري والتقدير

 

 

 

 

[معلومات العضو روعة الحكمة السكوت]

مشكوريين على المرور الطيب وماقصرتوا
تحياتي لكم

 

 

 

 

[معلومات العضو رائــــــــــد]

ههههههههههههههههههه
والله يا ابليس قاعد يقشر
بصل ما اكل عيش مع
هالعجيز
يعطيك الف عافية

 

 

 

 

[معلومات العضو ((هلاله))]

مشكور وما قصرت

تقبل مروري العطر

 

 

 

 

[معلومات العضو زايد جد الدواسر]

ههههههههههههه

والله قصه حلوه

 

 

 

 

[معلومات العضو يحيى الودعاني]

لا هنت وبيض الله وجهك

سالفه جميله


( للفائدة فقط مكر النساء من مكر ابليس و وسوسته )

 

 

 

 

[معلومات العضو روعة الحكمة السكوت]

حياكم الله على مروركم وردودكم الطيبه
تحيااتي لكم

 

 

 

 

[معلومات العضو *همس*]

رائــــع ماقدمت
تقبلوا مــــروري

 

 

 

 

[معلومات العضو دوسري خطيير]

والله العجوز ذي عقدت مخي من الخطه إلي سوتها