شعر عتاب قوي

[معلومات العضو درة الاماكن]

آسف أنـا فـي حبـي لـك تسرعـت
... ظنيت ألاقـي فيـك شـيٍ فقدتـه

كنت أحسبك مجروح مثلـي تولعـت
... جربت فرقى شخص قلبـك وهبتـه

كنت أحسبك من مرّ جرحك تجرعـت
... حبيت فيك أحسـاس طفـلٍ لمحتـه

لو قلت آآآه بوسط روحـي توجعـت
... ولو شفت دمعاتك شعوري سكبته ღ ..


_____________________


.. ღ ولو تطلب عيونـي ابـد مـا تمنعـت
... وأعطيك قلبي لو بعد مـا طلبتـه

وصلت بـك أعلـى مكـان وتربعـت
... وفي قلب غيري ياالغضي ما وصلته

واصبر على صدك وأشوفك تدلعـت
... واعطيـك ود مـا أظنـك حسبتـه

أذهلتنـي بطباعـك اللـي تطبعـت
... حتى قصيدي فيك ابد مـا فهمتـه ღ ..


_____________________


.. ღ لو كان غايتك حروفـي فانـا بعـت
... وافرح بجرح الشاعر اللي جرحتـه

يكفي قهر في جيتي لـك تواضعـت
... تركت غيرك لأجل عينـك وبعتـه

ياليتنـي عـن حـب مثلـك ترفعـت
... ياليت قلبي قبـل أعرفـك دفنتـه

لكن أببعـد دامنـي بـك توهقـت
... الله يرحـم حبنـا اللـي ذبحـتـه ღ ..


____________________


.. ღ أنا شريت الود والحيـن أنـا بعـت
... وأنا عطيتك قلبـي اللـي قهرتـه

في يوم جيتك أطلبـك ود وأقنعـت
... نفسي بأنك شخص عـادي عرفتـه

كمل حياتـك مثـل مـا أنـا توقعـت
... تبقى أسير الماضي اللـي فرضتـه

ولا يحزنك إنـي غلطـان وتراجعـت
... حولك بدالي ألف شخـصٍ عجبتـه

أما أنـا لا يمكـن اخضـع ولا طعـت
... يحرم علي أعطيـك قلـبٍ خذلتـه ღ ..


___________________


.. ღ بريّحك مـن شوفتـي يومـك قطعـت
... أسلوبك اللي بـه تجامـل كرهتـه

غلطان يا المقفـى أنـا مـا تتبعـت
... غيري يتابـع خطوتـي مـا تبعتـه

ما ينحني راسـي لـو إنـي تقطعـت
... وما هو أنا لا مـن رميتـه لقطتـه

وان كان غرك كلام عذالي وطعـت
... الله يعلـم كيـف قلبـي سكنتـه

اللـي مـلا قلبـك علـي وتسمـعـت
... خله يعوض شخـص مثلـي خسرتـه ღ ..


_________________


.. ღ أنـا بمـا فيـه الكفـايـة تولـعـت
... واللي بقى من قلب فيني حرقتـه

بأول لقاء سلمتـك إحساسـي وضعـت
... غلطت حياتي يـوم قلبـي سلبتـه

واستسمحك بالبعد كأنـي تراجعـت
... ما عاد ابلقى فيـك شـي فقدتـه

طبعك مثل غيرك وطبعي كما كنـت
... أحب شخص ولا تركتـه،، تركتـه

وان شفتني صدفـة بعينـك تطلعـت
... ذكرتني بإنسـان غالـي فقدتـه ღ ..


بصرااااحه عجبني مره مره مره حسيت انه على الجرح وحبيت انكم تستمتعون فيه مثلي


منقول لعيونكم يارب يعجبكم



درة الاماكن

 

 

 

 

[معلومات العضو شافي القويسي المخاريم]

 

 

 

 

[معلومات العضو الشقرديه]

كل الشكرعلى الطرح الرائع

 

 

 

 

[معلومات العضو درة الاماكن]

الشقرديه شكرا لك

 

 

 

 

[معلومات العضو طلال بندر الهاجرى]

يا اختي درة الاماكن بكل صراحه انا انسان

جديد في هاذا المنتدي الجميل والرايع واليوم

تصفحت جميع القصايد وعبني ابداعك الرايع

والجمييييييل تقبلي مروووووووري وتحيااااتي

لك مع جزيييييل الود والاحتراااااااام

 

 

 

 

[معلومات العضو خيالية]

يعطيييك العاااافيه ،،

 

 

 

 

[معلومات العضو محمد بن سالم الخضراني]

سلمتي على الاخيار الجميل