استفسار عن قصيده

[معلومات العضو الزينة]

اخواني واخواتي الاعزاء سمع بيت شعر وابغى اعرف من له وابغى القصيده كامله لو سمحتوا البيت:

ان عشت ياراسي كسيتك عمامه=وان مت ياراسي فدتك العمايم

وش معنى عمامه

 

 

 

 

[معلومات العضو راشد المسعري]

الزينة

أولاً كلمة عمامة هي (المعم) للراس يعني ما يشبه الغترة اليوم وتلف على الراس.

وصاحب هذا البيت هو الفارس والشاعر محمد بن سرار المنبهي الشهراني وقد قاله بعدما طعن به السن وتذكر شبابه وقوته وتحسر على زعامته التي أخذها اقربائه من بالقوة ،وكان له أولاد كبار لم ينفعوه ، وأرسل الأبيات إلى ولد له صغير مع أمه عند أخواله على ماأظن (قحطان) واسمه عمر ولما وصلت الأبيات لعمر رد عليه بقصيدة وذهب لأبيه واسترد زعامته المفقودة وعزه المسلوب ، وهذه أبيات الأب:

ان عشت ياراسي كسيتك عمامه =وان مت ياراسي فدتك العمايم
ياراس شيبك ما بدا بك مذله = والشيب تكرم به كبار اللمايم
الاجواد يكرم شيبها في مشيبها = نقالة القالة محوص الصرايم
ياما نطحنا في الصبا من قبيله=يوم الصبا والكيف للرمح رايم
وياما خذينا تونا من كسابه=بسيوفنا راحت تقسم غنايم
وياما نسفناهم على جال وادي=وياما نحونا فوق سود الشكايم
اربعمائة خيال جونا مسيره=جونا يبون الغرس حلو الطعايم
وقالو يسار الغرس والايمينه=امس لكم واليوم جاء فيه سايم
وقلنا لهم من دونه الموت حامي =اليوم نهدي الروح نخشى اللوايم
وثنيتها لعيون غرس بكاير=يثمر بهيبتنا غصونه نعايم
واخذت اطاردهم وانا فوق قباء=مثل الهدود اللي عن العشب صايم
تلحق ليا غارت ولا يلحق بها=شقراء ولا ضريتها للهزايم
من يوم بان الفجر ليا اعتلا الضحى =وحنا نقلط للمسير عزايم
والله عطانا منصب الحظ والظفر=يوم التقت بين القروم الولايم
يوم اسلموا للمنع واسندت عنهم=لياهم كما عشب لفح به سمايم
هذا اسير وهذاك يومه دنا به =وهذاك مكسور وهذاك شايم
هذا زمان فات ما ينفع المنا=يوم اذكر الماضي تزيد العظايم
الراس شاب وثالثه رجلي العصاه =الله يوقض قلب من كان نايم
انا ابن سرار علومي قديمه=محي عسرها طيب الليالي القدايم
وانا في رجاء عمر وعمر وراء الشفاء =عساه اليا جانا ترد اللزايم
لعل قبل الموت نسمع بشيره=بجاه من يحي العظام الرمايم
لو ان غالي حبنا في بلادنا=غنيمه تحضى الغنا والغنايم
لكن غالي حبنا في لداده=سحيمة قشراء وجات ابهايم
لولا لحاهم قلت ذولا من النساء=عيون الحبارى شافت الصقر حايم
وصلاه ربي عد ما ذعذع الهواء =على النبي واصحابه اهل الكرايم

وعندما وصلت القصيده الى ابنه عمر ارسل له بالرد التالي :

ياشيخ تعذر غايبك مثل ما غاب=والذنب ذنبك يوم تطلق ازمامه
ان كاني من نسكم يوم غلاب =بنيت بيتك في طويل العدامه
والصيت يرجع لك ولك فيه مظراب =صيت ابن سرار حسب ما يرامه
والله ان يمر القوم ما مر الاحزاب =لو صار من بين الفريق انقسامه
والبل ترجع لك على عد واحساب =ابل القصير للي عزيز مقامه
بيوم به الغران ياتون شياب=الا انهم يبغون درب السلامه
حلفت دينه فيه مانب كذاب =يا جارك انه يهتني في منامه
والبل وصرتها مع العقل تنجاب=اوكد من اللي قيم في صيامه
وانا لحوض الموت وارد وشراب =لعيون من وصا بقصة ابهامه
وترى الوعد ما بيننا ثجر واغراب =كلا على الموعد يشاور عمامه
وانا شويري سيف هند له انصاب =ورمح مزهينه بريش النعامه

وهذه القصة مشهورة ، وصارت مضرب مثل فيقال عندما يكون الشخص مسروراً ومنشرح البال:-

اليوم عندي مثل يوم ابن سرار
أو
ذالليل من ليالي ابن سرار

(إضافة) وبعض الروايات يقولون اسمه (ابن سرّان) وليس ( ابن سرار )

 

 

 

 

[معلومات العضو الزينة]

اخوي راشد المسعري يعطيك الف عافيه والله خدمتني خدمه كبيره تقبل كل شكري وتقدير كل الود

 

 

 

 

[معلومات العضو ابوبدر المصارير]

بارك الله في من تبارك


الله يعطيك العافيه اختي الزينه اللي طرحتي هالبيت وجاب هالقصيد والعلوم اللي تنومس

بيض الله وجهك اخوي ابو محسن على المشاركه القيمه لاهنت الله يعطيك العافيه

 

 

 

 

[معلومات العضو نايف الخييلي]

المشاركة الأصلية كتبت بواسطة راشد المسعري

الزينة

أولاً كلمة عمامة هي (المعم) للراس يعني ما يشبه الغترة اليوم وتلف على الراس.

وصاحب هذا البيت هو الفارس والشاعر محمد بن سرار المنبهي الشهراني وقد قاله بعدما طعن به السن وتذكر شبابه وقوته وتحسر على زعامته التي أخذها اقربائه من بالقوة ،وكان له أولاد كبار لم ينفعوه ، وأرسل الأبيات إلى ولد له صغير مع أمه عند أخواله على ماأظن (قحطان) واسمه عمر ولما وصلت الأبيات لعمر رد عليه بقصيدة وذهب لأبيه واسترد زعامته المفقودة وعزه المسلوب ، وهذه أبيات الأب:

ان عشت ياراسي كسيتك عمامه =وان مت ياراسي فدتك العمايم
ياراس شيبك ما بدا بك مذله = والشيب تكرم به كبار اللمايم
الاجواد يكرم شيبها في مشيبها = نقالة القالة محوص الصرايم
ياما نطحنا في الصبا من قبيله=يوم الصبا والكيف للرمح رايم
وياما خذينا تونا من كسابه=بسيوفنا راحت تقسم غنايم
وياما نسفناهم على جال وادي=وياما نحونا فوق سود الشكايم
اربعمائة خيال جونا مسيره=جونا يبون الغرس حلو الطعايم
وقالو يسار الغرس والايمينه=امس لكم واليوم جاء فيه سايم
وقلنا لهم من دونه الموت حامي =اليوم نهدي الروح نخشى اللوايم
وثنيتها لعيون غرس بكاير=يثمر بهيبتنا غصونه نعايم
واخذت اطاردهم وانا فوق قباء=مثل الهدود اللي عن العشب صايم
تلحق ليا غارت ولا يلحق بها=شقراء ولا ضريتها للهزايم
من يوم بان الفجر ليا اعتلا الضحى =وحنا نقلط للمسير عزايم
والله عطانا منصب الحظ والظفر=يوم التقت بين القروم الولايم
يوم اسلموا للمنع واسندت عنهم=لياهم كما عشب لفح به سمايم
هذا اسير وهذاك يومه دنا به =وهذاك مكسور وهذاك شايم
هذا زمان فات ما ينفع المنا=يوم اذكر الماضي تزيد العظايم
الراس شاب وثالثه رجلي العصاه =الله يوقض قلب من كان نايم
انا ابن سرار علومي قديمه=محي عسرها طيب الليالي القدايم
وانا في رجاء عمر وعمر وراء الشفاء =عساه اليا جانا ترد اللزايم
لعل قبل الموت نسمع بشيره=بجاه من يحي العظام الرمايم
لو ان غالي حبنا في بلادنا=غنيمه تحضى الغنا والغنايم
لكن غالي حبنا في لداده=سحيمة قشراء وجات ابهايم
لولا لحاهم قلت ذولا من النساء=عيون الحبارى شافت الصقر حايم
وصلاه ربي عد ما ذعذع الهواء =على النبي واصحابه اهل الكرايم

وعندما وصلت القصيده الى ابنه عمر ارسل له بالرد التالي :

ياشيخ تعذر غايبك مثل ما غاب=والذنب ذنبك يوم تطلق ازمامه
ان كاني من نسكم يوم غلاب =بنيت بيتك في طويل العدامه
والصيت يرجع لك ولك فيه مظراب =صيت ابن سرار حسب ما يرامه
والله ان يمر القوم ما مر الاحزاب =لو صار من بين الفريق انقسامه
والبل ترجع لك على عد واحساب =ابل القصير للي عزيز مقامه
بيوم به الغران ياتون شياب=الا انهم يبغون درب السلامه
حلفت دينه فيه مانب كذاب =يا جارك انه يهتني في منامه
والبل وصرتها مع العقل تنجاب=اوكد من اللي قيم في صيامه
وانا لحوض الموت وارد وشراب =لعيون من وصا بقصة ابهامه
وترى الوعد ما بيننا ثجر واغراب =كلا على الموعد يشاور عمامه
وانا شويري سيف هند له انصاب =ورمح مزهينه بريش النعامه

وهذه القصة مشهورة ، وصارت مضرب مثل فيقال عندما يكون الشخص مسروراً ومنشرح البال:-

اليوم عندي مثل يوم ابن سرار
أو
ذالليل من ليالي ابن سرار

ماشاء الله عليك ياراشد

وهذا تساؤل مبروك من الاخت الفاضله اللى جابت لنا هذي القصه الممتعه اللى جمعت بين الشجاعه والبر , الله يعافيك يابو مسحن على هذا الطرح

 

 

 

 

[معلومات العضو الشقرديه]

الف عافيه للجميع في من طرح الابيات ومن جاب القصه الرائعه لاهنتو

 

 

 

 

[معلومات العضو محمد بن سالم الخضراني]

الزينه الله لايهينك ع السوال عن البيت ولكك التحيه

وابو محسن ابيض وجه واقول له ماشاء لله تبارك الرحمن

دمت مبدع ياقاموس المنتداء

 

 

 

 

[معلومات العضو خيالية]

الزينه يعطيك ألف عافيه ،، اللي خلتينا نعرف قصة الأبيات المشهوره والله يبارك في جهود راشد المسعري اللي اتحفنا بالقصايد والقصه ........

 

 

 

 

[معلومات العضو ابو زيد الغييثي]

لاهنتي اختي الكريه على هذا التسائل

و بو محسن ما شاء الله عليه ما عطانا مجال

كفى ووفى ولا هفى

 

 

 

 

[معلومات العضو الزينة]

الف شكر على كل من تداخل في الموضوع واشكر اخوي ابومحسن كل الود

 

 

 

 

[معلومات العضو حشـاره]

يعطيكم العافية على الموضوع الشيق