شعراء من المساعرة والمخاريم والخضران والهواملة والوداعين يمتدحون فخذ( آل حزام) العجالين

[معلومات العضو حفيد الأمراء]

راكب اللي فوقها الكور دنا=رسم غاربها يفج البديـد
يم أبو خزام زبن المجنـا=شيخنا يفعل على ما يريد
إن بغانا سله سقنا ظغنـا=وإن بغانا جردةٍ لا نزيـد
كن دفق السيل هدت جهلنا=لاتحدر مع واديٍ حشيـد
جارنا اللي راتعٍ في وطنا=مهملينه وهو هدب الجريد
عند العشى شرفتنـا فـي نايـف=في راس رجم من علاوي شروفها
آول كلامـي لا إلـه إلــى الله=إللي رقيب فوق الأمـه يشوفهـا
من عقـب ذا ياراكـبٍ منجوبـه=راعيها بمسواق الرحايل يلوفهـا
تنصى حزام مشبع الضيف بالقسى=له كرمه ما تنعرف لي وصوفهـا
راعي صحنٍ لاغابت الشمس جره=ما تنعرف لي حيلها من خروفهـا
المواتر يا ولد خـزام جنـك=جاتك أجموس بهلها شاحناتي
مع طريق البر هاضن وانحرنك=جعلن مثل الطيور الطايراتـي
شيخٍ إلى من عطا يعطي وهو راضي=ماهـوب قـنٍ يـدور للمعسـريـه
من لابةٍ فعلهم يوم الجهـل ماضـي=وسيوفه في نهـار الكـون مطليـه
كريم يا بارقٍ مـن يمهـم ناضـي=جعلـه عليهـم يروح كـل عصريـه
البارحه يوم المخاليـق ممسيـن=عين عيونـي بالكـرى يهتننـا
من هاجسٍ مخفيه بين الضلاعين=وهموم حزنٍ في ضميري سطنـا
يا الله يا قابل صـلاة المصليـن=أفرج لعبدك وارزقـه مـا تمنـا
شاف الهوايل في زمانه من سنين=شاف الهوايل في زمن يجرحنـا
شكواي بسندها لربـعٍ عجاليـن=أفعالهم في الطيـب مـا يجهلنـا
عبدالعزيز حزام زبـن المجنيـن=زبن الدخيل اللـي فبيتـه تعنـا
انا أشهد انه من رجالٍ عزيزيـن=بيوت الفخر لعيـال زايـد تبنـا
وانا أشهد انه من رجال كريميـن=بوصاف حيلٍ بالصحن يوضعنـا
وانا اشهد انه من رجالٍ ضريبين=يوم الملاقـى حرابهـم يطعننـا
شدو عليهـا عقـب ممسـى ومقيـال= تلفـي بكـم مشعـان عيـد الهزالـي
مشعان لامن صك جال علـى جـال= حـلال عسـر معقـدات الحبـالـي
عـون الرفيـق وللمعاديـن ســلال= شبره طويـل أوافـي الشبـر طالـي
سلام يـا مقعـد صخـا كـل عيـال= ياصاعـد بالجـود روس الطوالـي
كم عالجت يمنـاك مـن كـدر وزلال= حتـى غـدا شربـه قـراح زلالـي
وأصبحت يا مشعان في عالي الجـال= يشرف علـى الديـرة مبنـاه عالـي
والفوا على بن حزام شيّـال الأثقـال= لا مـن جـذت بحمولهـن الجمالـي
عبد العزيز اللي عسى أيامه أطـوال= قـرمٍ علـى قـرمٍ ومجنـاه عـالـي
فرز الوغى بيت الصخا مرخص المال= خـذا المراجـل بالوفـا والكمـالـي

 

 

 

 

[معلومات العضو حماد الدوسري]

يستاهل الممدوح وشكرا للشعارء جميعا.


ولكم جزيل الشكر

اخوكم / حماد الدوسري

 

 

 

 

[معلومات العضو ابوبدر المصارير]

لاهنت اخوي حفيد الامراء

على ايراد القصائد للشعراء الكبار ويستاهلون المدح العجالين والله ومليار نعم

تحيااااااااااااااااااااتي

 

 

 

 

[معلومات العضو نايف الخييلي]

يستاهلو ال حزام

وصح لسانك ولاهنت على طرح هذي القصايد التي قيلت فيمن يستحقونها

 

 

 

 

[معلومات العضو محمد الولامين]

صح لسان الشعراء ويستاهلون العجالين المدح والعلوم الطيبه
ولاهنت ياحفيد الامراء على ماقدمت وبيض الله وجهك

 

 

 

 

[معلومات العضو ابو زابن المسعري]

يستاهلون المدح العجالين

لاهنت على نقل هذه القصائد وبيض الله وجهك

 

 

 

 

[معلومات العضو حفيد الأمراء]

الاخوة الكرام



شاكر لكم



على هذا المرور العطر



والذي عطر المشاركه



والبسها جمالاً ونورا



ونثر عليها زهراً يفوح شذاه دوام الأيام



وماعليكم زود