|
|||||||
08-07-2005, 05:43 PM
|
#1 | ||||||||
|
لبّا قليبــــــــه ((الوحيد))
ياحبيب الروح فرقاكم صعيبه=وعذابي من فراقك وعذابي
كيف بقوى وحتمل كبر المصيبه=عزتي للقلب من كبر المصابي هلت دموعي على خدي سكيبه=كن بقصا ضامري مثل الجنابي جف صاف الدمع ثم اقبل سريبه=يوم ودعت الغضي ترف الشبابي موقف صعب وساعاته رهيبه=التويت بلبته يوم التوابي قال تكفا قلت له لبّا قليبه=ماتمنى يانضر عيني يجابي قال تكفا لاتطول بالمغيبه=لاتناساني مع طول الغيابي قلت له عهد مواثيقه قطيبه=لاذكرك قدام زادي والشرابي ماتناسا صاحب وافي صحيبه=لين تنزح ماللوطا سود الهضابي ولين ينسى الذيب لاجاع الزريبه=ودام سيف العشق عزه بالنصابي طالة المده ولارد النبيبه=عل يسقى لانتهى وقت أرتبابي ياحياة الروح فرقاكم غليبه=من سببكم ماكن فيني صوابي الصواب اللي محد غيرك دريبه=أتظاهر بالسعاده والبلابي قلبي المجروح يسهرني نحيبه=اشهد ان الجرح من عقبك سطابي جرحي اللي ماعرف طبه طبيبه=وانت لامن جيت منك الجرح طابي وهني من لاعرف حب وحبيبه=ماتولع في هوى ريم الروابي الهنوف اللي عجايبها عجيبه=خصها بالزين من ينشي السحابي جادلٍ في طلته حشمه وهيبه=هيبه ترهب زعيم الانقلابي كن رمش عيونها صفة كتيبه=مايقاوم سهمها القاتل ارهابي والعيون الخرس ويل اللي تصيبه=لجلها تخضع عزيزات الرقابي والشعر شلال ناعم مكتسيبه=اشقر غطى جبينه بانسيابي كالحرير يفوح به مسكه وطيبه=لالفحني ريحه منه أنتشابي والشفايف جمرها من يكتويبه=يدمن الكيه ولوفيها حسابي ومبسم حب البرد به ينلقيبه=مبسم طعم العسل بشفاه ذابي والجبين اللي بياضه ينسريبه=مثلها ماقد مشى فوق الترابي كنها بدراً تلالا نقتديبه=ماحجب نوره تزبار الضبابي فتنة بين البشر تمشي غريبه=آيةً في الحسن لله المآبي صوره سبحان منهو معتنيبه=دون صبغ ودون مكياج وثيابي في جمال كل هالناس تحكيبه=ويش انا بقول يالله الثوابي واهني واحظ منهو من نصيبه=اشهد ان ربي لدعواه استجابي طلبتي يالله عسى ربي يجيبه=دام ربي في بحر حبه رمابي والله اني لا أعشقه حتى مشيبه=لوكبر عندي هوى بالي شبابي
|
||||||||
|
|
|
|
08-07-2005, 09:39 PM
|
#4 | ||||
|
الأخ الشاعر حسن بن بطحيه
قصيده جزله من شاعرٍ أجزل ورائع لله درك على ماكتبت وصح الله لسانك ملايين تقبل الود والتقدير والأحترام أخوك ابو محمد ...
|
||||
|
|
|
|
08-07-2005, 09:59 PM
|
#5 | ||||||||
|
|
||||||||
|
|
|
|
09-07-2005, 01:13 AM
|
#6 | ||||||||
|
ابن بطحيه الودعاني
هــــلا بــــــكـ صـــــــح كــــــلك مليـــــــــوون لاهنــــــــــت ,, أختـــــــكـ
|
||||||||
|
|
|
|
09-07-2005, 10:01 AM
|
#7 | ||||||
|
تسلم تسلم يالودعاني
|
||||||
|
|
|
|
09-07-2005, 01:15 PM
|
#8 | ||||||
|
ماشاء الله عليك جزل وماتجيب الا الجزل
|
||||||
|
|
|
|
24-07-2005, 01:25 PM
|
#10 | ||||||||
|
اخواني الاعزاء كلن بأسمه
بيض الله وجيهكم على المرور المتواصل والردود المشرفه لاعدمنا هالمرور وايضا الردود ..
|
||||||||
|
|
|
|
16-03-2006, 03:08 PM
|
#11 | ||||
|
ماخليت يالوحيد شى للشعار !!
|
||||
|
|
|
|
02-04-2009, 06:46 AM
|
#12 | ||||||||
|
رد: لبّا قليبــــــــه ((الوحيد))
الزير.
|
||||||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| الحل الوحيد لي اهالي جده | ابو حسين الدوسري | :: قسم الصوتيات والمرئيات والصور بما يوافق الشريعة الاسلامية :: | 8 | 02-02-2011 12:33 PM |
| أرفع رأسك انت سعوووودي | دغش محمد الصخابرة | :: قسم الصوتيات والمرئيات والصور بما يوافق الشريعة الاسلامية :: | 4 | 22-10-2010 01:53 AM |
| مفتاحك الوحيد , لفتح قلوب الآخرين ..! | سعود التميمي | :: قسم المـواضيع الـعامــة :: | 12 | 20-06-2010 10:02 AM |
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 05:56 AM
