شعراء من الوداعين يبدعون في مدح (آل حزام العجالين)

[معلومات العضو حفيد الأمراء]

شدو عليها عقب ممسى ومقيــال = تلفي بكم مشعان عيد الهـزالي
مشعان لامن صك جال على جـال = حلال عسر معقدات الحـبالي
عون الرفيق وللمعادين ســـلال = شبره طويل أوافي الشبر طالي
سلام يا مقعد صخا كل عيـــال = يا صاعد بالجود روس الطوالي
كم عالجت يمنـاك من كدر وزلال = حتى غدا شــربه قراح زلالي
وأصبحت يا مشعان في عالي الجال = يشـرف على الديرة مبناه عالي
والفوا على بن حزام شيّال الأثقال = لا من جذت بحمولهن الجمالي
عبد العزيز اللي عسى أيامه أطوال = قرمٍ على قرمٍ ومجناه عالي
فرز الوغى بيت الصخا مرخص المال = خذا المراجل بالوفا والكمالي
يا راكبٍ من فـــوق عــــــــدو معفــــاه =تنصى بنا اللي يكرمون الرجالي
واللا عــــــــلى اللي توزرعت حــــــذاياه =سواقها اللي لا مشاء ما يمـــــــــالي
ينصى بنا اللي يكرم الضيف لا جاه =أبو حزام القرم شيخ الرجــــــــــــالي
عبد العزيز اللي على العـــــــــز منشاه =خذا المراجـــل والمراجـــــل ثقـــــــالي
شيـــخٍ ولــد شيـــخٍ على ساس مجناه =يصبر على الشدات طول الليــــالي
قرمٍ على قرمٍ عساء النذل يفـــــــــــداه =اللي رقاء بالطيب روس الجبــــالي
خذاء المراجل ورث والله قـــــــــــــــــــداه =قداه للجــــــــــــــزلات في كل حالي
أبوه منهو تكسب الطيب يمنــــــــاه =يشهد له التاريخ فعل يقــــــــــــــــــالي
ويشهد له ابن سعود يوم المصــــالاه =يوم الذخاير تدهــــــــر بشتعـــــــــالي
صقر الجزيرة مطوع كل منـــجاه =يشهد بأن أفعالهم راس مـــــــــــــالي
ترثت عجالين لهم جوهر وجـــــــــاه =من لابتٍ تعرف نهــــــار القتــــــــالي
تلقاء مجالسهم على الطيب مركاه =والبن هو والهيـــــل عطـــــر الدلالي
وتلقا الشحم بصحون حيلٍ مجفاه =عاداتهم بالطيب أول وتـــــــــــــــــالي
ولا من غداء للحرب نار مصالاه =يردون حوض الموت ورد النهـــــــالي
يردونها ما حسبـــــــــــو للملاقاه =وعدوهم من عقبهم جـــــاء يشــالي
وكم طــــامع جاهم وداووه بدواه =أسقوه من علــــــقم همـــاج حثـــالي
وزبينهم في ظفهم ما حــــــد جـــاه =حامينه ويمشي عزيــــــــزٍ وغــــــالي
ولو كان نحسب طيبهم ما حصيناه =وما يرتكي لثقالها اللاء الجمالي
سلم عليهم عد منشت رفايــــــاه =وسلم عليــــــــهم عد ما لفى مــــالي
وصلاة ربي عد من فرضه أداه =وعداد ما هبت هبــــــوب الشمالي
على الرسول اللي على الدين ممشاه =وعداد ما كان القمر جاء هلالي

 

 

 

 

[معلومات العضو محمد الولامين]

لاهنت ياحفيد الامراء على الطرح الرائع وبيض الله وجهك

 

 

 

 

[معلومات العضو نايف الخييلي]

يستاهلون ماقيل فيهم

والله يرحم شلعان بن ظافر

شاكر لك طرحك هذي القصايد

 

 

 

 

[معلومات العضو مانع الولماني]

لاهنت ياحفيد الامراء على الطرح الرائع وبيض الله وجهك

وتسلم يمناك يالغالي

 

 

 

 

[معلومات العضو ابو فيصل الودعاني]

شهادت الوداعين وسام على صدوركم
تحياتي

 

 

 

 

[معلومات العضو حفيد الأمراء]

الاخوة الكرام



شاكر لكم



على هذا المرور العطر



والذي عطر القصائد



وماعليكم زود