محاورة بين الشاعر رشيد الزلامي ومحمد السناني

[معلومات العضو غازي المسعري]

رشيد الزلامي:

هلا يا مرحبا ترحيبة ترضي جميـع القـوم
وأنا مدري جهينه وش يزعلهـا ويرضيهـا
تراني ما نشدتك يالسناني عن علوم اليـوم
أبا انشد عن علوم لي شهر وأسبوع موحيها

محمد السناني:


يدوم بك البقا والقوم ما ترضى بحب خشوم
تقدم يالزلامـي للقضيـه وانـت قاضيهـا
سمعنا كلمة الظالم سمعنا دعـوة المظلـوم
تداوي علـة المظلـوم والا مـا تداويهـا

رشيد الزلامي:

ليا جت للقضا خليت عينك ماتذوق النـوم
على شأن الحصاه اللي من الهضبه تدربيها
أنا والله ما قسمت الحلال ولا حضرة قسوم
لكن اشكوا على رب ليا خربـت يسويهـا

محمد السناني:


أقول الحمد لله يالزلامي ما عليه لـوم
أعرف انك تكحل عينها والصبح تعميها
من اللي قسم التفاح والرمان والبرشوم
أظن أصحابك الغالين ماليتن مخابيهـا

رشيد الزلامي:

اكحل لي عيون رجال لن جا في العلوم علوم
وليلـى مـا نكحلهـا يكحلهـا بناخيـهـا
أحد يأكل من النخله واحد من شجرة الزقوم
اخذها يا ولد متـروك واقبلهـا بمـا فيهـا

محمد السناني:


أعرف انك سلالة قوم ما أنت من الظفر محروم
لكن فالربـع افنديـه عليـك تطـول أياديهـا
ما دام انك من البارح قسمت القوم فرس وروم
ترى كـل محاسـب بالصـلاه اللـي يصليهـا

رشيد الزلامي:

يا مشا الله يبي ينفخ شريم وبرطمه مشروم
ليا حاول يشب النار جاهـا مـن يطفيهـا
ليا ضيعتها في وقتها مانـي بهـا ملـزوم
عساكم في الجحيم وذمتـي منكـم مبريهـا

محمد السناني:

أراد الله ومن نجم السما طاحن ثلاث نجوم
عسى الله لا يعين اللي على راسه مضويها
وحنا نحترمك ولا نبيح بسـرك المكتـوم
نخاف الله لو انك صرت حاميها حراميهـا

 

 

 

 

[معلومات العضو أبـ ريماس ـو]

الف شكر اخوي غازي على الطرح
محاوره قويه وصارمه بين الطرفين تقبل شكري

 

 

 

 

[معلومات العضو نايف الخييلي]

الله يعافيك ياغازي

على طرح ونقل هذه المحاوره القويه بين شاعرين كبيرين

 

 

 

 

[معلومات العضو غازي المسعري]

كل الشكر ابو ريماس على المرور

 

 

 

 

[معلومات العضو غازي المسعري]

نايف الخييلي

تشرفت بمرورك