مفساااااااااااح مقطار

[معلومات العضو ابوبدر المصارير]

ياربعنا عنـدي لكـم خمسـة أشبـار=بابيعهـن لـلـي فلـوسـه كثـيـره
الشبرعشـرة ميـل وشويـة أمـتـار=وابغـى علـى المترالمربـع شعيـره
باضحك على المجنون ولـي معـه زار=واخذعليـكـم سجـتـن واتعـبـيـره
والعب مع الملقـوف مفسـاح مقطـار=واجعـل لكـم عنـد النشامـا مسيـره
واخذبكـم تسعـه وتسعيـن مـشـوار=والعـن ثواكـم بالـدروب العسـيـره
لـوان فيهـا شـوي هسـه ومحـدار=محـدن بناقدنـي بوسـط العشـيـره
ماني بقوله حـب فـي نظـم الاشعـار=مـن دلنـا التالـي بشبـه الجـزيـره
ماينشد الرجال عـن صايـرن صـار=تلقاه مـن بنـت الجبـل فيـه ذيـره
أوي والله ظلـع والظلـع ابـه غـار=يدوي يادوب تشـوف فيـه الذخيـره
وراحت حيود الظلـع مـن ناروحجـار=ياتنكـسـر والاكلـتـك السـعـيـره
ولايـدق لسـان كـبـدك بمسـمـار=وتمـشـي مــع البيدابليابـصـيـره
ياعنك شـوط الكهربـه يوقـد النـار=من سلك عاري من سلـوك الظفيـره
وشوف عرض السوق معرض وسمسار=وعندي خبرفـي عاملـه مـن مديـره
ودام الزمـن فـوق المخالـيـق دوار=بالبيـض للحمـران مافـيـه خـيـره
يامـن لكـم بالبيـع والمشتـرى كـار=ياحافريـن الـدرب شـرن وغـيـره
الحـوم يبـرم روسكـم ليـن تنـدار=والغوص يظهر زبدكـم مـن مظيـره
ولاكل من غـاص البحرجـاب محـار=يامـدوريـن الــدره المسـتـديـره
والله لااغـركـم بغـبـات الابـحـار=وقـطـع نسمـكـم بالبحورالغـزيـره
أنابغـبـة لـطـم الامــواج بـحـار=مانـيـب أدورهابـشـط البـحـيـره
ومادونهـا صـدّه ولافـيـه مـعـذار=وعندي لكم سيفـن حـدوده شطيـره
يقـص راس الـداب ويوّسـم الثـار=ويصّحي الـي منجظـع فـي سريـره
ماللـردي ولاش حشـمـه ومـقـدار=ولااللـي تقلـب نيتـه فـي ضميـره
النـذل مايـدرى علـى جيـرة الجـار=مايلـزم الهلـبـاج خــوه وجـيـره
ياكل مقفـى الادمـي عشـرة امـرار=لاغـــاب والالاحضـرمـايـديـره
يضحـك بوجهـه كـل مـاجـاه زوار=لاكـن فـي كبـده عليـه المـريـره
ولولااني ادرى من مشاريـه الاخيـار=انــي لـحـط العالـيـه بالجفـيـره
وشـب فيكـم ورمـي العبـد لابــار=وسود القلـوب الـي تفـوح بخميـره
شذابـة العرقـوب شهبـان الانظـار=امفرقيـن الخلـق فـي كـل ديــره
ياهـل النمايـم يامدوريـن الاخـبـار=لابعـث ابوكـم ماتـبـون الستـيـره
الـي حدانـي ليـن وقفـت ابخـتـار=هرجـن يـروج بينـكـم بالسـريـره
ودي بـكـم وان طـالـن الاعـمـار=لاجـرفـوق المتقـيـن الـجـريـره

للشاعر/ممدوح بن عبدالله المرزوقي


يايلت نلقى من الاخوان المصممين من يصمم لنا لعبة مفساح مقطار

من الايميل تحيااااااااااااااااتي

 

 

 

 

[معلومات العضو مطلق الحصان آل عمار]

اخي الشاعر/ الحبيبي

يعطيك العافيه على الاختيار الرائع جدااااااااااا

وصح لسااااااااان الشاعر ممدوح

تحيااااااااااتي وتقديري لك ولما تقدم

 

 

 

 

[معلومات العضو متعب الخييلي]

صح اااالسان الشاعر ويعطيك العافيه علا ها النقل كما عوتنا يا الحبيبي جميل في مواضيعك للك تحياتي

 

 

 

 

[معلومات العضو ابوبدر المصارير]

مطلق الحصان آل عمار ,,,,,,, متعب الخييلي

الله يعطيكم العافيه على المرور الكريم لاهنتوا

وكل عام وانتم بخير

 

 

 

 

[معلومات العضو الزين]

ماللـردي ولاش حشـمـه ومـقـدار=ولااللـي تقلـب نيتـه فـي ضميـره
النـذل مايـدرى علـى جيـرة الجـار=مايلـزم الهلـبـاج خــوه وجـيـره
ياكل مقفـى الادمـي عشـرة امـرار=لاغـــاب والالاحضـرمـايـديـره
يضحـك بوجهـه كـل مـاجـاه زوار=لاكـن فـي كبـده عليـه المـريـره
ولولااني ادرى من مشاريـه الاخيـار=انــي لـحـط العالـيـه بالجفـيـره
وشـب فيكـم ورمـي العبـد لابــار=وسود القلـوب الـي تفـوح بخميـره
شذابـة العرقـوب شهبـان الانظـار=امفرقيـن الخلـق فـي كـل ديــره
ياهـل النمايـم يامدوريـن الاخـبـار=لابعـث ابوكـم ماتـبـون الستـيـره
الـي حدانـي ليـن وقفـت ابخـتـار=هرجـن يـروج بينـكـم بالسـريـره

لاهنت وبيض الله وجهك ياخوي على النقل الطيب

 

 

 

 

[معلومات العضو ابوبدر المصارير]

هلا وغلا باختي الزين
يامال العافيه
لاهنتي على المرور الكريم