|
|||||||
22-12-2008, 03:49 PM
|
#1 | ||||
|
ناريه (بدر بن صقر × ماجد الدوسري )
بسم الله الرحمن الرحيم السلام عليكم ورحمة الله وبركاته يسعدنا ان نقدم لكم هذه المحاوره الناريه التي جرت بالأمس واستمرت مدتها حوالي 5 ساعات بين الشاعر المبدع الفوهرر ( بدر بن صقر العجالين ) و الشاعر المبدع ( ماجد الدوسري ) ماجد الدوسري :
سلام تسليمة وفاء معهـا عتـاب=للشاعر اللي شدهـا ثـم هدهـا خل النظر ياصاحبي فوق السحاب=وإن قلت كلمة لازم إنـك قدهـا بدر بن صقر العجالين :
يامرحبا ياصاحبن ضمن الصحاب=اعتب على اللي شاتها ماصدهـا عيني تناظر للسما يا أبو الشباب=وان قلت كلمه اعرف اني عندها ماجد الدوسري :
الليل توه مبتـدي واللعـب طـاب=يالله عسى الاصحاب يفلـح كدهـا يا(الفوهرر) وإن كان في جوك ضباب=صحصح معي والعين صوبي لدها بدر بن صقر العجالين :
الليل زان وعادتي نطح الصعاب=والملعبه عشقـي بهـا واودهـا وان كان ضاعت ابلكم لا لا تهاب=انـا لهـا ياصاحبـي واردهـا ماجد الدوسري :
حتيش لو تعشق وحثيت الركاب=قدمك جبالٍ تبتلش فـي هدهـا ماضاعت الحاجة ولو إنا غياب=اخذ العلوم وهاتها ثـم ودهـا بدر بن صقر العجالين :
نرقى وناطى كل صلف(ن) والهضاب=وان كان تقـدر ياصحيبـي عدهـا الليـل تـوه تـو ماجـاك العـذاب=والملعبـه حنـا تـرانـا نـدهـا ماجد الدوسري :
كم واحد لامن رقا جـاه اكتئـاب=لاشاف مزح القـوم ثـمٍ جدهـا حلمك كبير بس يزميلك سـراب=وبعض الضنون احيان تلقا ضدها بدر بن صقر العجالين :
كم واحدن من بعد ذا الحادث مصاب=والضغط عالـي والمواتـر حدهـا حلمي تحقق وانت تحسب له حساب=وان كان قلته اعـرف انـي قدهـا ماجد الدوسري :
لا تغير الموجه ليا شح الجواب=وان حدتك الايام فاحفظ سدهـا أنته مهاجم صح لكنك مصـاب=خذ لك سنة تأهيل عقبه.. مدها بدر بن صقر العجالين :
موجاتنا قدام لـو زاد الذبـاب=ثبت عيونـك مانبيـك تلدهـا كن القوافي بحر والمعنى غباب=ياليت تعرف جزرها من مدهـا ماجد الدوسري :
لاتضيع المشية مثل ذاك الغراب=وإن فطروك الناس بكرة غدهـا كن القوافي سيف والمعنى جراب=لا تذخـر المذخـور يالله بدهـا بدر بن صقر العجالين :
طريقنا قدام من ضمن الصواب=نمشي الدروب وثم نلعن جدها في قافكم ياشيخ طعنات الحراب=حان الشديد ولا تضيع مجدهـا ماجد الدوسري :
امش الدروب الصح من دون ارتياب=واهل الدروب العوج نكسـر حدهـا وإن كان قلبك ياولد جاه اضطـراب=خل الحمول لنـاس تقـدر شدهـا بدر بن صقر العجالين :
نمشي الدروب الصح حن فيها ذياب=وان كان حصتوا باتكفـل طردهـا وان صدتكم يمكن نسويكـم كبـاب=واعشي اهل المنتدى مـن بعدهـا ماجد الدوسري :
النخل مثمر بس ثلثينه حبـاب=ياللي غرست النخل داخل خدها ياللعجب ياصحابنا ياللعجـاب=ارنب تعشي والعشاء من جلدها بدر بن صقر العجالين :
الضغط لا كثر يجي منه التهاب=والملعبه يبيـن منهـو عردهـا خطرن تعرض للخلا او اضطراب=والمربعانيـه يحوشـك بردهـا ماجد الدوسري :
كم مرة تسري وترجعها إياب=اللي سرت ياصاحبي من ردها ياليت شايبكم بذاك الليل غاب=ماكان شافك فالفروش تكدها بدر بن صقر العجالين :
من ملعبتنا راسكم ذا اليوم شاب=واللي بصفـك شلتـن ياقردهـا عيد الضحيه عاد ذا الليله وطاب=كل العرب فالأكـل مـدت يدهـا ماجد الدوسري :
ياما نصحتك ثم جبت ام الرباب=وام الكباير واسمينـن خدهـا اللي بصفي سم للعادي مـذاب=إليا اختلط مبيضهـا مسودهـا بدر بن صقر العجالين :
ان كان مابه طيب موجود اغتصاب=بعلمـك كيـف القوافـي سردهـا وان كان قرصكم على ذا الليل داب=ديباننـا تعـرف اماكـن وردهـا ماجد الدوسري :
ياداب لو تكتب وتمنـع الاقتـراب=لابـد فضخـة روسكـم لابدهـا واللي زعل ياخذ من البحر الشراب=والرجل عندك كان قصـرت يدهـا بدر بن صقر العجالين :
خل الصفوف بصوب واقرا فالكتاب=لا تضيع دروسك عسـى تشتدهـا بعطيك شين تاكله لو في اغتـراب=يظهر قريحتكـم ويظهـر جندهـا ماجد الدوسري :
نخايل قنوفٍ سرت ولها ربـاب=وانته محلك والسنـون تحدهـا قريحتي من راس ذيب مايهـاب=يوم إني غيري يبتلش في جردها بدر بن صقر العجالين :
يا(الشايب المطنوخ) لك ألفين ناب=وسمت بعض الناس بأقصى كبدها هديتهم ياشيخ من بعد اصطحـاب=يناشبون القـوم وافهـم قصدهـا ماجد الدوسري :
ودي نزكي مير ماكتمل النصاب=منشان نطعم والضعوف نمدهـا بعض الحكي يابدر يبغاله اعراب=واللي نطق بالضايعـة يرتدهـا بدر بن صقر العجالين :
مخلفات الملعبه تحت الحجاب=ياكثر ضايعها مـع مرتدهـا حثل الدلال يبور حتى بالجواب=نب نقلب الدله ونعلن سدهـا وانتهت المحاوره برد نهائي للفوهرر يقول فيه :
الملعبه شبت وازودها اشتباب=والقافيه عندي وصاعق رعدها من طب في يدي انا خابره تاب=حنا لها لا قلتها فـي جهدهـا تحياتي وتقديري
|
||||
|
|
|
|
22-12-2008, 04:01 PM
|
#2 | ||||||||
|
رد: ناريه (بدر بن صقر × ماجد الدوسري )
الله لا يهينك اخوي احمد على جمع المحاوره الناريه
|
||||||||
|
|
|
|
23-12-2008, 04:11 AM
|
#3 | ||||
|
رد: ناريه (بدر بن صقر × ماجد الدوسري )
ولانت اخوي ابو زايد نورتنا في مشاركتك
|
||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 02:56 AM
