والكون واسع بس انا احس بالضيق...

**معلومات** **العضو** · 10-12-2008, 04:50 AM

والكون واسع بس انا احس بالضيق...

---------

هو بس انا من بين كل المخاليـق
اللي عزاه (بساعة الضيق حبـره )
عيني شعر تبكي رحيـل التوافيـق
وحظي كسيرٍ ماقوى الوقت جبره
والكون واسع بس انا احس بالضيق
ما كني الاّ سلك في خرم الابـره
واللي بكفينـه لَعَـبْ بالمعاليـق
أقفى معه من جرح الايـام عبـره
أقفى وهو ضامي وانا ناشف الريق
وفصدورنا لاصوات الاحزان نبره
أقفى وحملّني (عنا) فـوق ماطيـق
منهك جسد ووجيه الايام غبـره
متعلقٍ في خيـط الامـال تعليـق
ومالي على تصريف الاقدار ديـره
أدخل بغيبوبه من الشـوق وافيـق
والقى زماني مثل ماكنت اخبـره
ومادمت انا طير وجروحي مسابيق
قلبي على هالضيـق ياقـوّ صبـره
ومادام ماللطيـر نزعـه وتحليـق
لاوالله الاّ باقـي العمـر ثَـبْـرَه
وتدري بخير الله يحييـك يالضيـق
جيتك جسد متوفيٍ وانـت قبـره

**معلومات** **العضو** · 10-12-2008, 04:56 AM

مشكوره يالمطنوخة على المشاركة والشعر المتميز

وبارك الله فيك

وتقبلوا تحياتي ,,

**معلومات** **العضو** · 11-12-2008, 12:15 AM

الاخ فيصل الشكري لاهنت على مرورك..

**معلومات** **العضو** · 11-12-2008, 01:08 AM

المطنــوخـــة شــــاعره ،،،

**معلومات** **العضو** · 11-12-2008, 02:10 AM

الإبداع واضح والمطنوخه تفوق ... بطروحاتها المميزة
وحسن أختيار الكلمات والمعاني الجميلة ..
طرح موفق من مبدعه .. لاهنتي على هذي الأبيات
ومع تمنياتنا لكم بوافر الصحه والعافية والأسرة الكريمة ..

أخوكم

عبدالرحمن العيسى بن عويس