قصيدة للشاعر تركي بن بخيتان بن ضافي المخاريم

[معلومات العضو متحري الصدق]

إخواني الأعضاء والزوّار الكرام السلام عليكم ورحمة الله وبركاته أضع بين أيديكم قصيدة للشاعر / تركي بن بخيتان بن ضافي المخاريم التي ألقاها في حفل زواج صديقه كميّخ بن رويّض بن ماجد المساعرة آمل أن تنال على إعجابكم ................

بديت بذكر علاّم الخوافي=إله من لجابه ما يخافي
رحيم ورحمته تسبق عذابه=ويحيي الأرض من عقب الجفافي
ولا يعجزه في ذا الكون حاجه=وأمره بين نون وبين كافي
أساله رحمته وأرجيه عفوه=بيوم فيه تسليم الصحافي
بعد ذكره هجوسي يا هجوسي=تعالي وأقبلي لي بالهتافي
أبي منك المعونه وأسعفيني=بعد ربي على بدع القوافي
تعالي بالجزل يمّي تعالي=سمين القول ما نبغا الضعافي
لأجل لامن حضرت وقلتناها=تنول إعجاب رجال سنافي
تنول إعجاب من جينا من أجله=نزف التهنية من قلب صافي
نشاركه الفرح في ليل عرسه=عساه مبارك حفل الزفافي
كميّخ وإن نشد من هو كميّخ=خذوا الإيجاز والإيجاز كافي
كميّخ صاحب الكف النديّه=وبينه والبخل بغض وتجافي
وكميّخ صاحب الخلق المثالي=وهو وأيّاه خلينٍ ولافي
وكميّخ في الصداقه يقتدابه=مع الأصحاب والصدقان وافي
مهوب يبور كسّاب الجمايل=إلا من بار في الصدقان هافي
وعسى من بار في خوّة رفيقه=يصيبه من السعاده الإنصرافي
وكميّخ نسل عطبين الظرايب=((بني مسعر)) هل الشول الصخافي
هل الإبل من قديمات الليالي=ويشهد لي من العربان آلافي
حموها ((لاد مسعر)) واحتموها=ولا للقول هذا من ينافي
ديار الخوف تنزلها وتامن=وتقطف نبتها لامنه زافي
وإلى أحد ساقته نفسه وجاها=يقابل بالنادق والرهافي
يعوّد قده طامع بالسلامه=بعد ما شاف ما بالعين عافي
و ((وقيّان)) بفعله شاهد لي=كلام الصدق ماهوب الخرافي
ذكرت إيجاز وألاّ لو نفصّل=يطول الشرح ثم يشيب قافي
وصلى الله على الهادي وسلّم=عدد ما مسلمّ بالبيت طافي
ونهايتها تقبّل يا كميّخ=مشاعر تركي بخيتان ضافي

وتقبّلوا تحيّات أخوكم متحري الصدق

 

 

 

 

[معلومات العضو فيصل الشكري]

صح لسان الشاعر / تركي بن بخيتان ونبارك لكميخ بن رويض زواجة


وبارك الله فيك أخوي متحري على تزويدنا بالقصيدة


وتقبل وافر التقدير,,

 

 

 

 

[معلومات العضو شافي القويسي المخاريم]

ونهايتهـا تقبّـل يــا كمـيّـخ
مشاعر تركـي بخيتـان ضافـي

صح لسان الشاعر المتميز تركي بن بخيتان المخاريم
قصيده جميله جدا و يستحق كميّخ المساعره المدح
اشكرك يا متحري الصدق على الطرح الوافي

و نهايتها تقبل يا حزامي
تحياتي القويسي اخوك شافي

 

 

 

 

[معلومات العضو متحري الصدق]

المشاركة الأصلية كتبت بواسطة فيصل الشكري

صح لسان الشاعر / تركي بن بخيتان ونبارك لكميخ بن رويض زواجة


وبارك الله فيك أخوي متحري على تزويدنا بالقصيدة


وتقبل وافر التقدير,,

أخوي فيصل صح بدنك و الله لا يهينك على المرور يا الغالي

 

 

 

 

[معلومات العضو متحري الصدق]

المشاركة الأصلية كتبت بواسطة شافي القويسي المخاريم

ونهايتهـا تقبّـل يــا كمـيّـخ
مشاعر تركـي بخيتـان ضافـي

صح لسان الشاعر المتميز تركي بن بخيتان المخاريم
قصيده جميله جدا و يستحق كميّخ المساعره المدح
اشكرك يا متحري الصدق على الطرح الوافي

و نهايتها تقبل يا حزامي
تحياتي القويسي اخوك شافي

ارحب يا ابو مبارك والله لا يهينك على المرور المشرف لا عدمتك

 

 

 

 

[معلومات العضو ابو فهد الغييثي]

صح لسان الشاعر / تركي بن بخيتان ونبارك لكميخ بن رويض زواجة


وبارك الله فيك أخوي متحري على تزويدنا بالقصيدة

 

 

 

 

[معلومات العضو عبدالله بن بخيتان]

السلام عليكم ورحمة الله وبركاته

الاخ متحري الصدق

الله لايهينك على النقله طال عمرك

وصح لسان الشاعر : تركي بن بخيتان

وابو رويض يستاهل المدح

تقبل تحياتي

 

 

 

 

[معلومات العضو فرحان فهد ال فرحان]

ونهايتهـا تقبّـل يــا كمـيّـخ
مشاعر تركـي بخيتـان ضافـي

الله الله
لاهنت يانسل الاحرار
تركي بن بخيتان بن ظافي المخاريم
والله ومليار نعم اولا بالمخاريم
ثم مليار ببخيتان ثم بك ياتركي

والله قصيده وافيه وكافيه ويستاهل كميخ ماقبل فيه ولا هنت ياشاعر المستقبل

 

 

 

 

[معلومات العضو محمد مبارك]

صح لسانك الشاعر تركي بخيتان المخاريم

قصيده جزله ويستاهل الممدوح

و يعطيك العافيه يا متحري الصدق على الطرح الرائع

 

 

 

 

[معلومات العضو أبـ ريماس ـو]

صح لسان الشاعر تركي الف شكر على الطرح

 

 

 

 

[معلومات العضو البحري1799]

أشكرك متحري الصدق على النقل
ونعم بالمادح ونعم بالممدوح