قصيدةوقصةقصيرةمع والد (رحمه الله)

[معلومات العضو خلف ال موق]

بسم الله الرحمن الرحيم

هذه قصيدة وجهتها الى والدي فرج سعد ابن غصن بن موق الدوسري في حياته رحمه الله رحمه واسعه ، واللذي عاش في الفترة 1320-1425لهجرةالمصطفى صلى الله عليه واله وسلم .

وكان من اخويا صاحب السموالملكي الأمير بندر بن عبدالعزيز ثم ابن عمه صاحب السو الأمير فهد بن محمد بن عبدالرحمن(رحمه الله).

وكانت هذه القصة قبل عشرسنوات اوأكثر من وفاته(رحمه الله) عندما زارني احدالجماعه في الجبيل وكنت في زيارة عمل بالسفينة الى دولةالبحرين الشقيقه لعملي بالملاحةالبحرية وسأل عني فقيل له في البحرين دون توضيح فرجع من فوره الى الوالد وهو شابن ناره في مزرعته بوادي الدواسر وأخبره فقال الوالد هل خلف ياخذ اجازات وناسينا سمعت هذه الكلمة وكتبت الابيات وعندما قرأها تهلل وجهه (رحمه الله) ثم زرته وقبلت رأسه ويده ورجله وهذه الابيات وكانت قبل الجوالات

يا والدي لا تحسب القلب ساليك=وياكيف يسلا من عروقه ودمه
ياوالدي عمري وروحي تفاديك=وأنته عزوم القلب وانته مهمه
ياوالدي ان كان شيبك ظهر فيك=فأنا شبابك من مشيبن يلمه
ياوالدي ان كان ثقلت خطاويك=فأنا حزامك والظهر والمعمه
علمن مع الطرشان ماهوب خافيك=فيه الطلي يذبح ولا سال دمه
ماينفع النشاد هذي وهاذيك=ماينفعه ياكون شوفه وضمه
وماكل رجالن تجيبه هقاويك=مرن تهقوابه ومرن تذمه
ومحدن من القومان ياصل عوانيك=ومحدن يضيع بين خاله وعمه
ومحدن طلب حقه وفي النفس تشكيك=وكلن يدور عازتن له تهمه

خلف فرج سعد ال موق الدوسري

 

 

 

 

[معلومات العضو بنت الشايب]

الله يرحمه ويغفر له

قصه رائعه وقصيده اروع

لاهنت يافرج

 

 

 

 

[معلومات العضو ابو فهد الغييثي]

صح السانك على القصيده

ورحم الله والدك في واسع رحمته

تحياااااااااااااااااااتي

 

 

 

 

[معلومات العضو خلف ال موق]

مشكورة يابنت الشايب على المشاعر الطيبه
ومشكور يابوفهد وصح بدانك3366ff

 

 

 

 

[معلومات العضو راشد المسعري]

الله يبيض وجهك يا خلف وصح لسانك ملايين قصة وقصيدة من أروع القصص وبصراحة ذكرتني بقصة غربة ادباس وقصيده هو وابوه .

بيض الله وجهك قصيدك ينومس والدوسري مهما تغرب وابعد راسه مرفوع دايم ، تقبل ودي وتقديري ،،،

 

 

 

 

[معلومات العضو المطنوخه]

صح لسانك على القصيده والله يرحم والدك رحمة واسعه...

 

 

 

 

[معلومات العضو العماني]

ابن العم العزيز خلف بن فرج ال موق الدوسري

في البداية يسرني ان ارحب بك في محلك وبين ربعك ولابتك في موقع الدواسر الرسمي

وسعيدين بانضمام النشاما اللي مثلك وشرواك لأسرة المنتدى

وبيض الله وجهك يابوفرج على ايراد هذه القصة والقصيدة التي ترفع الراس وتعتبر مثال لكل دوسري شاب لتعلمه المرجله والدين والبر بالوالدين .

وأسال الله العلي القدير أن يتغمد والدكم بواسعه رحمته ويسكنه فسيح جناته

وان يكتب لكم بركم بوالدكم ويرزقكم بر ابناءكم بكم ويوفقكم ويعطيكم الصحة والعافية وطول العمر على طاعته .

تقبل تحياتي،،

 

 

 

 

[معلومات العضو المشتاق الى الديار]

صح الله لسانك ورحم الله اموات المسلمين

 

 

 

 

[معلومات العضو فارس الدواسر]

صح لسانك ورحم الله والدينا جميعا واسكنهم فسيح جناته

 

 

 

 

[معلومات العضو خلف ال موق]

بسم الله الرحمن الرحيم
أود أن أشكر السادة الأعضاء المحترمين وهم " المطنوخة والمشتاق الى الديار وفارس الدواسر على كلماتهم الجميلة ومشاعرهم الفياضة وأقول يعطيكم العافية
ثم أخص بالتحية الاخ الاداري راشد المسعري وشكرا لك
أما أنت يارئيس المجلس فيعجز لساني عن الشكر والتقدير لمعاليك على كلماتك اللتي تنم عن أخلاقك العاليه‘ وأنا لي الشرف بأن أكون في موقع قبيلتي ‘