اذا بتقرأ القصيده ضع رد

**معلومات** **العضو** · 03-11-2008, 11:22 PM

السلام عليكم هذي قصيده متواضعه من قصايدي
واتمنى تردون أو تعلقون عليها بدون مجامله ويعطيكم العافيه

ألا وا عذابي لأقبل الليل قمت أنوح=على فقد غال شوفته تبري العله
مسافر وهو ماله بطول السفر مصلوح=تنشدت عنه ولاكن ازريت لا ادله
ويابري حالي يوم قفى ويده تلوح=وحان الفراق وابعد الخل عن خله
أنادي على اسمه كل ما صحت رد الصوح=ومن فوق روس النايفات اتبين له
تذكرت وقت فات ضحك معه ومزوح= ولا يزين شي كون لاجا على حله
إلا ضاق صدري خذت بيض الورق وابوح=أجامل جليسي وأكتم الجرح وأشله
أنا أخطيت لاكن في رجا قولته مسموح=عسى صوت راع الصوت لاصاح ياصل له
إلامن رجع قله يسلم علي ويروح=ومني وعد ماعاد تبدي له الزله
لواهيب في صدري واحس انه قام يفوح=وقلبي سبب طول المفارق على مله
ألأ يالله المعبود منجي سفينه نوح=تجازي عشير صد وانكر هوا خله
وياشيب عين اللي فقد صاحب مملوح=نشده بتعود لي وجاوبه لا بله

**معلومات** **العضو** · 03-11-2008, 11:36 PM

لاهنت ياخوي وصح لسانك على القصيده الجميله ومنها للاحسن انشاء الله,,,
انا والله ماني شاعره ولاراح اقدرانقدك لاني احب الشعر واتذوقه فقط

**معلومات** **العضو** · 03-11-2008, 11:41 PM

صح لسانك يافهد وقصيدة لها نكهة حتى ولو إنها غزلية ، شاعر جزل وماتجيب الا الجزل
تقبل ودي وتقديري ،،،،

**معلومات** **العضو** · 03-11-2008, 11:42 PM

قصيدتك جزله ولا فيها كلام

صح الله السانك وبيض الله وجهك

واتمنى ان تتحفنا ء بجديدك

وسمحلي تراني نسقتها

**معلومات** **العضو** · 03-11-2008, 11:46 PM

بارك الله فيك وصح السانك...

**معلومات** **العضو** · 04-11-2008, 01:31 AM

صح لسانك يالقرم
قصيده جميله جدا
تحيااااااااااااااااااااتي

**معلومات** **العضو** · 04-11-2008, 10:12 PM

بيض الله وجيهكم ومشكورين
أما ابو زابن ماقصرت وبالعكس اول ما دخلت فكرت انها مو قصيدتي طالعه بشكل حلو ومن اليوم وطالع متى ما شفت اي قصيده لي ماعليك امر نسقها

**معلومات** **العضو** · 04-11-2008, 10:26 PM

صح لسانك

لاهنت يالذيب

**معلومات** **العضو** · 04-11-2008, 10:54 PM

صح السانك على القصيده الرائعه

وننتظر الجديد من قصائدك

تحياااااااااااااااتي

**معلومات** **العضو** · 04-11-2008, 10:58 PM

ح السانك ياشاعرنا الجزل وننتظر جديدك

**معلومات** **العضو** · 06-11-2008, 11:52 PM

صح لساانك يافهد آل بريك على ماقدمت من ابداع

وسلمت يمناك يالذيب

**معلومات** **العضو** · 07-11-2008, 12:06 AM

صح لسانك اخى القصيده جميه فعلا

**معلومات** **العضو** · 07-11-2008, 12:26 AM

صح الله لسانك واعتلى شانك لاهنت قصيده جدا جميله ومتماسكه

**معلومات** **العضو** · 07-11-2008, 12:46 AM

وياشيب عين اللي فقـد صاحـب مملـوح
نشـده بتعـود لـي وجـاوبـه لا بـلـه

فهد قصيده جميله

نااابعه من فراااق وليس هناااك ماهووو اقوووى من الفراااق على قلب الانسااان

ووووحين يكووون دووون عوووده يكووون المتوووادعين في عذااااب لانهاااية له

تتحياتتي

**معلومات** **العضو** · 07-11-2008, 11:13 PM

بيض الله وجيهكم على الردود الطيبه وفالكم الطيب

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية