ياوجد حااااالي

[معلومات العضو سويلمي]

الحزن طرقي والحنايا معازيب*لفى, ولا كن الهنوف مخطــــــــــــــوبه

اللي لها بين الضلوع المحاديب*قلب صادق وسط الحياه الكـــــــــذوبه

راحت على طرق العطا والمواجيب*أقفت وهي بنت الحلال مغصــوبه

والذيب ما يقلط على فضلة الذيب*والجرح ما يبرى ولو حاولـــــــــــوبه

يـا نــوف لو هي بالضفر والمكاسيب *ما خاب ضن اللي بفعلي هقوبه

لكنها "قل" و "حماقه" و "أكاذيب" * ثلاث لا جن الرجل عذربــــــــــوبه

مدٍلي الفرقى وانا ودي اجيب *عين تضم الغاليه واللعـــــــــــــــــوبه

يالله يارب السما عالم الغيب* تستر على عبدك خطاه وعيـــــــــــوبه

لا صرت احب ولا تجيني مكاتيب* وجسمي نحيل وضايق فيه ثـــوبه

يا وجد حالي وجد سالم على كليب *وجد الذي كل العرب هبلـــــوبه

لاهيب قصة حب صارت ولا هيب * نهاية العاشق وقمة عيــــــــوبه

لكنها خبث وحماقه وأكاذيب *ثلاث لا جن الرجل عذربــــــــــــــــوبه

 

 

 

 

[معلومات العضو أبونواف الدوسري]

لا هنت أخي سويلمي على نقل هذه القصيده

سلمت يداك وصح السان الشاعر تركي بريده...

وفقكم الله...

 

 

 

 

[معلومات العضو ابوبدر المصارير]

سويلمي لاهنت ويعطيك العافيه

بس ما قلت منهي له القصيده ؟؟؟

والله العالم انها لك قلب خضر

صح لسان الشاعر على كل حال ولاهنت

تحيااااااااااتي

 

 

 

 

[معلومات العضو سويلمي]

مشكورين يالربع على المرور والقصيدة ماأعرف منهي له صراحه