الأمير عبد المجيد بن سعود يرعى حفل لغز السامر ويوزع الجوائز

[معلومات العضو محمد حمدان المالكي]

صاحب السمو الامير عبدالمجيد بن سعود بن محمد يرعى حفل لغز السامر نيابة عن اخيه صاحب السمو الامير عبدالعزيز بن سعود بن محمد ال سعود


اقيم مساء امس الجمعه حفلا بهيجا تحت رعاية صاحب السمو الامير عبدالعزيز بن سعود بن محمد ال سعود



وبحضور صاحب السمو الامير عبد المجيد بن سعود بن محمد وجمع غفير من الشعراء والاعلاميين



بدأالحفل بكلمة من عريف الحفل ثم انتقل الميكرفون الى الشاعر والاعلامي الحميدي الحربي الذي القى كلمة بهذه المناسبة تلاها قصيدتين للشاعرين حمود الصهيبي سلطان القحطاني ثم اعلن عريف الحفل عن اسماء المكرمين



وهم:
سلطان حمد فهد القحطاني
سلطان بن حمد آل مفرج
عبدالرحيم البلوي
عايض بن زوير المقاطي
علي بن فلاح الغامدي
منصورالفريدي
ميدان ساري الحارثي
صالح محماس الفريدي
عبدالله عبدالكريم المزروعي
فواز محمد السرواني
زمرد

حيث قدم لهم سمو الامير عبدالمجيد بن سعود بن محمد الهدايا التكريمية نيابة عن اخيه صاحب السمو الامير عبدالعزيز بن سعود بن محمد ال سعود .



الحفل غطته عدد من القنوات الشعرية وسيعرض على شاشتها لاحقا اضافة الى صحفيين من صحف ومجلات متعددة.



الجدير ذكره أن اللجنة رأت ان يتم تكريم من وصل لحل سور القران الكريم وكان من المفترض ان يكون الحل الصحيح هكذا سواء نثرا او شعرا:
سور القرآ ن الكريم المدينة والمكية وعددها ١١٤ سوره هو الحل الأكمل الصحيح



قصائد الشعراء الفائزين

قريت لغز(ن)يشرح الصدرسبكة
لغز(ن) على تشغيل فكري جبرني
وســم ابللفـكـر ربـكــة
من بعد جهـد الله بهـذا امرنـي
سور كتاب الله هي حلول حبكـة
مائة وسبع وسبـع يامنتظرنـي
قول(ن)بناء الاسلام والشرك دكة
الله به علـى عـدوي نصرنـي
الدين يعز اللـي تجـود ومسكـة
من سمع قولي في النهاية شكرني

الشاعر/سلطان حمد فهد القحطاني




شاهدت لغز(ن)فيه حكمة و حنكة
منشور بسم اللي بطيبة غمرنـي
لغز خبير معتمد صـاغ سبكـة
من قوتة ساعة قريتـة ذعرنـي
وفكرت به واعلنت من بعد ربكة
حل(ن) به الله جل شانة أمرنـي
قرنة ميه سورة هذا رمز حبكـة
وعشر سور وربع إذا تختبرنـي
نزلها اللي بامـرة يديـر فلكـة
الواحد اللـي عزنـي ماحقرنـي
قولة يعز اللي من الناس مسكـة
يزيل عني هم وقت(ن) قهرنـي

الشاعر/سلطان بن حمد آل مفرج


تركت الشعـر جزلـه و ركـه
من يوم مرسول المنايا حضرنـي
و بيني و بين نهاية العمـر تكـه
و دي بها في طاعة اللي فطرنـي
لا شك أبا أرمي طايرا و أنت ذكه
إما غترت الطيـر و إلا غترنـي
نورا تنزل بيـن يثـرب و بكـه
على الحبيب اللي نهاني و أمرنـي
لو نزله ربي علـى ضلـع دكـه
حير سلاطين البيـان و بهرنـي
100 و 10 و 4 دون لــكــه
أحسنت و إلا قيد فكري قصرنـي

عبدالرحيم البلوي




بظبط حسابي بين طيبـه وبكـه
وأجاوب السامر بقـاف حشرنـي
ولو الذهب في حيد ضلـع بدكـه
إما كسرت البـاب ولا كسرنـي
يالسامر اللي حافظ الطيبه صكـه
وأنا بعد بالطيب سيفي شهرنـي
(عدد سور قرآن) ما فيـه عكـه
مصحف غمركم بالحسان وغمرني

عايض بن زوير المقاطي


طلبت من يرجف لراضين دكه
حين الشديد يقول يارب مرني
عفوك وحالي فيه فاقه وضكه
ما همني غير الذنوب وقهرني
بعده بعود بمجدي ليا محكـه
دستوري القران والله نصرني
على يدين اللي ولا فيـه لكـه
رسولنا خيره وفضله غمرنـي
عليه تنزيل السـور مستفكـه
سبع وسبع وميه عددها وذرني
مابين مكه والمدينـة تبكـه
يلي بحل ألغازها ما جبرنـي

الشاعر/علي بن فلاح الغامدي


ياامير لغزك محكم البيت شده
والحل عندي جايبه لاتخذلني
من خالق الثقلين انسه وجنـه
رب البرايا من خلقك وخلقني
انزل كتاب به شفانا وطبـه
على نبي بالمحبـه غمرنـي
فرقان حق بين طيبه وبكـه
يالله ياربي تجعله حجتنلـي
_ الفالح اللي شد حرفه وحده
بجنان خلد منزله مستظلـي
دلال فكرك زينها وقت صبه
ابغى اقول اللغز هذا عجبنـي


المرسل/منصورالفريدي الهيئة الوطنية لحماية الحياة الفطرية



جبـل فـكـر قـلـت دكــه
حاولت لين اشوف فكري قهرني
من لاتثقف يعترض كل صكـه
واللغز كنه قال لـي تفتكرنـي
يا فكرقبل تقول لـه بـر وكـه
سور كتاب اللي بالاسلام امرني
بارض الشعر مكاني اثبتت صكه
ان كان فكري زار من ينتظرني

ميدان ساري الحارثي



هات القلم سجل كلامي وشكـه
قبل المواقف بالقصيد تحجرنـي
اللغز يالشاعـر لقينـا مفكـة
لقيته حله يـوم ربـي امرنـي
كتاب انـزل بالمدينـة وبكـة
ولاحفظته بامر ري نصرنـي
الخاسر اللي من يدينـه يفكـه
مايدري انه بالهدايـة غمرنـي
وضح طريق موحدينه وشركة
وعلى اتباع الحق محد(ن)جبرني
سجلت جزل القول ماجبت ركه
وباقي معاني قافها ماحضرنـي

صالح محماس الفريدي


ياللي كتبت اللغز مافيه لكه
الله على لغزك وحله يأمرني
لغزك اللي لاذكرته ذكرني
الباب صكيته وعندي مفكه
وعلى حلول اللغز ربي نصرني



: ( عدد السور في القراءن الكريم مائة واربعة عشر سورة )
الشاعر عبدالله عبدالكريم المزروعي
سور القرآن الكريم ( 114 )
فواز محمد السرواني


ضبطت احساسي بين يثرب و مكـه
ورفعت يدينـي وقلـت يالله انرنـي
فتحت كتاب الله و أبـد مـا اصكـه
وحلفت أحصي كل سورة واللي فطرني
و قفلـت البـاب و الحـل ملـكـه
لغز رفيـع مـن جمالـه سحرنـي
عـدد لآلـئ النـور ومافـي فكـه
مـن حـل هاللغـز اللـي جهرنـي
قرآننـا دستـور وصـراط وسكـه
إلطاعة الرحمن اللي بإنعامه غمرنـي
ماني بخسرانـه فـي حلـه وفكـه
الحل واضح واللغـز لامـا قصرنـي

زمرد

وقد كان هذا اللغز بالتواصل عبر جوال السامر الخيري ( 88111 ) والذي ريعه لصالح الجمعية الخيرية لرعاية الأيتام " إنسان " التي يرأسها صاحب السمو الملكي الأمير سلمان بن عبدالعزيز وقد اسندت اللجنة الى الشعراء الكبار كلاً من :

1. أحمد الناصر الشايع
2. راشد بن جعيثن
3. والحميدي الحربي
4. عمير بن زبن
5. عبدالهادي بن حفيش


واللغز يقول :
اضبط حسابك بين يثرب ومكه
وارفع إيديك وقول يا الله جرني
اليوم نبي الحل ما فيـه شكـه
انشد بلي وهذيل ثم اتعذرنـي
وافتح دروبٍ للثقافـة وسكـه
ومن جاب حل اللغز كله أسرني
والي فتحت الباب بالحل صكـه
سبع وسبع بالعد من فوق قرني
املك نصابك بالقصايـد وزكـه
على رحايل فكرك اليوم زرني
الخاسر اللي شد حلـه وفكـه
احذر تقول اللغز هاذا عسرنـي


الجدير ذكره أن صاحب السمو الأمير عبد العزيز بن سعود ( السامر ) قام قبل فترة بتكريم الفائزين بحل اللغز الذي أطلقه سموه على جوال السامر وسلم الفائزين جوائزهم وذلك بقصر والد السامر صاحب السمو الأمير سعود بن محمد آل سعود حيث كانت ابيات اللغز كالتالي :

اللغز
حراير نبتت على النار والنور=تحدث الكون الفسيح ببهاهن
من حكمة الخلاق ولدن بديجور=وبدد ظلام الليل عالي سناهن
حسابهن في خانة البضع محصور=وبعصرهن غطن على من سواهن
خوات مختلفات باحوال وعصور=متشابهات بوصفهن وبنماهن
ياللي بحل رموز الالغاز مشهور=هات الخوات الغر والا حداهن

وكان نموذج حل اللغز كالتالي :

حل اللغز

على الشريعه مجد الادوار مخبور = أدوار ربي رافعٍ مستواهن
الدور الأول صار له بالوطن دور = ساده " محمد " بالعدل ما تماهن
والثاني اللي جدد العهد منصور = " تركي " وتركي قاد ركبه واراهن
والثالث اللي فك داره من الجور = " عبد العزيز " احياض داره ملاهن
عدلٍ وأمانٍ صار له بالوطن طور = بثوبٍ من المجد الحنيفي كساهن

أما مشاركات الفائزين باللغز فهي كالتالي :

المركز الأول

الحل شفته يابو راشد على السـور في فرجة المصمـك بقايـا نباهـن
ثلاث حلن في الجزيره بـلا جـور ياطيب مبداهـن وماكثـر عطاهـن
ريف الضعيف اللي من الظلم ممرور وعز لمن صـان ألشريعـه معاهـن
تاريخهن في صفحة العـز منشـور سمي جـدك يابـو راشـد بداهـن
وانا اشهد ان اللغز جزل ومحكـور مير الفكر بالطيـب دلـل وجاهـن ‏

الشاعر ابراهيم محمد الحقيل


المركز الثاني

ياللي بدعت اللغز وافي ومشكور الله يجـملنـا نـجــدد ولاهــن
ثلاث اخرهن لها النور دستـور وارواحـنا لعـيونها من فــداهن
ترثة معزي عقب دابان والكـور وام الرياض وروسا"الله وراهـن
روسا"تورث طيب كابر لمكبـور ياجعل ربي يسعد النـا مساهـن
هذي محل الظن والنور يانـور الله يجملنـي مـادور سواهـن

الشاعر محمد موسى عبدالمحسن المقاطي العتيبي (الدمام)


المركز الثالث

حراير "من طهرهن كنهن الحور متفاوتـات بعمرهـن و بحلاهـن
حراير" خلقن بلا ارقاب ونحـور وكم عاشق" من دم قلبه رواهـن
هلهن هل الطولات والعلم والشور كم فارس" عدوه ماجـا حماهـن
في خدمة الإسلام شفنالهـن دور و فالثالثه فاقن جميـع انظراهـن
دوله سعوديه لها الشرع دستـور وفي ظل ابومتعب تطاول مداهـن

الشاعر صالح بن محمد الحقباني الدوسري


المركز الرابع

باشارك برمعه ليا جانـي الـدور دام السوالـف عالـي مستواهـن
مراحل الدوله على سنين و شهور قامت و تاريخ العرب ما ناسهـن
الاولـه و الثانيـه مابـه جـور و الثالثه على السعد من وراهـن
بقيادة آل سعود و العلـم مخبـور قوم مـع عدوانهـا مـا تداهـن
عسى معزي طيب الراي و الشور جمايله في الشعب يلقـا جزاهـن

الشاعر سعود بن تركي القحطاني

المركز الخامس

يامير حل اللغز هيـن ومقـدور حراير قد كمـل الله حلاهـن
الأوله دولة لها قـدر مخبـور هي ساس للتالي وهي مبتداهـن
والثانيةكانت على مد وجـزور لكنها نبـراس فـي مستواهـن
والثالثة حصن مشيـد بدستـور مسك الختام اللي ختم مبتغاهـن
ثلاث مزيونات يمشن على الدور متساويـات بزينهـن وبنقاهـن

نايف بن مضحي أبو ربعه


المركز السادس

حل اللغز يبغي علـم والعلـم نـور والغر أنا منهـن وعمـري فداهـن
النايفات الغـر فـي أسـم مشهـور دولة هل العوجأ سعـودي أنتماهـن
الأوله حر دخـل سـور وقصـور راهـن أبوتركـي وكمـل بنـاهـن
عاش الملك عاش الوطن خير دستور حكمه بشـرع الله رفـع مستواهـن
مشكور يامير الفخر الـف مشكـور من دونك الابيات ينقـص حلاهـن

طايع بن سعيد المنهالي


المركز السابع

يااللي كتبت اللغز مشكور مشكور باابيات شعر ٍعـــــالـي ٍٍ مســــتواهـن
في عهدهن ماحدٍ رأى الظلم والجور والعدل رفرف فوق عالي سماهن
ثنتين فاتن والزمن كان لـه دور الله يـــــرحـم كـل شــــــيـخ ٍحمـــــاهـن
والثالثه عشنا بها بأمن وسـرور الله يعــــــز اللـي بــــروحـه فــــداهـن

الشاعر علي بن احمد علي الطريقي

 

 

 

 

[معلومات العضو المطنوخه]

الف عافيه اخوي على التغطيه الشامله للحفل لاهنت..