الــبأرحــــــــــه :::: قصيده للشاعر ســطام الروقي

**معلومات** **العضو** · 17-10-2008, 01:35 PM

3300CC

البارحة قابلت عنـق الريـم صدفـه ياحميـد=صدفه بلا ميعـاد ربـي يـم دربـي حدهـا
قابلتها كلي ولـه واشـواق وشعور(ن)فريـد=ونفس الشعور اللي معي جيت ولقيته عندهـا
عقب ثمان اااشهور من فرقاه وجروحي تزيد=كانت ظروف الوقت ضدي مثل ماهي ضدهـا
غابت عن عيوني وصورتهـا بقلبـي ماتبيـد=احسهـا واشوفهـا بالعيـن يــوم الـدّهـا
اليا طرت وانا بوسط المجتمـع كنـي وحيـد=اسج واضحك لذكرت امزوحهـا مـع جدهـا
تذكر عليّه كل ماهز الهواء خضـر الجريـد=يقفي بها صلف الهواء عنـي ونـوب يردهـا
من قبل لاعرفها وانا قاسي واشد من الحديـد=واليوم قلبي صاير(ن)خاتـم بخنصـر يدّهـا
لعيونها غامرت بالدنيـا وانـا مالـي رصيـد=الا الرموش اللي لشفت الشمس جيت بسدهـا
يضفي علي ظلال سوده عن قريب وعن بعيد=وابحر واعيش ابجزرها واغرق واموت ابمدها
منزالها بالقلب خالي ماسكنـه حب(ن)جديـد=كم مهرة(ن)تطرق اقفوله والضلـوع تصدهـا
واقول ابا اصبر وانتظر يمكن بعمري يوم عيد=لابـد ماتذكـر هواهـا الاولــي لابـدهـا
وهذي قصيده تنحني لك غير عن كل القصيـد=وان كانها مارضت غرورك لعن ابوها وجدّها
كتبتهـا مـن دم شريانـي ومـن دم الوريـد=كله علشـان العنـود اللـي ذبحنـي ودّهـا

شعر ... الشاعر ســــطام الروقي

**معلومات** **العضو** · 17-10-2008, 01:39 PM

صح لسان الشاعر سطام الروقي والله يرجعه بالسلامه اخواني شاركة بقصيدة هذا الشاعر لأنه انسان فارض احترامه وبحق الزماله بيني وبينه وأمونه عليه بنفس الوقت لن اجعل مندى الدواسر يخلا من اسم هذا الشخص المحبب عندي .... اخوكم الطايل السهلي

**معلومات** **العضو** · 17-10-2008, 07:11 PM

ارحب يالطايل وصح لسانك ولسان رفيقنا الغالي سطام الروقي عسى الله يرجعه بالسلامة وبلغه تحياتنا وسلامنا الحار ، وتسلم على إيراد قصائد زميلك وعساك على القوة ، تقبل ودي وتقديري ،،،

**معلومات** **العضو** · 17-10-2008, 07:14 PM

راشد المسعري

ربي يبارك فيك اخوي وابشرك بخير وطيب وسألني عن المنتدى ومن سؤاله عرفت ان قدركم كبير عند ولد الروقي

تحياتي الطايل السهلي

**معلومات** **العضو** · 17-10-2008, 08:49 PM

اقتباس:

المشاركة الأصلية كتبت بواسطة الطايل

صح لسان الشاعر سطام الروقي والله يرجعه بالسلامه اخواني شاركة بقصيدة هذا الشاعر لأنه انسان فارض احترامه وبحق الزماله بيني وبينه وأمونه عليه بنفس الوقت لن اجعل مندى الدواسر يخلا من اسم هذا الشخص المحبب عندي .... اخوكم الطايل السهلي

سطام الروقي شاعر جز وهو انسان فارض احترامه عزالله صدقت يا الطايل
الله يوفقه في دراسته ويرجع بالسلامه

**معلومات** **العضو** · 18-10-2008, 05:42 PM

شافي الله يبارك فيك

ويطول بعمرك وجهك ابيض ياطويل العمر

**معلومات** **العضو** · 19-10-2008, 03:51 PM

صح لسان الشاعر / سطام الروقي

ولا هنت يالسهلي على نقل القصيده وبيض الله وجهك

**معلومات** **العضو** · 24-10-2008, 05:35 AM

الله المستعااان
كان هنا واليوم فنااا
مابيبقي الا وجه سبحانه
الله يرحم الشاعر ويسكنه فسيح جنانه
وتسلم يالطال على نقل القصيد
الله لايهينك

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية