حنيف بن سعيدان يمدح السدارى

[معلومات العضو سعود بن أحمد السديري]

هو حنيف بن سعيدان من الصعران من قبيلة مطيـر .
عاش تقريبا بين عامي 1264 هـ إلى عام 1362 هـ .
ذكر حفيده ضيف الله بن راشد بن محارب بن حنيف عن جده حنيف : ( طويل القامة عريض المنكبين والنحر كبير الرأس أسحم الوجه وكثيرا ما كان موضع اهتمام من يقابله وهو لا يعرفه وقد توفى (( رحمه الله )) سنة 1362هـ تقريبا ودفن عند ماء يسمى ( الوقبا ) في منطقة الحدود الشمالية للسعودية عن عمر قارب المائة .

وحنيف بن سعيـدان هو المقصود في البيت المشهور :

خمسة عشر فنجال لحنيف صبيت ********** لو ان بطنه قربة قد ملاها


وهذه أبيات من قصيدة للشاعر حنيف قالها مادحاً الملك سعود (( رحمه الله )) حيث قال :

هذي مناصيبك ورى الطور وعمان ********** رحال السدارى أهل الوجية النقيه

قصاعة الزيزم وفعلٍ لاأيمان ********** من راح منهم صار مقدم سريه


وقال في قصيدة مادحاً الأمير عبد الله بن سعد السديري (( رحمه الله )) أمير منطقة المدينة المنورة :


ياراكب أبرع وأبرعٍ كلهن حول ********** عذروبهن طول الخطا والحيالي

لاقايلٍ صره ولاقيل مهبول ********** ولاضرين حتى تولد هجالي

مرباعهن بمحقبه مدهل الشول ********** وفي مرجع السوبان زين المفالي

يشدن معز ريمٍ بلا دق وفحول ********** بيض الفقاح اليا أعلاهن جفالي

ماربعن بين البرازات وسهول ********** مع نشر بدوٍ ياسمون الهلالي

حاذور يركب فوقهن كل مفلول ********** عط أم ركبه طيبين العيالي

شيلوا عليهن وأرتوو كل شهلول ********** ولاتشربون إلا القراح الزلالي

يلفن عبد الله على سرحة الزول ********** مضيف عبدالله تراه الموالي

ملفاك جيشٍ من هل البيت مدهول ********** الي تومر بالعلا والعوالي


وقال في قصيدة ماحاً بها الأمير ناصر بن سعد السديري (( رحمه الله )) أمير الغاط :

ياراكب اللي ترتع القفر عامين ********** سنامها عقب المرابيع نابي

مقيضها من نقضة الجزو تسعين ********** وبانت نجوم الوسم وزل السحابي

مدهالها بالقيض بالماقع الزين ********** وتشرب صفيه يوم طاح السحابي

تشدي ظليمٍ جافلٍ شليفٍ شين ********** اليا تذير مع طمام السرابي

ولا لشيهانٍ علق له كراوين ********** يبي العشا يوم أسفل الشمس غابي

هي منوت المشفق محب المحبين **********شليب على شيبٍ تجيب الغيابي

لقيتهم قدام ناصر موطين ********** مغتبرينً يدخلون الزهابي

في دكةٍ يطرب لها القلب والعين ********** وصفرٍ على جال المناره عذابي

ماتبرد الدله ولايبرد الصين ********** هذي مقلطها وهذي تجابي

مع منسفٍ شالو للضيف عجلين ********** عليه شاة مروبين العرابي


وقال مادحاّ الأمير أحمد بن محمد السديري (( رحمه الله )) كان أميراً للأفلاج ولاكنه ترك إمارة ألأفلاج وسكن الغاط :

ياراكب الي يقطع البعد مواط ********** أشقر ضياحيٍ يتل الخطامي

شد الرسن تراه للحبل فراط ********** يعطيك منكب عن صليت العظامي

من عندنا يسرح ويمسي هل الغاط ********** اهل شعيبٍ يرخصون الطعامي

يزيه من نو الثريا والأشباط ********* تسعين ليله مايكف الغمامي

ملفاك بيتٍ تدهله حم الأوباط ********** معزبك بيًن ياقليل الرحامي

لبًباسة الجوخ الحمر والزقلاط ********** وصاف الحديد الي يقص العظامي

 

 

 

 

[معلومات العضو نايف البدراني]

الله يعطيك العافيه أخوي ابو منيره


يسرني ويشرفني ان اكون اول متصفح لمشاركتك القيمه


وبالنسبه لحنيف بن سعيدان فهو من اعلام


شعراء القرن الماضي ويعتبر شاعر قبيلة مطير


الاول بلا منازع وقد سماه امير مطير فيصل بن سلطان الدويش


ربع مطير كنايه عن قوة وجزالة ابياته ويقال انه أقذع من هجاء


وأفضل من مدح على الاطلاق بين الشعراء الشعبيين


وكثيرا ماأقراء عنه بجميع المنتديات خصوصا منتديات قبيلته .


والسلام عليكم .


أخوك الصغير / نايف البدراني

 

 

 

 

[معلومات العضو بدران البدراني]

بيض الله وجهك أخوة منيرة على هالموضوع الطيب

وماقصرت على هالمواضيع المميزة الي تمتعنا به بين وقت والاخر

والسدارى ونعم بهم يستاهلون المدح

ونتظر جديدك يالغالي من هالمواضيع المميزة

 

 

 

 

[معلومات العضو سعود بن أحمد السديري]

حي الله اخي وبن عمي الحبيب نايف البدراني

لك كل الشكر على إعطائنا لمحة عن الشاعر حنيف ((رحمه الله))

 

 

 

 

[معلومات العضو سعود بن أحمد السديري]

ابناخي واخي بدران البدراني

يسرني مرورك وتعطيرك اكثر مواضيعي المتواضعة والقليله واكثر مايميز موضوعي هو مرورك

ماعليك زود يبناخي وشاكر لمرورك وتشجيعك لي

 

 

 

 

[معلومات العضو ابو زابن المسعري]

عرف عن حنيف بن سعيدان الشعر القوي وعدم المجامله

فصاحب الطيب يمدحه وصاحب الردى يذمه ولا فكر

فالسدارى كفو يستاهلون المدح

ولا عليهم زود بني عمنا

رحم الله الشاعر

وبيض الله وجهك ياسعود

على ذكر هذه القصيده

 

 

 

 

[معلومات العضو فيصل بن جزاء]

بيض الله وجهك ياسعود على هالموضوع الطيب

وماقصرت على هالمواضيع المميزة الي تمتعنا به بين وقت والاخر

والسدارى ونعم بهم يستاهلون المدح

ونتظر جديدك يالغالي من هالمواضيع المميزة

 

 

 

 

[معلومات العضو تركي ال فنيس]

فالسدارى كفو يستاهلون المدح

ولا عليهم زود بني عمنا

رحم الله الشاعر

وبيض الله وجهك ياسعود

على ذكر هذه القصيده

 

 

 

 

[معلومات العضو نايف الخييلي]

بيض الله وجهك ياسعود على هالموضوع الطيب

وماقصرت على هالمواضيع المميزة الي تمتعنا به بين وقت والاخر

والسدارى ونعم بهم يستاهلون المدح


لك سلامي

 

 

 

 

[معلومات العضو ابن شمسان البدراني]

لا هنت يا سعود وحنيف شهرته واسعة بسبب البيت الاول الذي ذكرت ..


تحياتي ،،،