هـنـــــــــا الـحـب الـعـذرى ... ؟

[معلومات العضو قديمكـ نديمكـ]

محمد الخميس من أهل بقعاء جرادت خوي عباس أمين من أهالى مدينه الوجه فى عام 1360هـ ..

كانت فيه بنت اسمه العنود يتغزلون به .. فلما جاء محمد الخميس من الدوام .. وهو يشتغل عند

عباس أمين .. عباس كان يشتغل بماليه الدويد هكالسنين .. قال عباس : يامحمد منين جيت ..

قال : جيت والله بس فتت من عند العنود انذخ عنده .. قال عباس أمين :

لا تـجـي بـيـت الـعـنود ولا تـمـرهـ ... والـحـذر ياللي على عـمـرك تـدارى
فـر قـلـبي يـوم شاف الزيـن فـرهـ ... فر طير(ن) شايف(ن)زول الحبارى
شفت شـي(ن) لا بلاك الله بشـرهـ ... مـادريـت انه لـذبـح الـنـاس ضـارى
قـلت عطني من زمانك بس مـرهـ ... قـال مايـكـسى الـعـنا ثـوب الـعوالى
الـعنود سهيل والـبيـض المـجـرهـ ... فـرقـهـن فـرق الفتيل عن السـوارى

قال محمد الخميس :

لـيـه يـاعــبـاس بـيـتــه مـانـمـــرهـ ... كـيـف تـنـحى واحد(ن) للـزين شارى
كنت أظن أنك صديق وبك مضـرهـ ... مـادريـت أنـك عــدو(ن) لى مـبـارى
الـحـيـاء لـو انـتـحـى لازم نـمــرهـ ... مـاقـسـم الله على الـمـخـلوق جــارى
الـعـنـود سهـيل والبـيض الـمجرهـ ... بـس يـفـرقـهـا الـزمـيـم و الـخــزارى
يـوم لـبـست ثـوبه الأصـفـر ومرهـ ... يـاشـبـيـهة مـهـرة(ن) للشيخ ضـارى
مـع سـواد عيونها ماأحـلاه غــرهـ ... مـثـل لـــون الـبـــدر بـأيــام الغدارى
كم قلب(ن)موجل(ن)راحت تجرهـ ... عـرضـت للـجـال بـدروب الـخـطـارى

** هذه القصه الجميله والطريفه بنفس الوقت بين عباس أمين ومحمد الخميس مثلت الحب العذرى
لدى أبائنا وأجدادنا ...
ويقولون قديما ً أذا حدثت فأسند ... وشكراً
منقول : من جوال الراوي فواز الغسلان ( 84600)
تعريف بسيط للراوي : من سكان محافظه بقعاء .. ظهوره الأعلامي بقنوات عديده ومن
( المجد + قطر + الصحراء + الدانه + نايلات ..... ألخ )
من غير الكاستات .. ورأيي البسيط بفواز أن لديه الشموليه
بأغلب القبائل الموجوده بمملكتنا الحبيبه ...

 

 

 

 

[معلومات العضو بنت الشايب]

قصه جميله فعلا

لاهنت اخوي

دمت بود

 

 

 

 

[معلومات العضو محمد الولامين]

لا هنت يالذيب على ماقدمت

وبيض الله وجهك وفي انتظار جديدك