مبارك عليكم الشهر الفضيل!!

[معلومات العضو إبن دوسر]

السلام عليكم ورحمة الله وبركاته ,,

اعزائي الاعضاء والزوّار المتميزين.. احببت ان اهنّيكم بحلول شهر رمضان المبارك واقول لكم ( كل عام وانتم بخير وعافيه ) :

لي صاحب(ن) ياكل من الأبل والشات=ولي صاحب(ن) اكلته برجر وساده
ولي صاحب(ن) مايندرى حي او مات=ولي صاحب(ن) صايع ويحتاج اشاده
ولي صاحب(ن) خكري ولا له فعيلات=المرجله عابته لأنه جراده !!
ولي صاحب(ن) مايركب ألا الفخامات=سيارته ( لكزس ) مولّى القياده
ولي صاحب(ن) زعلان في كل الأوقات=يزعل ولو اخطيت من دون إراده
ولي صاحب(ن) هو ملتزم للصلاوات=يحرص على المسجد لأداء العباده
ولي صاحب(ن) نشمي يطول الصعيبات=للمرجله عنده مطار وعياده
واصحابنا عالراس لو هم مغثّـات=سريرهم عيني ورمشي وساده

وهذي ابيات سريعة ومن النوع الطريف..

آمل ان تنال على اعجابكم

ناس(ن) تعزمك والبلا في عشاهم=يترس لك الاطباق كيك(ن) وببسي
الظاهر ان الشيخ مفلح دواهم !!=دام ( اكثر الله خيركم ) صار مرسي

وسلامتكم.. والله لايهينكم بإعطائي النقد المفيد

شكراً للجميع.

 

 

 

 

[معلومات العضو نجــــــــــديه]

كل عام وانت بخير
والشهر عليك مبارك
مشاء الله ابيات جميله ووافيه يقصر عنها الكلام
وانا دخلت بس لابارك لك ولا اشيد بقصيدك
دمت قلماً معطاء
يعطيك العافيه

 

 

 

 

[معلومات العضو أبونواف الدوسري]

ياهلا وغلا فيك وتقبل الله طاعتك...

وصح لسانك علي هذه الأبيات الطريفه..

وفقك الله ...

 

 

 

 

[معلومات العضو محمد الولامين]

ابن دوسر

صح لسانك


ولا هنت على ماقدمت من ابداع

في انتظار جديدك