|
|||||||
31-07-2005, 10:35 AM
|
#1 | ||||
|
ديــوان الامير الشاعر///عبيد العلي الرشيد
القلب من كثـر الهواجيـس قـزان=مايستريح من الدهـر ربـع ساعـه ياغافر الـزلات ياوالـي الأحسـان=تجعل من التقوى لنفسـي بضاعـه أنا علـى لانٍ وربعـي علـى لان=متخالف(ن) رايـي وراي الجماعـه أنـا ولـد علـي سلايـل كحيـلان=الله خلقـنـي للسبـايـا وداعــه ماني هتيمين يربت علـى الضـان=ويعطـي لطـلاب الجنايـا رتاعـه أضرب على الكايد الا صرت بلشان=عند الولي وصل الرشـا لانقطاعـه الناس ماترويك لا صرت عطشـان=لاصار مافعل الفتـى فـي ذراعـه عيب(ن) على اللي ينثني عقب مابان=ويرضى بطمان النفس عقب أرتفاعه أما نجيب عقود حصنن ومرجان=والا فهـي لبليـس طـار بشعاعـه وا طربة الدنيا مـع الفجـر دخـان=واكرارة(ن) بطراف خطو الصعاعه يقال ان رجلا من وجهاء بريدة يدعى عبدالمحسن ال سيف كان يتردد على مجلس ال رشيد وفي احد الايام سأله امير حائل طلال بن عبدالله الرشيد عن عيوبه وعيوب عمه فجاوب بعد اخذ الامان : انت يا طلال عيبك الوحيد عدم تقديرك للاجاويد وخيار الناس عندما يتعريك الغضب واما عبيد ففيه جميع الخصال الحسنه وسيئته الوحيدة هو عظم تقديره للصلبي ساهي اذا دخل في المجلس اقربه حوله وادناه بجانبه . فقال عبيد : نعم يا عبدالمحسن فهذا رجل طيب وفيه شجاعه وهمة عاليه ونفس ابيه عن الادناس وانشد هذه القصيدة :
طلبـت ربـي عالـم السـر والغيـب=يقبل صلاتـي ولـه يقبـل صيامـي ويجعل لنا عرض نزيـه عـن العيـب=ويفكنـا مـن شـر ســو الاثـامـي ابـن ادم ملفـي الخطـا والعـذاريـب=لو مـا فعـل رميـت عليـه التهامـي جليت عن نفسي شبـا الشـك والريـب=ولا حسب يلقون العـرب بـي كلامـي وربعي لقوا بي عقب ما شبت انا عيـب=بتسطيـر كتـب مفسريـن الاحلامـي قلت : اخبروني ويش مغضى هكا العيب=قالوا : علـى ساقـة رفيقـك تحامـي قلت : ان هذا مـن قديـم لنـا عيـب=مستارثينـه مـن خـوال وعمـامـي العيب تـرك المعرضـة بالمواجيـب=والا الرفيـق بفزعتـه مـا نـلامـي رفيقنـا كنـه بــروس الشخانـيـب=فـي راس حيـد نايـف مـا يظامـي رفيقنـا مـا نجدعـه للقصاصـيـب=يجبـر بنـا لـو مكسـره بالعظامـي ورفيقنا لو هـو مـن الجـد بصليـب=متجـود مـنـا بــراس السنـامـي والشـر مـا نسعـى لجـره بتقريـب=ونـذرا الـى هبـت لنـا بالـولامـي هـذي قدايمنـا الا عــدوا الطـيـب=وكـل يريـع لفعـل اهلـه القـدامـي ويوم الوغى مـا نستشيـر الزواريـب=لاا طار عـن سـود العيـون اللثامـى مرطاضنا يشبع بـه النسـر والذيـب=ونروي معاطيش السيـوف الظوامـي نلحـق علـى سـرد يجنـك جناديـب=بمطارق مـع مثـل صـف النظامـي يتلـون ابـو بنـدر ربيـع السعابيـب=اللـي علـى ميـره تعيـش اليتامـي فان سلـم راس مبيـد الكنـس النيـب=حريبنـا مــا يهتـنـي بالمنـامـي عنوا بهـا ركـاب عـوج المصاليـب=من مصـر الغربـي الـى دار يامـي شارخ اخذنـا بـه زيـون المهاليـب=وش جاب سطوة مطلب وابـن سامـي هذه القصيده التي قالها في معركة بقعاء سنه 1257 هـ :-
يا مـل قلـبٍ فيـه تسعـة وتسعيـن=هجـسٍ وهاجـوسٍ وعـدلٍ ومايـل يديرهـن دولاب الافكـار تسعـيـن=بالصـدر ينشـر دقهـن والجلايـل واصبحت منهن خالـيٍ كـود ثنتيـن=سعدى ومصقولٍ ( 1 ) يداوي العلايل وخماسيٍن( 2 ) غمقٍ صوابه وجوزين=إلى جذبوا شـروا بـروق المخايـل يا دارنا مـن جـاك جينـاه عجليـن=بالليـل نسـري والصفـر والقوايـل فإن كانهـم عنـا بالانشـاد محفيـن=من الراس مـا يحتـاج رد الرسايـل حضر الجبل والبدو نـاسٍ صليبيـن=يتلننـا حمـلات ســود الجـدايـل جينـا صبـاح وهـم لنـا مستكنيـن=وثار الدخن من حـر صلـو الفتايـل وحصل لنا عقب المواصل وفا الديـن=وراعي السـف رده عليـه الجمايـل ومن فضل رب العرش عدل الميوازين=صارت على القصمان وأولاد وايـل عجاجة ٍ تجلى صدى القلب يا حسيـن=دبيـلـة ٍ مــا مثلـهـا بالدبـايـل كـم خيـر ٍ داجـه عليـه الغلاميـن=خلـوا دماغـه عـن علابيـه مايـل ربعـي مرويـة السيـوف المسانيـن=خلو صفـا بقعـا مـن الـدم سايـل واللي ذبحت بشذرة السيـف تسعيـن=ايضا ولاني عـن طردهـم بسايـل ذبحت أبو صالح صعـوط المجانيـن=واودعـت دم الشيـخ بالقـاع سايـل واللي وطينـا مـا تشوفـه محبيـن=والكـذب تنفـاه العلـوم الصمـايـل جيته بمقدم سربة وقـم الالفيـن( 3 )=كن الشهـر بـه ديدحـان الماسيـل جونـا يبـون ديارنـا والبساتـيـن=يبغـون منزلنـا قـفـارٍ وحـايـل يقولون جده يوم صولـة هـل الديـن=قـادو عليهـم ذاهبـيـن الحمـايـل ودلا على ربعه يسـوق الفراميـن(4)=فيـد عمـاهـم تايهـيـن الـدلايـل ويصيح مثل البارحه مـا هنـا شيـن=ولا حصل يا كـود قطـع الوصايـل واليـوم يبغونـا وحـنـا معيـيـن=نسند بحد السيـف مـن جـاه عايـل ويلا عطوا حـق الديـار الهزازيـن=فحنا الـى عـدت رجـال الحمايـل ربعي على حرب المعادي ضريريـن=هـم مـن قديـم كاسبيـن النفـايـل أغـراه بالمكحـول خـرط الفراقيـن=وعرضاتهـم بمشـرفـات النثـايـل أطـاع حكـي الذايـدي والسلاطيـن=كـم واحـدٍ قبلـه رمـي بالحبايـل نـاسٍ يبـون العـز منهـم ذليليـن=وش قال مشعانٍ( 5 ) بهـم بالاوايـل عند اهله اللي يلبسـون التواميـن(6)=إلى اجذبوا شروى بـروق المخايـل يتلون عيد الضيف ريـف المساكيـن=الشيخ أبو متعب(7) عزيـز النزايـل الى سلم راس الشيخ حنـا عزيزيـن=نرجيه من معطي العطايـا الجزايـل إلى بغا أمـرٍ مـا يطيـع المشيريـن=الحيـد شيـال الحـمـول الثقـايـل وصلوا على قنديل سكـن الحجازيـن=راعـي المقـام المعتلـى والرسايـل ومني عدد ما شمّـع اللبـن بالطيـن=او مـا لبيـت الله تشـد الرحـايـل 1/سعدى ومصقول : سعدى فرس عبيد بن رشيد .. ومصقول سيفه 2/ خماسي ٍ : يقصد البواريد. 3/وقم الالفين : حول الالفين 4/الفرامين : الأوامر السلطانية . 5/ مشعان : هو مشعان بن هذال . 6/ التوامين : السراويل . 7/ ابو متعب : هو الأمير عبداللي العلي الرشيد اخو عبيد . اليكم أحد قصائد الأمير عبيد العلي الرشيد بعنوان ( ضياغم ترخص حلاله والأرقاب ×× ودون الرفيق ابمالهم مايدارون )
يالله ياللـي للجزيـلات وهــاب=تعطي ولاجزل العطا منك ممنـون ياغافر الـزلات يـارب الأربـاب=ياناصر موسى على قوم فرعـون تفتح لنا من بـاب نصرلنـا بـاب=واصحاب بدر وأن فتحته يحضرون آمين ياقاض الحوايـج والأنـواب=ياوامر وامرك على الكاف والنـون ياراكب اللي لامشى يوثب أوثـاب=لاشفتزوله يختفـق تقـل مجنـون عقب أربع يلفي عزيزين الأقـراب=اللي على الديـره قديـم يحامـون قل بدال ماكزيـت خـط ونجـاب=لابد مانمسي وناصل على الهـون ان كان تشكي لي خليف وحطـاب=فالله خبر بعهـود اللـي يبوقـون وان كان تنخاني فانا عوج الأطناب=ولا وسيفي لك على الضد مسنـون حنا هـذولا مجهديـن بالأطـلاب=نتنا مراسيـل مـن الهنـد يلفـون ان سهل الباري وجينا بالآطـواب=السعر ماينقص عن اللي تعرفـون آتيـك بجمـوع يعـيـون الآداب=واويل من باشناف نزلـه يحلـون ضياغم ترخص حلاله والأرقـاب=ودون الرفيـق بمالهـم مايـدارون وهذه أحدى قصائد الامير عبيد الرشيد ،، وقالها عندما طلب منه أحد ولاة الاتراك فرسه أن يبيعه له ،، فجوابه بهالقصيده يوم يقول
يابيه أنا لكروش* معطي ولا بيع=قبلك طلبها فيصل وابن هـادي* يابيه لو كثـرت بالقـول ماطيـع=ياحيـف تبغانـي أسلـم جـوادي يابيه مايرهم علـى مثلهـا البيـع=ولا يجي مثلـه بقـودة مهـادي ما جمع أصله بالقراطيس تجميـع=أصله يعرفونـه جميـع البـوادي باغ(ن) الى مالقموها المصاريـع=وصاح الصياح وثار عج الطرادي أنهج عليهـا واتعـدى الترارتيـع=مثل الفحل لاصار وقت الهـدادي وأصلها لعيون بيض(ن) مفاريـع=فوق الحنايـا والسبايـا غـوادي هذاك بيعـه والصبـاي مفاريـع=بيـن القنـا ومخفـرات الهنـادي هذاك بيعه كـان ماتفهـم البيـع=ليامنهن جِلبـنّ بسـوق المـزادي يابيه أنا ماسمع كلامك ولا طيـع=هرجك مقلة ناظـري والفـؤادي ياسابقي مانرخصـك بالمطاميـع=حتم(ن) ولو قيل أرفعوا بالجوادي أبقي الى ثار الدخـن بالزعازيـع=وحطن على عجلاتهن والعـدادي بيوم(ن) يشيب من حذاه المراضيع=حدن وحاديهن من الخوف حـادي أنطح ورا ربعي وجيه المداريـع=وأقضي عليها دينهـم والعبـادي وانشد عني وعنها بعاد المفازيـع=هو هرجنـا كذبـن والا وكـادي من لابة بالحرب ماهـم مطاويـع=ولاتحسب المداس هـو العـوادي حلفت مايطري علينا بهـا البيـع=الا الحشر يفخت سـواده سـوادي ما دام راسـي للريـاح الذعاذيـع=بالعون طالبها من النـاس غـادي وصلوا على محمد خير المشافيـع=اللي لنـا يشفـع بيـوم التنـادي * (كروش ) = وهي اسم فرس عبيد *(فيصل وابن هادي ) = يعني بهم فيصل الدويش شيخ مطير ،، ومحمد بن هادي القحطاني كان عبيد كأمير وفارس ممدوحاً من قبل شعراء عصره ، وله في ذلك مواقف طريفه لابأس من أن نورد بعضها ، ومنها ان شاعراً أعمى جاءَ ليسأله "يشحذ منه" جاء يمدحه فقال عبيد : "سأكافأك بقصيده أجود وأطولَ منها " . فقال الشاعر:
لاصرت أنا قصّاد و"عبيد" قصاد=ما للعمى عند المفتـح حذيّـه !!
( يعني أنا جاي أبيه يعطيني فلوس .. يعطيني بدالها قصيده ) ؟!! وبعد هذا الرد السريع أمر عبيد له بناقه ، ولما أخذها الشاعر أخذ يتحّسس سنامها ، فقال له الرجل المكلف بالعطايا : لاتخاف ، إنّها سمينه ، فرد الشاعر : أعلم أنها سمينه .. فالأمير لايعطي إلاّ السمينه ، ولكنني أتلمّس سنامها لأرى ماإذا كان الامير خبّأَ لي في شعفة سنامها "خرجيه" من النقود ! فأسرع الرجل الى عبيد اللذي أمر بالإسراع في وضع النقود لكي لايُكذِّب حدس الشاعر في كرمه . ** ومن مواقف عبيد مع الشاعرات وفود شاعره تدعى "ظاهره الشراريه" من أهل الجوف .. وقد جاءته مستنجِده من قوم يدعون "السبيلة" اشتروا منها شاةً ورفضوا دفع ثمنَها ولا المسير معها للقضاء "الشرع" فقالت :
ياعبيد عيّـوْا لايجـون السبيلـه=عيّوا معي للشّرع ياعبيد يمشـون الحق ظلمـا ..والمصقّـل دليلـه=ولاتنقِضي حاجات من يتِّبِع الهون فمكّنَها عبيد من حقها . ويبدو أن هذه الشاعره كثيرة الوفود على عبيد ، وذات مره جاءت إليه تشتكي من ابنتها التي كبُرَت ونبغَت في الشِّعر وسابقتها على الوُفودِ على الحُكّام ، وتعدّتها في الشُّهره فقالت الأُم غيرة :
ياعبيد وحده من بناتـي كوتنـي=كوي المريض اللي تجدّد مكاويه عرّفتها الحكـام ليـن اغلبتنـي=العفو ، كيف الكلب ياكل مربِّيـه لا واحسايف نقلَها فـوق متنـي=غير الرّضاع اللي لجسمه يغذّيه ! ومن الأمثال التي سارت عن "عبيد" أنه كان حوالي سنة1275هـ (1858م) أميراً لحجّاج حائل ،فمروا بأرض يأخذ أهلها"الخوة_الضريبة"على الحجاج ، ولما جاءه مندوب صاحب الأرض قال له عبيد: "قل لمن أرسلك أن هؤلاء حجاج حائل وأنا عبيد بن رشيد" ، وبعد فتره عادَ المندوب ينقل رسالة سيّده وهي : " كلٍ عبيد بديرته !! " .. فأعجب عبيد بالردّ الشجاع ودفع الضريبة ، وصار قول صاحب الأرض مثلاً يضرب للإستقلاليّه في الأمور وعزّة كل رجل في بلاده . الأمير , الفارس, الشاعر عبيد بن علي الرشيد , و الرشيد كما هو معروف فخذ من آل جعفر من عبده , أحد بطون قبيلة شمّر. ولد عبيد تقريبا عام 1220 هـ , و يعتبر من أشجع فرسان الجزيرة العربية في ذاك الوقت .. يقول عنه طلال السعيد في الموسوعة النبطية الكاملة, الجزء الأول : " كان بسيفه يشكل الدعامة الأساس لحكم آل رشيد بحائل, و كان قائدا للجيوش و محاربا صلبا علق روحه على طرف سيفه و خاض المعارك بجرأة و اقدام قلما يوجد لها مثيل و هو من الرجال القلائل الذين امتازوا بالقوة الذاتية و الجسارة و المهارة الحربية منقطعة النظير". ولد عبيد في زمن كله حروب و اضطرابات , و كانت الحروب على وقتهم مثل شربة الما, أسهل شي عندهم انك تحارب, فما يمدي حرب تطفى إلا و تالع حربن أخرى. و عبيد نشأ على هالحياة و على هالحالة, على صوت الخيل و قرقعة السيوف, اللي خلته يصير فارس و شجاع. يقول في وصف احد الحروب:
أصبحت منهن خالي كود ثنتين=سعدي و مصقول يداوي الغلايل
و يقصد بـ " سعدي " فرسه , و المصقول هو سيفه اللي يداوي الروس , كقول عنترة بن شداد :
و سيفي كان في الهيجا طبيبـا=يداوي رأس من يشكو الصداعا
و يكمل قصيدته لين يقول مفتخرا :
اللي ذبحت بشذرة السيف تسعين=أيضا ولاني عن طردهم مسايل واللي وطينا ما تشوفه امحبيـن=و الكذب تنفاه العلوم الصمايـل مادّا حقوق الدار كود الهزازين=حنا ليا عدوا رجـال الحمايـل و في الحرب هذي, يقال ان سيفه المصقول , لصق بيد عبيد من كثر ما ذبح فيه من القوم اللي حاربوهم, ولا قدر يفك السيف عن يده لين حطها بماء دافي. اما القصيدة هذي, تمثل فلسفته في الحياة و الحياة الي كان يعيشها, و ذهبت أغلب أبياتها أمثال دارجة :
القلب من كثر الهواجيس قـزّان=ما يستريح من الدهر ربع ساعة يا غافر الزلات يا والي الاحسان=تجعل من التقوى لنفسي بضاعـة أنا على لان و ربعي علـى لان=متخالف رايي و راي الجماعـة مانيب شاري غير بت من الضان=يقنع باشراك البهم في ارضاعـه و لعبيد بعض القصائد الغزلية النادرة, و هو مقلّ من ناحية الغزل, و قال هالقصيدة بعد رجوعه من إحدى الحروب البعيدة, يقول ياصف الضلع اللي مر عليه : . و هو يوصف زوجته بهالقصيدة
لي بأيسره من لابسات العشاريق=خشف يخلط المسك و الزعفراني وش عيشتي لولا رجا ذابل الريق=لولا رجا لاما زريـف المثانـي و في اخر ايامه له هالقصيدة اللي تحوي الكثير من الحكم. و مثل ماهي عادته, يعتز بنفسه و يفخر بأفعاله الحميدة, و يحق له الفخر و الاعتزاز, لأنه كان قول على فعل : مات عبيد العلي الرشيد بعد ما عمّر , عاش حياة طويلة مليئة بالانتصارات و الحروب , الله يرحمه . انتهت حكاية عبيد هنا كما رواها بد
طلبت ربي عالم السـر و الغيـب=يقبل صلاتي له و يقبل صيامـي و يحعل لنا عرض نزيه عن العيب=و يفكنا من شـر سـو الاثامـي بن ادم ملفا الخطـا و العذاريـب=لو ما فعل رميت عليـه التهامـي حميت انا نفسي عن الشك و الريب=ولا احسب ان يلقا بعرضي كلامي واليكم هذه القصيده لعبيد الرشيد وهي ايضا عن فرسه كروش ولكن هذه المره عندما طلبها حاكم مصر عباس باشا فرد عليه عبيد وقال :
ما ذقت عنك شي يا طوعة. الرأس=لو هو مـن المطعـوم شـيْ قلايـل ولا درت من سرجك مثامين واكياس=اربع سنين فـوق الاربـاع. حايـل باغ(ن)عليك.. ان فرَعت كل مكياس=وذهلوا مصانيـم الـدروع الحلايـل أنطح عليه... أوجيه شرابة الكـاس=مع وجه مرويـن الغلـب بالدمايـل حلفت ما تنصين حي(ن) من النـاس=لا بالثمن ولا بـدرب .....الجمايـل هم... ويش لو كز المراسيل عبـاس=ما سلت عن رأس به الـزوم طايـل انا ب جا ما سلت عن باقـي النـاس=.لولا المعزة ما سكنا....... بحايـل و اليكم ما قال عبيد في الغزل
ناح الحمام بعاليات المقاصير=واهل الهوى طربين ما يسمعونه ذكرتني يا الورق لا ذكرك خير=غرو كما لدن المطارق قرونه علام ماكم ضايع ياهل الحير=نبي نعدله كان ما تعدلونه ما هي حمية ساقني نية الخير=والشرط ما نبغيه لو تشرطونه الا ان حصل راعي النهودالمزابير=......... وكرعة في سنونه باكر ضحى العيد لا طقو الزير=ما عندهم من غالي يلبسونه انا وخلي فرقتناالمقادير=يا من خبط بيديه واعمى عيونه يا شاعقين النار جاكم مسايير=ضو سناها يجذب اللي يجونه يا مال تفاق شفوق على الطير=ومحنش من بعد ذا يذكرونه والا ف (حر) ما لوى رجله السير=بالوكر طلاب العشا يحترونه يظهر عشيري كا لخلاصة من الكير=اعيذه برب الناس لا ينحتونه تصبح عروق القلب عندي معاشير=ويزهر ثمر قلبي وتطرخ غصونه ومن قوله أيضاً في الغزل :
ياحمود انا عارضي شاب=طرد الهوى جزت انامنه يا كود وضاح الانياب=هذاك مني وانا منه عسلوجة حشوالاثياب=وردوف للثوب شالنه يا ما حلا جدع الاسلاب=واركاي سني على سنه والزين لو هو ورا الباب=لازم عيوني يراعنه يارب اغفر لمن تاب=العبد مطلوبه الجنه قصيدة للأمير / عبيد العلي الرشيد يخاطب بن سليم أمير عنيزة :
يابن سليم إن كـان غرتـوا بالاطـراف=ماتنتـفـع بالطهبـلـه والتـداهـيـر لو أخذتوا من زرع ابن جلعود منسـاف=ومن البقر رحتوا بعجلـن علـى خيـر لو تذبحـون مـن البقـر تسعـة آلاف=ماهـن لموتـاكـم بـيـدن حـواويـر حنـا اليـا غرنـا طعـنـا بــالآلاف=تلقـا القلايـع مثـل آفـام الخنـازيـر مـع كسبنـا تلقـا مظاهيـر وعطـاف=وتنـعـزل خلفـاتـهـا والمغـاتـيـر ننصـا المشايـخ مانجنّـب لـلاطـراف=كـم نزلتـن باطرافهـا نضـرب الزيـر عسى بحق أمره على النـون والكـاف=بالوالـي اللـي يعطـي الشـر والخيـر يرميك واركابـك مـن المشـي وقّـاف=مايهزمـنـك مهـزلاتـن مقـاصـيـر وآتيك فوق اشمّرتـن توهـف ايهـاف=مع وجـه جمعـن مايهـاب الطوابيـر يوم اشتهيتـوا حربنـا عقـب الاحـلاف=ودّي حلالـك مـن ابـعـاد المنـاويـر وان طعت شوري فاسع باطراف الانصاف=ببضاعتـك واضبـط حسـاب الدنانيـر أعمـى بـريـده لايــدزك بميـهـاف=تبتع ذلولك فـي عمـى سالـف البيـر واتعـب لمجلّـي الشفاتيـن بلحـفـاف=وارقد معه وادغـث عجـاج المباخيـر شوري عليك عن المغـازي والانكـاف=تـرى ذهـاب النمـل سعّيـه بتطيـيـر مولمـن شـقـراه شــاف مـاعـاف=مـع الغـتـاره عابـيّـن للمصـاديـر نصيحتـن كـان انـت للنصـح عـراف=وان كـان تبغينـا تـرانـا محاضـيـر دون الجبل نـروي رهيفـات الاسيـاف=علـى ظهـور امعسكـرات المساميـر ومتـى يحسّـب نايفـن وابـن حـلاف=ومـن حالفـه قومـه بـرزّ المعاذيـر إن ساعـف الله جمعنـا تـاتـي ارداف=وتالـي سنتكـم تلعبـون المشـاويـر أخوك عن غوجه ارمـي لـه بمعطـاف=ذكّـور مرويـن السيـوف المعاطـيـر يتلون مـن هـو للمصاعيـب عسـاف=اللي علـى الشـدات يلقـى اليـا ديـر لـولا مدارانـا قريـب ابـن عـيـاف=يسقف عليـك العـج مثـل المعاصيـر من فعل قومـن مايحملـون الاعجـاف=ماساقـو الخـاوه لـعـوج المناقـيـر وان صاح صياحن علـى راس مشـراف=فزعاتنـا مـع كـل ريعـن دعاثـيـر عملت لك درعن وهـو جلـد خصّـاف=تبغى تصوغ القيق سوغن علـى الكيـر من صوغهم عجزوا يدانـون الاضيـاف=اللـي مراجلهـم بثـرهـا مخاسـيـر السـور مايبنـى بعيـدان صفـصـاف=وبالسـوق لايغريـك رقـص الجزازيـر تمت وصلـى الله علـى طايفـن طـاف=على البيت يرجي من كريم التياسير وإليكم هذه الرائعة من روائع الأمير / عبيد العلي الرشيد (يرحمه الله ) :
يالله ياللي تبدي الخلق وتعيد=واليا بغيت أمرن قضيت المرادي يالواحد اللي من ترجاك ماصيد=ومن هو بحرزك لايذن مايصادي جونا وجيناهم وصارت مطاريد=بيومن حصل به مثل يوم التنادي ياكن جدع الروس حذف الجلاميد=كرامتن للي نصا الجيش بادي يوم إن بعض الناس كسبه بواريد=ترا كسبنا روس العدا بالعوادي وردنا برعن عقب الاقفا مواريد=كن يحداهم من ورا الطعس حادي وردنا بسمحين الوجيه الاجاويد=ونادى لهم من عند ربي منادي خلوا جنايزهم سوات المجاليد=بصوارمن بايمان غوش الجهادي يتلون حرّن دايمن يفرس الصيد=خلّى بديد الريش مثل الجرادي قديم مصرعهم بشر باسق القيد=وأمر لهم والي السما بالحصادي أطيابهم رمّيو على صحصح البيد=كلن على مضرب نطيحه إيفادي شكرن لمن حطه بروس النماريد=دوارة الفتنه على غير جادي وش يطلع المملوك من ولّية السيد=ومن خلقة الدنيا وحيّه يسادي وعن طلعة اللي فات بشّر بتجديد=وردّه شرايد بيضهم بالحدادي لعيون حسنا ما تعرف التسانيد=نروي السيوف ون عرّضت بالمعادي يوم اعترضناهم بزينن وتهديد=عذره يبي منّا يقول السدادي تاهت بصيايرهم دروب المواريد=ولا لهم من قايد الرشد هادي وصلوا على اللي مهد الدين تمهيد=ماشيف فجرن مع شفا الشرق بادي ___________________ مــــــــنـــــــــــقــــــــــــــــــول _____________________
وسلامتكم
|
||||
|
|
|
|
31-07-2005, 12:48 PM
|
#2 | ||||||||
|
|
||||||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 65 ( الأعضاء 0 والزوار 65) | |
العرض العادي
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| التغطية المصوّرة لـ حفل الشيخ فهد بن فريج الشكره بمناسبة حصوله على سيف الشرف للرجل المثالي مقدما من صاحب السمو الملكي الامير مشعل بن عبد العزيز رئيس هيئة البيعة رئيس اللجنة العليا لجائزة الملك عبد العزيز طيب الله لمزاين أم رقيبة | الإداره | :: قسم اللقــاءات والفعاليات والتغطيات الخاصة:: | 24 | 10-02-2011 05:10 PM |
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 07:44 AM
