(جنيه الذهب) .. للتواصل معكم !!!!

**معلومات** **العضو** · 13-07-2008, 01:29 AM

ابشـرك طيّـب ماتأثـرت يانـواف=وصدري بحر وطعونهم ماْآثـرت فيـه
ضعيف الروابع يغرف البحر بالمغـراف=زبون الشقا والبحر ميـه علـى ميـه
ضعوفٍ تشاور بالردى والهروج ضعاف=وتلقى الجنوب الجرب بالدهن مطليـه
لوأسمع نباح كلابهم ماعلـيّ خـلاف=تنابح ولاتاخذ عصاتـي مـن يديـه
أسج القدم قدام ماقد رجعت خـلاف=على العز ماصدّت عن الدرب رجليه
ولاني بجاهل وآعترض حذفة الحـذاف=ولامن بليت أعطيه فى الوجـه مثنيـه
ولي ماقفٍ لاجيت بين العرب ينشاف=أعدّل عواج المنعوج وأنضـج الكيـه
رفيقي لو إنه خبل مايحمـي الميقـاف=اداريه وأرفى خلته لـو هـو شويـه
فما بالك إليا كان راعي سيوف رهاف=صميدع وله فى وجيه الأخصام أماريه
هذاك أفتخر به ثم أحيّر به الأوصـاف=ولاعاد تلقـى لاوصيفـه ولا زيـه
وإذاهي غريبه يوم نصبر سنين عجاف؟=فما هي غريبه ندعس الداب والحيـه
وطيبك ليامن زاد ضربٍ من الإسراف=خبيث النبا ماقـدّر الطيـب موليـه
وهجرك لقومٍ ماتعزّك تـراه إنصـاف=جنيه الذهب بيـد الجهاهيـل ربيـه
ودارٍ هجرها الغيث ميرادهـا ينعـاف=بدلهـا تحصّـل دار بالغيـث مرويـه
وأنا أقول يانواف من لاسرق ماخاف=وحكم القضا يقطع يديـن الحراميـه
مادام النوايا طيبه والقلـوب نظـاف=ابو نيتين يطيـح ويقـوم ابـو نيـه

**معلومات** **العضو** · 13-07-2008, 01:36 AM

ياسلام ياسلام

مبدع وكلمه مبدع قليله أمام هذه الرائعه والجزله

الملئيه باالمعاني الطيبه والحكمه وعزه النفس

صح لسانك ياعبيدالله مدد مهوب عدد ,, أشكرك على إتحافنا بهذه الرائعه

أجزل التحايا

**معلومات** **العضو** · 13-07-2008, 01:50 AM

لوأسمع نباح كلابهم ماعلـيّ خـلاف=تنابح ولاتاخذ عصاتـي مـن يديـه
أسج القدم قدام ماقد رجعت خـلاف=على العز ماصدّت عن الدرب رجليـه
ولاني بجاهل وآعترض حذفة الحـذاف=ولامن بليت أعطيه فى الوجـه مثنيـه
ولي ماقفٍ لاجيت بين العرب ينشـاف=أعدّل عواج المنعوج وأنضـج الكيـه

صح لسانك وبيض الله وجهك علي القصيدهـ الطيبه

**معلومات** **العضو** · 13-07-2008, 04:43 AM

صح لسانك وعتلى شانك وبيض الله وجهك علي القصيدهـ الرائعه والجزله

**معلومات** **العضو** · 13-07-2008, 05:08 AM

وهجرك لقومٍ ماتعزّك تـراه إنصـاف=جنيه الذهب بيـد الجهاهيـل ربيـه
ودارٍ هجرها الغيث ميرادهـا ينعـاف=بدلهـا تحصّـل دار بالغيـث مرويـه
وأنا أقول يانواف من لاسرق ماخـاف=وحكم القضا يقطع يديـن الحراميـه

عبيدالله العرابي

صح الله لسانك على الابيان الكميلة وبالنتضار جديدك

**معلومات** **العضو** · 13-07-2008, 09:10 AM

لاهنت على الابداع الرائع

صح لسااااااااااااااانك

تحيااااااااااااااتي

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية