يــا شــيب عــيــني

[معلومات العضو خالد الوطيب]

أسعد الله اوقاتكم جميع


أبيات متواضعه اتمنى من اخواني النقاد ان يفيدوني بأراهم اخوكم الاصغير واتعلم منكم نفداكم





يالله سترك من غثا الدنيا ومن شين المصير = أدعوك ياربي تثيب النفس قبل تزيلها


الوقت يجري والعمر مهما وصل حده قصير = والعاقل اللي ماغمر نفسه على تظليلها


وأنا صغيرن فالعمر لاكن في فعلي كبير = أعز نفسي لا اختلط جور الليال وميلها


شاعر غزير ولانظمت انظم من الجم الغزير = أسبح بحر وأكسب درر وأتعب على تحصيلها


أشوم عن فعل الردا والعز من دوني حصير = وأسوق ركبي للمصاعب والحمول أشيلها


أخذت من حلو الليال ومرها شين كثير = حتى عرفت ان الهقاوي ماتناسب جيلها


عزي لحالي من صدوف الوقت وسنون الشطير = وعزي لعيني من مدامعها غرق منديلها


ياشيب عيني لافقدت الناس والدنيا عصير = وأنا اتذكر ماضي الايام وذكرى ارحيلها


راحت عسى الله لايعاقبها ويجزاها بخير = عز الله اني وافين معها وفي حبي لها


الحزن فيني من صغر وانا معه مثل العشير = وصكات وقتي أسرجت بين الضماير خيلها


قولوا لها ترا الجفا يحطم الحلم الكبير = وقولوا لها روض الاماني من زمن يبكي لها


وقولوا لها وقولوا لها ترا العمر عند الخبير = ودي أغرق يدها دمعة وفا وأشكي لها


وأن راحت علها تذكر حكايتنا بخير = عندي خبر ياهل الهوا بموت قبل أجيلها




وســـــلامتكم وأسمحولنا على الاقصور

 

 

 

 

[معلومات العضو ابو فهد الغييثي]

صح السانك وعتلى شانك على القصيده الجزله والرائعه

 

 

 

 

[معلومات العضو شافي القويسي المخاريم]

انا لست شاعر


لكن قصيدتك اعجبتني من جد


صح لساااااااااانك يا خالد

و ترانا طماعين

ننتظر جديدك



تحيااااااااااااااتي

 

 

 

 

[معلومات العضو خالد الوطيب]

ابو فهد


مرحبا مليون وصح الله بدنك نفداك لاهنت يالقرم شرفني وجودك في متصفحي لاخلا ولاعدم تقبل تحياتي

 

 

 

 

[معلومات العضو خالد الوطيب]

شافي المخاريم


ارحب ياكحيلان


صح الله بدنك ولو كان منت بشاعر نفداك يكفي وجودك في متصفحي واعجابك يضيف لي الكثير للامانه لاخلا ولاعدم يالشيخ تقبل تحياتي