لو قلت زود عن كلامك يملّوه.. ( مجاراة لـ فيصل بن جزاء ) !!

[معلومات العضو إبن دوسر]

السلام عليكم ورحمة الله وبركاته ,,

اعذروني على الازعاج بالقصائد اليوميّه.. لكن اسمحوا لي قبل مجيء الاختبارات ..

على العموم.. هذي مجاراة للشاعر الاستاذ ( فيصل بن جزاء ).. جاريته لجمال قصيدته

وطبعاً وبالتأكيد لن تضاهي جمال قصيدته ومعانيها.. لكن احببت ان اجاريها لحاصلها.. :


قصيدة ( فيصل بن جزاء ).. :

امدعيـن الشعـر خلـوه خلـوه=صرنا نشوف الغث جنب السمينـا
في كل يوم نشوف اشكال ووجوه=بلا صور غثـوا بهـا المسلمينـا
يوم انهـا با(الواو)قلتـوه قلتـوه=والا بغيـره مـابـه الا رطيـنـا
لاتحسبون الشعر هرج(ن)تصفـوه=الشعـر مايحبكـه كـود المكينـا
قلته وانا قبلي هل العـرف قالـوه=في الطيب مغشوش(ن)وفيه الثمينا
هذا المثل في ساحة الشعر تلقـوه=منهم ركيك الشعر ومنهم رصينـا
والمدعي لشعـر تكفـون كبـوه=ونغربل الساحـه مـن المدعينـا
هذا كلامي ياهل الشعـر واقـروه=قلته وانا صـادق وربـي يعينـا

وهذا ردّي المتواضع عليه ( إبن دوسر ).. :

لو قلت زود عن كلامك يملّوه=لكن مع التكرار ليته يزينا
بعض الشعر مكسور يبغى تحلّوه=ومثله يغثّ من المراره سنينا
والمشكله يسأل ترى ليش شالوه؟=مايدري انّه بالشعر مبتلينا
يكتب خواطر صح.. لكن يسمّوه=بسم القصيده قد يخرّب علينا
ياناس عنده موهبه بسّ نمّوه=يمكن يحالف حظّه اليوم وينا
لا صار شعرك بالجزاله يكنّوه=شافوه شعّار(ن) بجيم(ن) وسينا
من بعدها اكتب على كيف قزّوه=وابدع من الجزلات في كل حينا
ويامدّعيـن الشعـر خلـوه خلّـوه=خلوه للشاعر ويكتب فطينا !!

وسلامتكم جميعاً.. ولا هنتم يالذيابه !!

اخوكم / محمد عبدالله الودعاني ,,

 

 

 

 

[معلومات العضو فيصل بن جزاء]

الاخ القدير محمد الودعاني

لاهنت وبيض الله وجهك وصح لسانك يالذيب

على مجاراتك الرائعه

تقبل اعجابي وتقديري واحترامي

 

 

 

 

[معلومات العضو مبارك الخييلي]

مجاراة جميلة منك إلى بن جزاء


صح ألسانك وعتلى شانك


والله يبيض وجيهكم جميع


تقبلوا شكري والتقدير

 

 

 

 

[معلومات العضو مشعل راشد الشايقي]

تسلم اخي محمد على هذه المجاراه


الرائعه الوافيه


صح لسانك يالقرم والشاعر فيصل



تحيتي وتقديري