دعوة للشعراء للاطلاع على هالوزن

[معلومات العضو جلاجل الجلاجل]

مساكم الله بالخير جميعاً

هالبويتات جزء من قصيدة طويلة كتبتها وانا راجع من سدير للرياض ،،

والله يالربع ان الواحد لاصار ماسك الخط وقام يهيجن على روحة يجي معه شي يوسع الصدر


اتمنى من الشعراء التدقيق في الطرق، انا والله رجال طلعت معي الابيات وكلمت عليه قصيدة طويلة ،ووزنها ما سبق ومر علي ،، لذلك حبيت اخذ رايكم وماخاب من شاور


رايكم يهمني واتمنى الابتعاد عن المجاملة


اللي يهتمون بالتفعيلة فتفعيلتها كالتالي :


(( مفْعولن مفاعلْتن مفاعلْتن مفْعولن )) في الشطر والعجز


استلموا لاهنتوا

يالديجور يالديجور خبرني عن خلي=قصر الحيل عن ذا الليل طقي له ياكفوفي
مابه خو ولابه ضو ومن لي من لي من لي=مهنا الا انت طلت وشنت تاعدني ماتوفي
من ملفاك ليا ملقاك لاحياك وولي=فكر دار في دوار حافه همه حوفي
سم الحال في هالجال يانفسي به علي=علي عل لين اثمل كوده يركد جوفي
شفي شف ولابه هف بلاحسين الدلي=قلت الدرب وخلك ذرب ولاطابت لي نوفي
ذي دنياي خلفة راي حكم غرير ولي=فيها حق ماله حق وانتي حكمك شوفي

وسلامة من قراها

 

 

 

 

[معلومات العضو راشد المسعري]

حياك الله ياخوي جلاجل وبا لنسبة لي ما اعرف التفعيلات ولا اهتم بها ، اما بالنسبة

لقصيدتك فمشت مع على لحن سريع وبصعوبة، وتقبل ودي وتقديري ،،،

 

 

 

 

[معلومات العضو المهلب]

لاهنت وصح لسانك على الابيات الجميله والسليمه وزنا وقافيه وهذه تدل علىتمكنك من الشعر بكل جداره ,,,,,,,,,,,,ودمت مبدعآ ,,

 

 

 

 

[معلومات العضو خالد بن محمد]

صح لسانك ياجلاجل


قصيده جميله وما أدري هي وشنهو بحرها


تحياتي

 

 

 

 

[معلومات العضو جلاجل الجلاجل]

راشد المسعري

المهلب

خالد بن محمد


الله لايهنكم على المرور

وننتظر زود ردود

 

 

 

 

[معلومات العضو فراج بن فهد آل تركي]

السلام عليكم

لعلك أخي تجد على هذا الرابط مايفيدك :

http://www.montada.mergab.com/showthread.php?t=39147

 

 

 

 

[معلومات العضو ابو فهد الغييثي]

الله يعطيك العافيه وصح السانك

 

 

 

 

[معلومات العضو بدر الخضران]

صح لسااااااااااااااانك

يا القرم لاهنت

 

 

 

 

[معلومات العضو جلاجل الجلاجل]

الله يعطيكم العافية على مروركم اللي شرف الطرح

اخوي فراج ،،، والله يالو انك قدامك طمرت وحبيت راسك

اشهد باللهانك تعبت لاجل الموضوع بس انا مابعد شفت رايك الشخصي

وانا والله لاني من اهل فيروز ولا من اهل حجاب ولا اعرف منهم الا اساميهم

ولارحت للسودان بعد ههههههههههههههههه

بانتظار رأيك الشخصي

 

 

 

 

[معلومات العضو فهدالمحيسن]

صح لسانك ولاهنت اخوي جلاجل.

 

 

 

 

[معلومات العضو بدر بن صقر العجالين]

هههههههههه والله ما سمعت فيه يا جلاجل ..

ذا بحر مدري وشلون صاير ..

وإن شاء الله تلقى ضالتك..

وتقبل تحياتي،،

 

 

 

 

[معلومات العضو إبن دوسر]

ابياتك من ناحية الوزن.. لا بأس بها !!

لكن إذا اردت نصيحتي : لا تعتمد على التفعيلات !!

فهي تحبس فكرك.. فيصبح كل مهامك عليها

صح لسانك.. وشكراً لك