محتار من جور الزمن و اصطفاقه = و عوج اللحُوي اللي كثير احكاها

[معلومات العضو يحيى الودعاني]

بسم الله الرحمن الرحيم

( ناس تحيل فيك باسم الصداقه )

قلت هذه القصيدة و هي اجتماعية

محتار من جور الزمن و اصطفاقه = و عوج اللحُوي اللي كثير احكاها
ناس على الاعراض فيها اندلاقه = خاطي هبيل زلته ما رفها
يجيبها من كل سوق و ساقه = نفسه على درب الرذيلة رماها
و يمناه من درب المراجل معاقه = روحه من العليا طرح مستواها
و البخل و ادروبه عشقها اعشاقه = و يسب ناس عايش في ذراها
إن سار في المجلس تزايد نفاقه = ناس يمدحها و ناس دهاها
حتى هدم حظه و فتق رواقه = قصه يسويها و قصه رواها
لا احتاج لك جدد جميع العلاقة = و ينساك لامن اللوازم قضاها
و نفسه إلى احتجته سرقها اسراقه = و اليا منطلبته حاجة ما عطاها
ناس تحيل فيك باسم الصداقة = لو جامله لا بد يظهر خفاها
و اسلوكهم في كل شيء ادقاقه = و هروجهم يشهد عليها رداها
خطوى صبي مثل موس الحلاقة = يلحق النفس العزيزة مداها
معانق درب الرذيلة اعناقه = و أهل الوفا و الطيب جعله افداها
و اخير من جمعاه عندي فراقه = ابعد من الانذال تسلم غثاها
بعدك عن أهل الشح و أهل الحماقة = يعز نفسك و يتزايد حياها
مالي على الانذال صبر و طاقة = و الانذال قبلي كم حكيم شناها
مثل السراب اللي يغرك براقه = سراب قيظ زاد نفسك ظماها
ولا اهل المعروف فيهم طلاقه = اهل الوفا و الطيب يظهر نباها

***

رياض
من الأدب الشعبي
جمع و تأليف
مبارك بن سيف بن غالب بن ذهيبان الدوسري

 

 

 

 

[معلومات العضو السيف دايـم]

و اخيـر مـن جمعـاه عنـدي فـراقـه **ابـعـد مــن الانــذال تسـلـم غـثـاهـا سلمت يمينك يالغالي بيض الله وجهك

 

 

 

 

[معلومات العضو يحيى الودعاني]

السيف دايم

حياك الله و لاهنت