حبيبي يعشق الياهو

[معلومات العضو التنيب]

قصيدة ظريفه للشاعر فلاح بن عريج أعجبتني

بعد رن الموبايل والخلايق ممرحه فالليل
وشلت الخط مستعجل وانا ماني بفاضيله

لقيته صوت دافي والنعومه والثقل ياشعيل
يبي له نمرةٍٍ اخرى وجابه حظي الليله

حبيبي يعشق الياهو وانا مغرم مع الهوتميل
لكن الياهو الاقشر صعيباتٍٍ مداخيله

وانا ماعرف داون لودولااعرف آلةالتسجيل
ومعرف استخدم الياهو ولاحتي مراسيله

والاياللي خدوك تشبة الكشاف والمنديل
وفيها من براءآآآآءة الطفل ينعشك تقبيله

جمالك ياحلاهم يستحق المدح والتبجيل
طلبتك ياحسين الوصف تكفى تحذف الشيله

جمالك ياحلاهم مادخل في معمل التجميل
والا ياللي حجاجك مايعرف الحف والنيله

لوإني ماعرف عيونك لااقول الكحل هو.والميل
طغى فرموشك السودا وضاع الكحل من ليله

والا ياللي خدودك ماتحب اللمس والتقبيل
وخصرك من دلال السيف ونهودك فناجيله

والا ياللي جديلك ذيل شقرآ من اصيل الخيل
اليامنه سرجها الشيخ وجيوشه تباريله

والا ياللي طعم ريقك يذكرني بنهر النيل
ويذكرني قصب سكر مصفى في فناجيله

عسىيفداك من شغل محطاته لقال وقيل
على درب التهايم والظلايم مسرجٍٍ خيله

يامحلالبسة اثيابك ومجمل موضةالتفصيل
ياحلوك بينهم ياللي بحسنه قاهرٍٍ جيله

يازينك ياحلو دلك يابو خدٍٍ كما القنديل
والا ياليتني آخذ معك فالهرج تعليله

الا ياللي عطوراتك تجي من ماركةشانيل
تسرب في عروق اللي يغنيلك مواوييله

والا ياللي رموشك صف عسكر حزةالتكميل
اليا من صفها الضابط لجل تعداد تكميله

كفوفك مخمليه ضعت انا بمصافحتها حيل
وضيعت الطريق اللي سكن بيتي يوديله

فتنتي قلبي الاقشر وانا وياه حط وشيل
قول اركد لتفضحني لاكن القلب ياويله

الياشفت الجمال ابداء بذكر الله بالتهليل
واسوي عمري اشويب ماكن الزين يعنيله

اسوي عمري اشويب مايفهم هرجةالتحويل
ليادارت مابين اثنين وجت يمي بتحويله

وأخاف اطول الموجز ويعرف باقي التحليل
ويزعجك الهبيل اللي ابليس العود يوميله

انا قلبي خضر على الطهارةمايحب الميل
وحشىمافصح عن ديارالملاك ولامداهيله

أخذنا قرب ساعه في مكانٍٍ ياعساه السيل
وانا مقدر احدد والنذل واجد محابيله

 

 

 

 

[معلومات العضو السيف دايـم]

صح لسان الشاعر وبيض الله وجهك

 

 

 

 

[معلومات العضو ولد التنيب]

سلمت يمناك يا ولد العم على ما نقلت ويعطيك العافيه

 

 

 

 

[معلومات العضو التنيب]

جزاكم الله خير المرور الطيب
والله يعطيكم العافيه