بسم الله الرحمن الرحيم
والصلاة السلام على الرسول الكريم محمد صلى الله عليه وسلم
مساكم الله بالخير اخواني اعضاء منتدى قبيلة الدواسر
ان مت عزولي مرامي ووجدان
وابكوا على قبري ليالٍ طويلـه
ابكوا وبكوا لي معاكم كحيـلان
خليف شيّال الحمـول الثقيلـه
*
*
*
خلوني ارقد في مداليـه جـرّاح
واحط لي وسط الطريق استراحه
اذني ادله باقي الوقت وارتـاح
لو كان مافي جور الايام راحـه
عبـــدالله بــن عبيـــد العيـــر العضيله المطيـــري
كانت نشأته في محافظة عنيزه بحي السليمانيه حيث تخرج من ابتدائية طارق بن زياد
عام 1398هجري بعد ذلك واصل دراسته في متوسطة فلسطين,وتخرج منها عام
1403للهجره
ودخل الثانويه الصناعيه ودرس عامٍ ثم انسحب منها
ثم التحق بالخدمه العسكريه
وتقاعد قبل شهرين من وفاته بناء على طلبه برتبة رقيب
وهو من مواليد 10/9/1384للهجره
متزوج له من الابناء اربعه ابنه عبيد وثلاث جواهر درر
هو الابن الاكبر ويعشق الابل ولديه جيش منها مخصص للسباقات
آخر حفله احياها رحمه الله كانت في الصباحيه بالكويت يوم الاربعاء20/7/1424للهجره
وكان معه الشاعر الكبير / سلطــــان الهاجري
والشاعر الكبيــر/ ذيب الشمــري
شــاعر له باع عظيــم لابل واعظم من العظيــم
شاعر مثل قبيله مطير في مجال المحاوره
شاعر هابه الشعراء وحسبوا له عند ملاقاته
كان يوصف بالفطنه وحدة الذكاء وسرعه البديهه والمرح وخفة الروح
لاقى فطاحلة شعراء الجزيره العربيه
منهم
الشاعر الكبير المعروف/ خليف بن دواس المطيري
الشاعر/ زيــد بن سلمي
الشاعر/عبدالله بن شايق
الشاعر/فيصل الرياحي البقمي
الشاعر/ عاضه البقمي
الشاعر حمود السمي البقمي
الشاعر ابن جرشان
الشاعر / صيــاف الحــربي
الشاعر/حبيب العازمي
الشاعر / فلاح القرقاح
الشاعر/ محمد السناني
الشاعر/ رشيد الزلامي
الشاعر / نواف العازمي
الشاعر / ملفي المورقي
الشاعر/ عبدالله بن غازي المطيري (سوار الذهب)
الشاعر / غازي بن راشد المطيري
الشاعر / تركي الميزاني المطيري
الشاعر / مستور العصيمي
الشاعر / سالم الهريساني
الشاعر / ابن مشيط
الشاعر / سلطان الهاجري
وشعراء كثر كثر كثر كثر
لن احصيهم عدد
شاعر له بالنظم باع ليس بالسهل
من ابياته النظم ماذكرته في اول الموضوع
ان مت عزولي مرامي ووجدان= وابكوا على قبري ليالٍ طويله
ابكوا وبكوا لي معاكم كحيلان=خليف شيّال الحمول الثقيله
وله ايضا لاجئ الى جمله (جراح)بعدالله عز وجل
خلوني ارقد في مداليه جرّاح=واحط لي وسط الطريق استراحه
اذني ادله باقي الوقت وارتاح=لو كان مافي جور الايام راحه
وله بالمحاورات الكثير والكثير
سأورد لكم منها على سبيل المثال
العير عبدالله بن عبيد العير العضيله المطيري وهذه احدى جنووونه
مع الشاعر الكبير العظيم رشيد بن زيد الزلامي العتيبي من اعظم شعراء قبيلة عتيبه
في احدى قصور منطقة الدوادمي...
عبدالله العير المطيري:
سلام يا اصحابنا اللي جيتهم بالوعـد
وانـا لياجتنـي الدعـوات لبيتـهـا
اصفى سما نجد لابارق ولامن رعـد
وانا لمحت المزن ورعودها اوحيتهـا
رشيد الزلامي العتيبي:
الله يحييـك ترحيـبٍ بلـيـا عــدد
قدمك رجـالٍ ترحبـك ليـا جيتهـا
بس المصيبه تجيهم وانت مامعك احد
قامت بك الارض واشتغلت عفاريتها
عبدالله العير المطيري:
البارحه يارشيـد وليـت الاول بعـد
وشلون حال الجماعـه يـوم مريتهـا
حنّا طراقي ولاحنّا مـن اهـل البلـد
لكن دعوتـك هـذي تعـرف بويتهـا
رشيد الزلامي العتيبي:
ان كان تنشد جماعتنا بحـال السعـد
ومطير ماهي على الدرب وتعديتهـا
وش رايكم في عجوز بليس جابت ولد
واليـا اسـر الله ضحكتـك وبكيتهـا
عبدالله العير المطيري:
الله ولا النشـده اللـي تاليتهـا نكـد
وشلون موجتـك للمطـران فريتهـا
اللي عطتك البريره وانت وسط المهد
قالوا لي انك بعـد شيّبـت جازيتهـا
رشيد الزلامي العتيبي:
الله يعلم رشيد وقصـده اللـي قصـد
مطير مـن قبـل جيرانـي وحبيتهـا
لاتحفر المقبره يطبـق عليـك اللحـد
واللي عطتني البريره جيت وارضيتها
عبدالله العير المطيري:
الليلـه انتـه بعيـرٍ تنتظـم وتهـبـد
ماتنتثنّـى يديـنـك مـيـر ثنيتـهـا
اللي عطتك البريـره حظهـا منقـرد
عرضتهـا لاهـب الكنّـه وخليتهـا
رشيد الزلامي العتيبي:
الموج اشوفه طفح والبحر جاله زبـد
لكنّ ذيـك البضاعـه ويـن وديتهـا
فزعتك عشرين واللي طاح واللي قعد
وخمخمتها في ظلام الليل واخطيتهـا
عبدالله العير المطيري:
حطيتها في بيـوتٍ جـودت بالعمـد
وانتـه تباهـا لكـنّـك ماتحليتـهـا
الله يعذبـك كيـف اشغلتنـي بالنشـد
عن حرجةٍ تطلـب الميتـه وذكيتهـا
رشيد الزلامي العتيبي:
اقول سبحانك الخـلاق فـردٍ صمـد
عيـون فتحتهـا وعيـونٍ اعميتـهـا
يالعير دم الخواجه ماع مدري جمـد
وارد عراوي دخل ماها على زيتهـا
عبدالله العير المطيري:
الله ليا راد لـه حاجـه بليـا جهـد
حرّم عليك الزقـاره وانـت كنيتهـا
ماعاد عنـد الخواجـه دم كلـه نفـد
اتعبت رجلك علـى دربـه وعنيتهـا
رشيد الزلامي العتيبي:
وش رايك اعطيك بالغليون لين تهجد
تصبـح وساعتـك ضايعـةٍ تواقيتهـا
وله بالنظم ايضا الكثير والكثير منها هذه المجنونه عليه رحمة الله
مرثيه في ابن رئيس مرور القصيم..
يقول فيها عبدالله رحمه الله:
يالله ياللـي كلـنـا مـنّـك وإلـيـك
ياللـي بـذكـرك تستـلـذ ألسنتـنـا
وقلوبنـا بيـن اصبعيـنٍ مـن ايديـك
وان كـــان ماثبـتـهـا ماثبـتـنـا
نهـار تلفضنـا المقـابـر ونآتـيـك
مـن خشيـةٍ فينـا نظـرنـا تحتـنـا
عريـا وزريـا خاضعيـنٍ مـداريـك
صـكـة عليـنـا ذلــةٍ غاشيتـنـا
وان ماتهيّـت رحمـةٍ مـن مناشيـك
والا تــرا مــا اعمالنامنجيـتـنـا
منك الرجاء وانت الرجاء والرجاء فيك
تستـر عـلـى خلاتـنـا فآخرتـنـا
وترحم جنازة مسلـمٍ فـي حراويـك
اغلـى جـنـازة مـؤمـنٍ فارقتـنـا
وتغسل ذنوبه بالبـرد مـن حسانيـك
وترفـع مقامـه مـع مقـام انبيتـنـا
عبدٍ خجول ومقفـيٍ عـن معاصيـك
متـذكـرٍ لــه سـاعـةٍ قافيـتـنـا
(سامي) عسى اعمالك بقبرك تسليـك
وتونسـك فـي وحشـةٍ موحشتـنـا
ويمدلـك بالقـبـر نــورٍ يبـاريـك
في جـاه مـن يعلـم بغيـب افئدتنـا
ويلطف ببوك اللـي لسانـه بطاريـك
اللـي قضـى وقتـه يربّـي ويتـنـا
وتجبر عزا امٍ ترجـي الله وترجيـك
اللـي عليـك مـن الحـزن حزنتنـا
وحنّا ترانا مـن غـلا ابـوك نغليـك
وان مادعينـا لـك ظلمـنـا بختـنـا
اللي علـى درب المراجـل مربيـك
مديرنـا الـلـي رافــعٍ منزلتـنـا
يكفيه من جور الزمـن فجعتـه فيـك
اللـي نبـي نبطـي وهـي موجعتنـا
جينـا يابوسامـي (بسامـي) نعزيـك
وانتـه تعزيـنـا عـلـى فاجعتـنـا
مير استعـن بالله عسـى الله يقويـك
علـى مقاديـرٍ خــذت ماعطتـنـا
وهذي مرثية تركي الميزاني في الشاعر العظيم عبدالله العير
إليكم القصيدة:
لو الدمـوع تـرد عبـد الله العـار
والله لبكـي ليـن عينـي تشوفـه
ويبكي معي صفة رجـال وشعـار
ورجال من بين الرجـال معروفـه
لكن حكم الله ما يمنـع ليـا صـار
وأمره على اللي يقصده ما يطوفـه
مرحوم ياللي لـك معـزة ومقـدار
يالصاحب اللي موت مثلك حسوفـه
عساك في الفردوس مع سيد الابرار
وعسى سنين العمر فيك امخلوفـه
أخذت لك في صفحة الشعر مشوار
وبنيت بيـت معجـزات وصوفـه
ولك وقفة تشهد لها كبار وصغـار
لاجا نهـار فيـه صولـه وجولـه
كنك معي في المعركه سيف بتـار
لن قيل كلـن نجتـه مـن سيوفـه
أثقل من الجولان الضـع سنجـار
لاهب طيف الشعر واقبل صفوفـه
عليك قلبي فيه جمـرة مـع النـار
ورحيلك اللي ولـع النـار جوفـه
أجـاذب الونـات والدمـع عبـار
وضلوع قلبي من بعـدك معكوفـه
يامـا بنينـا للمعـزه مـن اجـدار
ويامـا تحدينـا الزمـان وظروفـه
وياما تقاسمنا الوفا سـر واجهـار
واكـل للثانـي يشـرف وقـوفـه
واليوم راحت بك صواديف الاقدار
وبنت الهوا صارت بعدك معيوفـه
لكن مالي عـن وصيتـك معـذار
والعزوه اللـي بالفعـول معروفـه
وســـــــلامـــــتـــــــكــــــم
تــــقـــبـــلـــوا فـــائــــق احــــتـــرامـــي
اخـــــوكـــــم ابـــــوجـــــمــــال الـــــغــــيــــيــــــثــــي
03-12-2007, 09:02 PM
نبذه عن الشاعر عبد الله العير (رحمه الله)
العرض العادي
المواضيع المتشابهه
