حــده زمــانــه علـى ذبـحــــة ولـــد عمــــه

[معلومات العضو السيف دايـم]

يانفس وشفيك طول الوقـت مهتمـه=كفي عن الهم كافي مـا حصـل كافـي
وش لك بهـم يسـل الحـال ويسمـه=والرزق عند الكريم اشكـال واصنافـي
وانا علـى الله حبالـي تاصـل الجمـه=واشرب من الما الزلال المنهـل الصافـي
مسلم واصلي صلات الله علـى اليمـه=واسري على النور الابيض وارسم اهدافي
ياقايـد الريـم مافـي ذا الزمـن ذمـه=والا انت ماصار منك قصور واخلافـي
لكن ظـروف الليالـي جـات بمطمـه=والا انت وافـي وعمـرك دايـم وافـي
حلـم تبعثـر ولا ادري كيـف بلمـه=ما بين جور الزمـان وحظـي الجافـي
وجـدي توجـد مجـلا مهـدر دمـه=يقطع فجوج الفيافـي والقـدم حافـي
حده زمانه علـى ذبحـة ولـد عمـه=في ليلتن مـن قشرهـا نورهـا طافـي
والا رضيع حرمه الوقت حضـن امـه=يمسي ويصبح بدون افـراش والحافـي
عليـك ياللـي تهـد القلـب وتخمـه=خمـة نشيـط مثـل ماقيـل متعافـي
يابوجديـل يحـس الارض وتضـمـه=يابلسم جروح روحي والشفـا الشافـي
اليوم مـن راح مـا الـد النظـر يمـه=ندور الستـر مـن ستـر الله الضافـي
لولا اختلاف البشـر والديـن والذمـه=ماشفت الايام فيهـا ظلـم وانصافـي
من ضري بالقـاع مايستاهـل القمـه=والليـل ليليـن ذا بـارد وذا دافــي
اصـرف الحـرف بالهمـزه وبالضمـه=شاعر مع الوقت متفاهـم ومتنافـي‘‘

للشاعر/سلطان بن سعيدان

 

 

 

 

[معلومات العضو فهد بن مبارك الودعاني]

أرررررررررحب و أسهل صح السان الشاعر وبيض الله و جه ناقلها لأهنت يالسيف بيض الله و جهكـ على النقل الرائع و التنسيق الأجمل. ننتظر جديدكـ كما وعدتنا من قصايدكـ. لـك كـل الأحـتـرام و الـتـقـديـر.

 

 

 

 

[معلومات العضو ولد زعب]

السيف الدايم:



شكرا لك اخي .صح السان شاعرها وبيض الله وجه كاتبها.

 

 

 

 

[معلومات العضو السيف دايـم]

المشاركة الأصلية كتبت بواسطة فهد مبارك الودعاني

هلا وغلا صح بدنك يالغالي لاهنت يالذيب على مرورك الغالي..

 

 

 

 

[معلومات العضو السيف دايـم]

المشاركة الأصلية كتبت بواسطة ولد زعب

السيف الدايم:



شكرا لك اخي .صح السان شاعرها وبيض الله وجه كاتبها.

هلا وغلا حياك ولد زعب لاهنت على مرورك الكريم لاعدمتك