يقطعك يادنيا...

**معلومات** **العضو** · 25-03-2008, 04:18 AM

ياليلة غدرى وفيها القمر غاب=مشى بها الساري وخلى دليله
قلبي شكا ياناس من ضيم الأصحاب=في وسط جوفي مثل جمر المليله
ماغمضت عيني ولانومها طاب=وبيني وبين النوم جفوه طويله
ياضيقة بالنفس والقلب مرتاب=والحظ جافاني وروحي عليله
يابوحمد دونت أنا اليوم بكتاب=كل ماطرى لي في زماني ومثيله
وضعي ترى في كل الأحوال منصاب=وهمي عجزت أني لحالي أشيله
يقطعك يادنيا بها زود الأتعاب=في رفقة اللي خان وأنكر زميله
نعز ناس وآخر الوقت ننصاب=منهم ونجمع للندامه حصيله
يقطعك يادنيا بها ظلم الأقراب=فيها ردي الحظ يومي بذيله
ترى الردي عده مع شلة أذناب=يبحث خفا وعيوب ناس جليله
وراعي النميمه دوم تلقاه كذاب=هرجه كثير ولا تصدق قليله
تلقاه يسعى للردى دوم طلاب=وفي مجلسه دايم علومه رذيله
الله يادنيا بها عد وأحساب=دارت وراحت بين يوم وليله
يابوحمد خذها مع ذكر الأسباب=هذا كلامي أسمعه لو قليله

**معلومات** **العضو** · 25-03-2008, 11:58 AM

هادي الغريري

صح الله لسانك يابومحمد على هذه القصيدة الجزلة

يقطعك يادنيا بها زود الأتعاب = في رفقة اللي خان وأنكر زميله
نعز ناس وآخر الوقت ننصاب = منهم ونجمع للندامه حصيله
يقطعك يادنيا بها ظلم الأقراب = فيها ردي الحظ يومي بذيله
ترى الردي عده مع شلة أذناب = يبحث خفا وعيوب ناس جليله
وراعي النميمه دوم تلقاه كذاب = هرجه كثير ولا تصدق قليله

عز الله انك ابدعت ابدعت ابدعت

بكل ما تحمله الكلمه من معنى وفيها من الواقع الشئ الكثير

وننتظر رد ابوحمد عليها جعله يسلم وياك ..

تقبل خالص الود والتقدير ..

اخوك في الله

محمد الغريري

**معلومات** **العضو** · 25-03-2008, 02:12 PM

صح لسانك يابو محمد

لاهنت بيض الله وجهك !!!

وهذا الحاصل بهالوقت !!

وأقول :

[/poem]

**معلومات** **العضو** · 18-04-2008, 06:35 PM

صح بدنك يابو صهيب

الأبداع هو تواجدك يالغالي

لاهنت على مرورك العطر

كل الود......

**معلومات** **العضو** · 18-04-2008, 06:36 PM

أخوي أبو عويس

صح بدنك ولاهنت على مرورك الكريم

وجهك أبيض يالغالي

كل التقدير

**معلومات** **العضو** · 18-04-2008, 09:12 PM


	ماغمضت عيني ولانومها طاب وبيني وبين النوم جفوه طويله ياضيقة بالنفس والقلب مرتاب والحظ جافاني وروحي عليله اهنيك على القصيدة الرائعة تقبل مرورى وتقديرى

**معلومات** **العضو** · 19-04-2008, 10:48 PM

صح لسان يا فهد على القصيد الجزل ..

لا هنت على الابداع ..

وننتظر جديدكـ

اخوكـ

حـــزام..

**معلومات** **العضو** · 19-04-2008, 10:55 PM

صح الله لسانك ياهادي وهذى حال الدنيا كفانا الله شرها

**معلومات** **العضو** · 19-04-2008, 11:05 PM

غزلان

وأنا أهني نفسي على حضورك

كل التقدير...

**معلومات** **العضو** · 19-04-2008, 11:07 PM

مشرفنا حزام الودعاني

صح بدنك ولاهنت يالغالي

الأبداع هو حضورك

صادق الود....

**معلومات** **العضو** · 19-04-2008, 11:09 PM

مشرفنا الغالي سالم بن صمهود

صح بدنك وعسى الله يكفينا شرها آمين

هنيئا لي بوجودك وتسلم....

**معلومات** **العضو** · 19-04-2008, 11:24 PM

وراعي النميمه دوم تلقاه كذاب
هرجه كثير ولا تصدق قليله

صح لسانك يابو محمد

لاهنت يالغالي

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية