أهلا ً هلا بك يا حبيب ٍ فقدناك

[معلومات العضو أحمد الجردان]

	بسم الله الرحمن الرحيم هذه قصيدة قلتها بعد خروج والدي العزيز من مدينة الملك عبدالعزيز الطبية للحرس الوطني بالرياض بعد أن مكث فيه أربعة أشهر فأسال الله له ولوالدتي وللجميع طول العمر على طاعته جل وعلا مع شكري لكل من وقف معنا في فترة مرضه شفاه الله . أهلا ً هلا بك يا حبيب ٍ فقدناك ....................... ...... أهلا ً عسى دوم ٍ حياتك سعيده مرحب مراحب والمراحب تحاياك ...................... .... ضحكة جبين الطيب ميزه فريده أنت الذرا وأنت العطا وأنت يمناك ..................... ..... تعطي وتعطي والعطايا عديده يا ما سقتني والعطش يَــبّــس شفاك ..................... ..... يا ما كستني من ثياب ٍ جديده يا ما غـــذتني لو غــدى الجوع يصلاك .................. ........ يا ما هدتني للدروب الرشيده أربع شهور ٍ مجلسك كم تمناك ..................... ..... يشكي ويبكي و البكا ما يفيده حتى العصا تبكيك حتى مصلاك .................. ... صار الحزن بالحيل ساعي بريده وعيون أمي كل يوم ٍ تحراك .................. ..... فيها الوله والشوق زايد وقيده كم مرة ٍ قــلبي تقطع بآهاك ................. ...... يـــــــون ونـــّة آه ثــم ٍ يـعـيـده وقلوبنا كم هزها الشوق تفداك ................. ........ أوراحنا , والمال لأجلك نبيده لا باس يا بونا عسى الله يا قاك ...................... ..... عسى حياتك بالسعاده مديده أبوي تكفا طالبك وترجاك ................... ..... شعري خذلني والمشاعر تزيده عجز ٍ على عجز ٍ ويا كود مرقاك ................... .. فوق الجدي وسهيل وعذري أعيده وصلاة ربي عد دورات الأفلاك ...................... ..... على نبي الحق راعي العقيده ـ أبو بدران ـ أحمد بن محمد الجردان الرياض السبت الموافق 7/3/ 1429 هـ

 

 

 

 

[معلومات العضو فيصل الشكري]

صح لسانك واعتلى شانك

والحمد لله على سلامه والدك

وتقبل من وافر التقدير ,,

 

 

 

 

[معلومات العضو أحمد الجردان]

المشاركة الأصلية كتبت بواسطة فيصل الشكري

صح لسانك واعتلى شانك

والحمد لله على سلامه والدك

وتقبل من وافر التقدير ,,

هلا أخي فيصل

صح بدنك
وأشكر لك مرورك
وتقبل الله دعواتك

 

 

 

 

[معلومات العضو فهدالمحيسن]

صح لسااااااااانك ملايين ياابو بدران !!
ابدعت فكتبت من الجزااله مايكفي في القصيدة !!
شاعر يحمل معاني جزله ووافيه ,,
قصيدة رائعه بمعانيها !!
لا عدمناااااك يالقرم ,, صح لسانك مرة اخرى ,,

 

 

 

 

[معلومات العضو السيف دايـم]

صح لسانك والحمد لله على سلامه والدك

 

 

 

 

[معلومات العضو العماني]

صح الله لسانك اخونا الغالي ابو بدران على هذه القصيدة التي عن مشاعركم تجاه والد الجميع ، ونقول حمدالله على سلامته وخطاه الشر ، والله يعطيه الصحة والعافية وطولة العمر .

تقبل تحياتي،،

 

 

 

 

[معلومات العضو مبارك الخييلي]

صح ألسانك


وجعله مايشوف شر أنشاءالله


بيض الله وجهك والله يحفظ لكم قرمكم


تقبل شكري والتقدير

 

 

 

 

[معلومات العضو بدر بن صقر العجالين]

صح الله لسانك يا أبو بدران..

والحمدلله على سلامة الوالد..

والله يشفيه ويرزقه الصحه والعافيه..

وجعله ما يشووف الشر..

وتقبل تحياتي،،