لو ان خالد حي وألا عمر حي 00 محدن تجرأ للرسول ابشتيمه

[معلومات العضو كرباج]

السلام عليكم ورحمة الله وبركاته ..

اقدم لكم اليوم , قصيدة رائعه لزميلي الشاعر الكبير / سعود الردعان الهاجري ,
قصيدة دفاع على الرسول صلى الله عليه وسلم ,,

لو ان خالد حـي والا عمـر حـي=محدن تجـرأ للرسـول ابشتيمـه
لكنهـم يـدرون ماعندنـا شــي=كبيرنـا همـه مقابـل حريـمـه
هذا زمان المهزلـه واهـل الغـي=غابت رجولتنـا وشاخـت حليمـه
كلن رضى عن شمس الامجاد بالفي=عن ذلنا ماعـاد بالنفـس شيمـه
جروحنا ماعاد ينفـع بهـا الكـي=وحنا نقـول ان العواقـب سليمـه
نضرب ونضرب في قفانا ومن عي=ارذل بشر يجرأ علـى هالجريمـه
ذنوبنـا بأرقابكـم ياهـل الـحـي=باكر يحاسب كل شعبـن زعيمـه
الليل طول ماحصل يشـرق الظـي=فجرن تأخر عقب مـااذن عتيمـه
ماتت غصون المجد من قلة الـري=تلعب عواصيف الهبوب ابهشيمـه

 

 

 

 

[معلومات العضو رائــــــــــد]

كرباج
بيض الله وجهك يالقرم
على هالنقل المميز
وصح السان الشاعر
ودمت بالف خير

 

 

 

 

[معلومات العضو غازي المسعري]

لو ان خالد حـي والا عمـر حـي=محدن تجـرأ للرسـول ابشتيمـه

لاهنت يالقرم

 

 

 

 

[معلومات العضو نايف الخييلي]

لاهنت ياكرباج

وصح لسان الشاعر وهذا أقل مايُقدم ويدافع به عن رسول البشريه - عليه افضل الصلاه والسلام-

 

 

 

 

[معلومات العضو وضاح]

والله أنها قصيدة تبرد شئ من حرقة صدورنا

صح لسان الشاعر

وتسلم يا كرباج

ليت كل من ينقل قصائد بهالمستوى ولا بلاش النقل

تحياتي/
وضاح

 

 

 

 

[معلومات العضو أبو زياد]

أخي كرباج يعطيك ألف عافية ولكن القصيدة لم أجدها ولا ادري ما الأسباب