من مزاينات الابل الى مزاين من نوع اخر

[معلومات العضو ابو متعب]

بسم الله الرحمن الرحيم

اسعد الله اوقات الحميع .. وكل عام وانتم بخير

موضوع غريب حصل خلال العام المنصرم تنافست القبائل والاشخاص انفسهم على اضهار افضل مايملكون من الابل وامتد عند البعض الى الماعز السورية , وصرفت المبالغ الطائلة وتم هدر المال وبالغ البعض في الاسراف الذي ارجو من الله ان لايحاسبن الله علية ونرجو من الله ان لايكون تاخر المطر عنا بسبب ذلك , نفقت الابل ثم بلينا بانفلونزا الطيور وغلاء الاسعار , ارجو من الله ان لايوخذنا على مافعله السفهاء منا ( قولوا امين ) .
بينما لو اخذ نسبة 25% من ماصرف لفكت رقاب اشخاص كثيرون في السجون ومنهم في السجن بسبب مبلغ صغير قد لايصل الى عشرة الاف لايستطيع جماعته الجمع له لفك مشكلته بينما للمزاين يتسابقون
غيرنا تسابقوا وتنافسوا في موضوع اهم ترك من قبلنا نحن المسلمين ورد في القران الكريم والسنة النبوية ( واعدوا لهم ماستطعتو من قوة ومن رباط الخيل )

وحاولت ارفاق بعض الصور لتوضح شي مما ذكرتة ولم استطيع لكبر حجم الصور اكثر من 97 ك ب

وسوف احاول ارفاق الصور للفائدة للجميع ......... وتقبلوا تحياتي

 

 

 

 

[معلومات العضو نجــــــــــديه]

مرحبا ابو متعب لاهنت اخوي انتقاد في محله لدرجة حبيت انزل موضوع للمشكله هاذي بس انت اختصرتها علي الله لايهينك وذكرتني بسالفة واحد كاتب قصته بمنتدى وهو انتقاد للوضع اللي صاير وحابه اسرد الحكايه بحلوها ومرها واشاركك في الرايء ********************* هاذ ابو سعد كان يتزوج ويطلق ومن كثر الزواجات ماعاد هو عارف كم عنده عيال ولا حتى اساميهم فاحب يجمعهم في استراحته لاجل يتعرف عليهم اكثر وهم يتعارفون على بعض الاخوان والاخوات,,,,,,,, قاموا الشباب يتعارفون على بعضهم في جو اسري وابو سعد راح يتجول في الاستراحه عقبها يبي يروح للقسم النسائي علشان يعرف باقي بناته .. وهو في الطريق للقسم النسوي لفت انتباهه كثرة الشغالات في الاستراحه فعددهم يوصل للخمسين شغاله .. راح الشايب للقسم النسوي وتعرف على بناته بنفس طريقة تعرفه على الاولاد ورجع لقسم الرجال وهو مشغل باله عدد الشغالات .. نادى ولده سعد وقال له شف وانا ابوك وش رايك بنسوي مزاين للشغالات واللي تفوز شغالته ابشتري له جيب وتصير تكاليفها من فيزتها ورواتبها وتذاكرها علي ّ .. اعجبت الفكره سعد وقال لابوه الحقيقه فكره ممتازه منها نوسع صدورنا ومنها نخلق جو تنافسي لايمكن ينسونه .. جمع سعد اخوانه وخواته في اجتماع طاريء وقال لهم عن فكرة ابوه والكل ايديها وتقبلها .. واعلن من خلال هالاجتماع سعد ان المسابقه وشروطها بكتب الليله وبيشوفونها بكره تم تقسيم الشغالات على النحو التالي : الاندونيسيات ( المغاتير ) .. والسرلنكيات ( المجاهيم ) .. وباقي الجنسيات الاخرى ( الشعل ) ويحق لفئة الكوافيرات وفئة المربيات وفئة الطباخات المشاركة في المزاين كل مع نوعه شروط المزاين - الشفه السفليه طايحه للمغاتير .. وما تكون طايحه للمجاهيم << طراه ان براطمهم كبار - الخشم افنس للمغاتير .. كبير للمجاهيم - لبس الكاب ( عباية الشغالات ) - لبس الايشارب وهل تطلع شوي من شعرها لزوم الاغراء - الرقبه موجوده للمغاتير << ماقد شفت اندونوسيه رقبتها طويله .. تكون نظيفه للمجاهيم - السنام متاخر - الاكتفاء بشاب واحد من العائله << طراه ان هالشغالات هم اللي يكتشفون كل بزر بالغ عاقل في الاسره << المفروض كل اسره تسأل شغالتها عن عيالها هل وجب عليه الصوم والا توه بزر - شيل البزر هل هي تفوحشه والا تشيله من تحت - المكنسه الكهربائية وكيفية استخدامها - ترتيب البيت بكامله وحساب الوقت - ادخال القميص في السروال اثناء غسل السور - اللون صح لان بعض الشغالات السيرلنكيات (المجاهيم) تجي الالوانهم كنها تعتيق لونين متداخله مع بعض - الوسم يكون ختم السعودية على الجواز هو اول ختم لها بحيث انها ما ختم لها في دول الخليج ولا أي دوله عربية اخرى سعد جالس خلف ماصه معلنا بدء التسجيل في المزاين .. ويسجل اسماء الشغالات وكل واحد من اخوانه يجيب مايثبت انها شغالته . انتهى التسجيل خلال ساعات .. ثم اعلن سعد عن بداية المزاين بالقسم . تقدم كل المشاركين وادوا القسم التالي ( اقسم بالله العظيم بان المدعوه ..... انها على كفالتي بصفة نظاميه واقامة رقم .... سارية المفعول وانني لم اخذها من الشغالات اللي بالاجر اليومي او الشهري .. والله على ما اقول شهيد ) ملاحظه يحق المشاركه بالشغاله اللي تحت كفالة الام . بدت المخيمات والتبرعات تنهال على اصحاب المغاتير وكل من عنده شغاله اندونيسيه لو من الحارة والا من الاقارب جاء للمخيم وتبرع بفلوس ودعموا البقالات الاندونوسيه والمطاعم حتى المطاعم الصينية دعموها بزعمهم ان الصينين مثل الاندونيسين عيونهم صغار وفنس .. وجمعوا ملايين من هالشغله حتى انهم سفلتوا طريق الاستراحه وبدينا نشوف انواع المفاطيح سواء غنم والا حواشي على صحون الاندومي .. ونفس الشي يوجد في مخيمات اصحاب المجاهيم جمعوا من خلالها ملايين ضيعوها في شراء زيوت شعر وفلفل . اللجنه ما قصرت فقد تم تجهيز مضمار يدور عليه الشغالات كل حسب فئته الين يمرون من امام اللجنه .. قبل بدء المسابقة اقسم الجميع وبدء الاستعراض الاول حيث ركب اثنين من الشباب في ددسن ومعهم مكرفون على انهم امن الاستراحه وبدوا يعلنون عن الاستعراض الاول للمغاتير .. تدخل عربة اطفال فيها طفل لاحد اسر كفلاء الشغالات ويدفها احد الشباب .. اكيد الشغاله بتشوف الطفل ولان تعلقها بالطفل اكثر من امه بتلحق العربه وبعدها بيلحقونها باقي الشغالات الين يمرون من امام اللجنه اللي لها الحق في تفحص الشغاله حتى ان ابو سعد من شدة تحمسه في الفحص اعطى احد كفلاء احدى الشغالات فلوس علشان يشتري مرهم الدمامل .. ثم نفس الحركه تسوى مع المجاهيم مع توزيع كمامات للجنه اثناء عرضهم .. بعدها بدأ عرض كيفية شيل البزر وطريقة تنظيف السور وحركات الاغراء المصاحبه له .. على ان يتم تطبيق باقي الشروط خلال اليومين القادمين .. ومن خلال اليوم الاول اتضح تفوق المغااتير بشكل ملفت للنظر وانهم اقرب للفوز .. مما جعل اصحاب المجاهيم يدسون اندومي منتهي صلاحيته كطعام للمغاتير .. يوم اصبحوا اليوم الثاني تفاجأو بنفوق اربع شغالات اندونيسيات بسبب النخاله المسمومه في الاندومي .. وهالشي سبب لخبطه في الاستراحه وارتباك كبير مما جعلهم يتصلون بالهلال الاحمر اللي بادروا على طول بنقل المصابين الى المستشفى واللي الحمد لله اتضح ان الاربع شغالات كانوا في حالة اغماء من التسمم ولم ينفقوا وتم علاجهم بغسيل معدتهم وجلوسهم تحت المراقبه في المستشفى كم يوم . بعد ما طلعوا الشغالات من المستشفى .. جمع الاب جميع ابناءه وبناته والقى فيهم خطبه لعلها تكون زبدة الموضوع وما يستفاد منه : ابنائي بناتي في تجمعكم عزة وقوه وفي تفرقكم ذل وضعف .. المسابقة وضعت وكان الهدف منها خلق روح من التنافس الشريف بينكم واللي يجب انه ما يتعدى الهدف الحقيقي من المسابقه .. لكن كون هالمسابقه بتسلب اغلى ما يملكه الانسان وهو انسانيته فهذا ما كنت اتخيل ان تصلون اليه فكون الواحد يفكر ولو مجرد التفكير انه يقتل شغاله او بهيمه فهذا قمة الاجرام .. لو فازت شغالة فلان .. كفيلها وش الدور اللي قام به هو .. هل هو اللي خلقها او سبب في جمالها وفوزها في هاللقب والا مجرد انه كفيلها فقط .. شفت اسراف غريب ولو جمعت هالاموال وتبرعتوا بها في انشاء مساجد او دار ايتام فهو خير لكم .... بانت نوايا خبيثه .. والمسابقة هذه بدل ما تقربكم لبعض احس انها خلقت لكم جو من العصبية والكره والتنافر .. كنت افكر في مسابقة واسميها سواق المليون لكن ما شفته من شاعر المليون خلاني اعيد حساباتي باني احضن اولادي انا بنفسي واحاول اقوي اواصر المحبة والاخوة بينهم باني اشوف مشاكلهم الحقيقية فالعاجز ماديا راح اساعده ماديا وازوج الاعزب منهم واسكن اللي ماعنده سكن واعالج منهو مريض فهذا دوري انا كأب لكم جميعا .. ياعيالي برغم عنجهية العرب وتفاخرهم بانسابهم الا انهم اذل خلق الله ولنا في العراق وفي فلسطين وفي لبنان خير شاهد على عيال الحمايل . اخوي حبيت بهالسلفه اللي نقلته انها كافيه على انتقاد المجتمع للمسابقه بينما فيه ضعوف كثار وفيه عالم مقتدره تحب التباهي بالحلال اللي عندها في حفظ الكريم وتقبل مروري

 

 

 

 

[معلومات العضو محمد ال مطيلق]

بارك الله فيك اخوي ابو متعب

احترامي وتقديري

 

 

 

 

[معلومات العضو عبدالله الغييثات]

اعدبني ماطرحتع
من انتقاد وجهل وعدم اللامباله بالغير
وكأن البهم افضل من اخ تربى معه تحت سقف واحد

ودمت بود

مداخله:نجديه
اعجبتني القصه بماطرحتيه بطريقه فكاهيه

 

 

 

 

[معلومات العضو ابو متعب]

الاخت نجدية

السلام عليكم ورحمة الله وبركاته

تقولين انه مافية تفاعل على الموضوع ........ المشكلة تكمن ان البعض يرى ان هذه الامور اصبحت عادية لكثرتها وكثر التكلم فيها في المجالس فاصبحت حديث الكبار والصغار نساء ورجال فكيف يكون التفاعل ايجابي , ان كان تفاعل سلبي سيكون يغالط نفسة لان الكثير وانا واحد منهم كثر نقاشنا في امور المزاينات وعن الامكانيات المادية التي صرفت عليه . عزيزتي ... ارجو ان يعود الناس الى الله سبحانه وتعالى ويتركون عنهم التباهي بالي لاتزيدهم الا خسارة ولكن( كل مهيأ لما سخر لة) لان مهما تكلمنا وقلنا لن يسمعنا احد لان اسعار الابل مثلا وصلت اسعار فلكيه لكن لو ياخد الناس هذا الموضوع على ان ماحدث للاسهم سيحدث لاسعار الابل لانتهت الاسعار والغيت المزاينات , والسوال هو .....( المبالغ الفائضة من المزاينات وينها . وهل استفاد منها المحتاجين في السجون والفقراء والا؟؟؟؟؟؟؟؟؟؟؟ ) شكرا على الرد نجدية والقصة جميله وهذا يدل على ان الناس ماعندهم شي يشغلهم وحطو مزاين الشغالات , وصدقين يمكن يهتمون بالمزاين ولو فية قريب مريض في مستشفى او في قريه بعيدة اصابة العجز من زيارته ..... الله يرحم الحال ...... تحياتي ....

 

 

 

 

[معلومات العضو الشقرديه]

بارك الله فيك اخوي ابو متعب

احترامي وتقديري

 

 

 

 

[معلومات العضو فهد بن مبارك الودعاني]

اللهم لأ تجعل الدنيا أكبر همنا ولأمابلغ علمنا ولأ إلى النار مصيرنا..
ان لله و أن اليه راجعون هذه البطره و الزعطه.الله لأيوفقهم لأ موضوع اخوي(أبو متعب)
ولأموضوع أختي(نجديه)والله لوهم رايحين للسجون اللي بالخرج ولأ الرياض ولأ الوداي الدواسر....كان أحمد ربهم على هالنعمه...والله حسيبهم في كل كبيره و صغيره سبحانه....


يا حي يا قيوم برحمتك أستغيث أصلح لي شئني ولأ تكلني إلى نفسي طرفة عين.



تقبلو مني أرق التحايا و أعذبها من أخوكم/فهد بن مبارك الدوسري...

 

 

 

 

[معلومات العضو سالم الحراجين]

مرحبا ابو متعب لاهنت اخوي

انتقاد في محله لدرجة حبيت انزل موضوع للمشكله هاذي

بس انت اختصرتها علي الله لايهينك

تقبل مروري الطيب

 

 

 

 

[معلومات العضو ابواسرارالودعاني]

بيض الله وجهك ابومتعب علي الانتقاد الرائع من انسان رائع بكل ماتعني الكلمة والمستوي وجودك في المنتدي شرف لنا يالغالي ومنك نستفيد