الطــاغــوت ..!!

[معلومات العضو عبدالرحمن بن دعس]

السلام عليكم ورحمة الله وبركاته

اليكم هذه القصيده التي أتمنى أن تنال لو على ذره من أعجابكم

أنا البارحه ضايق وأغني وأجر الصوت =طرت لي طواري غايبه كنت ناسيها
وأشوف الليال المقبله كنها تابوت=ولد النظر فيها وأنا منسجم فيها
أبي نعمة النسيان ولا سيوف الموت = ترا النفس ضاقت والبلا في محانيها
وترى الضيقه اللي نازعت قلبي المكبوت=أطرق لها المنكوس يالله تعديها
وهذا من صدودك يابو شفتين التوت=عليك المدامع دمها بعد صافيها
تجمّع لي الاحزان وأجمع لك الياقوت=وحارب جميع الناس لجلك وأجافيها
تهيمن على قلبي سبب غيبتك طاغوت=يجرجر عروقي بالموده ويلويها
بعد زينك / في عيني جميع البنات سحوت=ولا من طريتي قلت : فدوة مواطيها
قدم سحرك الطاغي تدهور عقل وبشوت= وعلى بيتك الخطّاب تحفي خطاويها
وأنا العاشق الهايم وانا الفارس المنعوت=أعسف المشاعر في طريقك وأعنيها
ولقيت الهجر بارد وأنا ما عليّه كوت = وشبيت صدري نار والشوق يدفيها
ما دام الوصل حبله غدا بيننا مفلوت =سلام ٍ على دنيا المحبه وأهاليها
ويوم الوداع اللي أبتدى وأنتهى بسكوت=لا ما تبعتك بس خطوتك أراعيها

وسلامتكم

الشاعر / عبدالرحمن بن دعس الشرافي

 

 

 

 

[معلومات العضو أبونواف الدوسري]

الأخ الشاعر / عبدالرحمن بن دعس الشرافي

صح لسانك علي هذه القصيده

تقبل تقديري وأحترامي

 

 

 

 

[معلومات العضو الشقرديه]

أنا البارحه ضايق وأغني وأجر الصـوت
طرت لي طواري غايبـه كنـت ناسيهـا

وأشوف الليـال المقبلـه كنهـا تابـوت
ولد النظـر فيهـا وأنـا منسجـم فيهـا

أبي نعمة النسيـان ولا سيـوف المـوت
ترا النفس ضاقت والبـلا فـي محانيهـا


الاخ محمد الشرافي ابدعت في قصيدتك الجميله
كلماات تلامس شغاااف القلب
دمت في تميز وننتظرجديدك
الشقرديه