مايطيـب الصبيـان كـود الفعالـي

[معلومات العضو نايف الخييلي]

هذي السالفه لعدوان الهربيد من شمر وكان هو وجماعته مربعيّن غربً من حايل وظهرت

اول نجوم القيظ فطلب من جماعته بالشديد والعوده لديارهم خوفً من القوم لايغيرون عليهم

فكان مع جماعته اثنين ( اسماعيل وسعيد ) قالوا لابالله بنقعد ماتشوف الفرس والضمران ( شجر)

تضلل بها الابل قال عدوان : والله اني اخاف تسبب في ذبحتكم هالفرس والضمران . قالوا

لابالله الا تبي تزرب بنا (وهي كلمه شماليه) يعني تخوفنا والزاروبه هو الجبان اللى يخوف

بجماعته وقالوا ( و كل شاعر زاروبه) قالوا خصوا ولاتعمون فيه شعّارخذوا علمً طيب من

شيخه او فروسيه قالوا لابالله الا كل شاعر زاروبه .فقال هالقصيده وذكر فيها اربعين شاعر

حازوا مع الشعر اما شيخه او فروسيه وشجاعه وسميت هالقصيده بــ شيخه شمر ويقول فيها:

المجلس اللي به اسماعيـل وسعيـد=ينعاف لو انـه علـى الكبـد غالـي
اسماعيل ماسمته سمـوت الاجاويـد=وسعيد ماداجـو علـيـه الرجـالـي
عيالهً الضمران والفـرس ياسعيـد=ياجعل ما لحميض الاطعـاس والـي
أنـا بـلاي مزهبـيـن البـواريـد=هـل البنـادق ميتمـيـن العيـالـي
مابيـن شمطـان اللحـى وألأواليـد=نضت قـروم فـوق مثـل السيالـي
مركاضهـم ياسعيـد مابـه تصديـد=ذباحـه الطيـب نـهـار الكتـالـي
تاتيـك جمعـات ادروبـه مـواريـد=تضيمنـا يـا سعيـد بالاحتمـالـى
ياسعيد لاتضرب علـى داره الديـد=بشلفـا تسـل الـروح بالاشتعالـي
بديارفطمـان البقـر مرتـع الصيـد=ما عندك اللي عـن حوالـك يسالـي
ياسعيد هرجك لـه مغيـر ومراديـد=توقر من الهرج الرخيـص الجمالـي
هرج على اكتـاف العـذاري مناقيـد=مايطيـب الصبيـان كـود الفعالـي
عرب جوابك يافتى الجـود ياسعيـد=عن قولـه ياحيف سعيـد استزالـي
عميـت يالسبـه جميـع القواصيـد=ماقلـت بالشعـار طامـن iiوعالـي
عميـت نمـر والمهـادي وابازيـد=عز الظعن حبـس الكميـن الهلالـي
ومشعـان والطياروعقـاب وعبيـد=وعبدالله المصطور ماضـي الفعالـي
والعسكري ومصيغ وهديب ورشيـد=وحسـن حمـاي الركـاب iالتوالـي
وجمل وبن حثليـن والفغـم وفهيـد=وعنتر الى ما عـدل الشيـل مالـي
وصعب اليا عدوصطـام iالاضاديـد=وسعود ابـن سعودراعـي العمالـي
وعرار وعمير هـل الكـود والكيـد=مخلين سروج الخيل أو يـا دوالـي
وحطاب اللي بالصحن ينفـض الغيـد=وبريـك محـي بالركـاب المسالـي
ورميزان هو والعرفجي ذاك أبو زيد=وساجـر مسـوي للذلـول النعالـي
ابن دعيجا اللـي كمـا بيتـه الحيـد=وابن سمير اللـي بقـرن الشمالـي
اللـي ركابـه حـادرات iiمسانـيـد=ابـن دعيجااللـي يفـك التـوالـي
ومسفر ابن غازي ونومان iiياسعيد=وجـارد املضـي للشخيـل العلالـي
ونايـف دلال مدلـلات iالمغـاريـد=وفهيدزبـون مجنفـرات المتـالـي
والاشمل اللي مـن منـاه التحاميـد=ومطلـق مطبـق بالغديـر iالزلالـي
وجديع خيـال السمـان المصاعيـد=مودع مع الدعثـور مثـل الغزالـي
طبع بهـم ياسعيـد صـدر وتوريـد=وفهـق وتقليـط وفتـل وعـدالـي
ياسعيـد أناثنـواي دون الأجـاويـد=هـل الصحـاف ومتعبيـن الدلالـى
عشرين مع عشرين لاأنقص ولا أزيد=وافين من غيـر القصيـد الافعالـي
حتى انت مابك عن ربوعك مقاعيـد=وأنا بعـد مثلـك علـى قـد حالـي
صلاة ربي عد مـا هـل مـن عيـد=على شفيـع الخلـق عـد السهالـي

 

 

 

 

[معلومات العضو عبدالله الحافر الغييثي]

المجلس اللي به اسماعيـل وسعيـد=ينعاف لو انـه علـى الكبـد غالـي نايف بيض الله وجهك على هذه القصه والقصيده الرائعه سلمت ياذيبان ولاهنت تحية وتقدير

 

 

 

 

[معلومات العضو أبونواف الدوسري]

الأخ نايف الخييلي

بيض الله وجهك على هذه القصه والقصيده

الرائعه

دمت في حفظ الله ورعايته...

 

 

 

 

[معلومات العضو نايف الخييلي]

المشاركة الأصلية كتبت بواسطة خميس الغييثي

ووجهك ابيض يابو مطـــر

شرفني مرورك الغالي على الموضوع وحيـــاك الله

 

 

 

 

[معلومات العضو نايف الخييلي]

المشاركة الأصلية كتبت بواسطة أبونواف الدوسري

الأخ نايف الخييلي

بيض الله وجهك على هذه القصه والقصيده

الرائعه

دمت في حفظ الله ورعايته...

ووجــــهك ابيـــض يابـــو نواف على هالإطـــلاله الطيبه منك


وشرفني مرورك وحياك الله