قصيدة راكان بن حثلين

[معلومات العضو >< الخييلي ><]

بسم الله الرحمن الرحيم
هذي قصيده للشاعر الفارس الامير راكان بن حثلين ينصا فيها أل زايد والي يعرف قصة ذا القصيده يعلمنا لا هنتوا
........
الله من قلـبٍ تخالـف إشطونـه *** وبقعـا تصفـق بـه يميـن ويـسـار
يوم الزعيم لبـس علينـا زبونـه *** وأحمل علينـا كـن لـه عندنـا ثـار
يـوم القبايـل والـدول يتبعونـه *** نـوى يجلينـا وراء حـد الأمـصـار
لعيون من بالميل يجلـي عيونـه *** إنفرق الطابور لـو صـار مـا صـار
ذكرت أنا اللي جارهـم يهملونـه *** لاد زايـد سلمهـم همـلـة الـجـار
نصيت اللي ما رضوا لي بالمهونه *** نصيـت أهـل السـيـح لاد عـمـار
لجاهـم المطـرود يستقبلـونـه *** ومن الخوف يامن عند وافين الأشبـار
والضيف لامن زارهم يكرمونـه *** صيانـي تنقـل وعزايمـهـم اكـبـار
كم كبش مـن الضـان يدفعونـه *** والا مـن الحشـوان قعـدان وبـكـار
السيـح ديرتـهـم ويستاهلـونـه *** لا من استوى بالحمل زينـات الأثمـار
وريـة عليـه البحـر يفجرونـه *** بين القبايـل مـا بنـي دونـه جـدار
كم واحـدٍ مـن دونـه يعدلونـه *** حماية الأمـدار فـي الموقـف الحـار
حريبهـم منهـم تشـده اجنونـه *** لاسمع عزوتهـم مـن المعركـة نـار
والجوخ في يوم اللقـا يلبسونـه *** وسلة سيوف الهند مـن صنـع بيطـار
والجار ما يرضون عليه بمهونـه *** مـن بينهـم ينـزل ولاكنـه بـجـار
كـم خايـعٍ مطـرف ينزلـونـه *** ويرعـون قطـعـان الأزاف نــوار
وكـم عقيـدٍ عندهـا يصفقونـه *** مستجنبين الخيـل مـن قـب ومهـار
وجميلهم ما انسـاه لاجـو يبونـه *** ولانيـب بـرد المـجـازات بــوار
......................

 

 

 

 

[معلومات العضو ابو زيد الغييثي]

الخييلي

هو يمدح ال عمار


يوم انشده اولده العمار حضر ولا بدو فقال هذي القصيده



تقبل تحياتي

 

 

 

 

[معلومات العضو عابد]

ذكرت أنا اللي جارهم يهملونة ::::::::لا زايد سلمهم هملة الجار

البيت هذا المقصود منه أنهم يتركون الجار ؟ ولا أيش بضبط

 

 

 

 

[معلومات العضو ابو زيد الغييثي]

المشاركة الأصلية كتبت بواسطة عابد

ذكرت أنا اللي جارهم يهملونة ::::::::لا زايد سلمهم هملة الجار
البيت هذا المقصود منه أنهم يتركون الجار ؟ ولا أيش بضبط

اخي ((عابد ))

يقصد ان الدواسر وهي عاده لهم ومن سلومهم

ان الجار ليس مجبرا ان يكون مع مجيره بخلاف القبائل الاخر يحث يشترطون على الجار ان يكون ملازما لهم ليحموه


اما الدواسر انشالله لو هو بقصى الدنيا فهو بحمايتهم وهذه من شده بأسهم

 

 

 

 

[معلومات العضو عابد]

كفوا يالاد زايد ............. جزاك الله أخوي أبوزيد على التوضيح

 

 

 

 

[معلومات العضو عبدالرحمن الشرافي]

ذكرت أنا اللي جارهـم يهملونـه = لاد زايـد سلمهـم همـلـة الـجـار
نصيت اللي ما رضوا لي بالمهونه = نصيـت أهـل السـيـح لاد عـمـار
لجاهـم المطـرود يستقبلـونـه = ومن الخوف يامن عند وافين الأشبـار

	كفووووووووووووووووووو والله بلاد العميري اخوي الخييلي الله لا يهينك على ذكر هذه القصيدة... اللي تنومس كل دوسري .. وحيث انها جت من فارس وشيخ ولاتحرمنا من جديد الجزل تحياتي

 

 

 

 

[معلومات العضو ابن وتيد السباعي]

الله من قلـبٍ تخالـف إشطونـه = وبقعـا تصفـق بـه يميـن ويـسـار
يوم الزعيم لبـس علينـا زبونـه = وأحمل علينـا كـن لـه عندنـا ثـار
يـوم القبايـل والـدول يتبعونـه = نـوى يجلينـا وراء حـد الأمـصـار
لعيون من بالميل يجلـي عيونـه = إنفرق الطابور لـو صـار مـا صـار
ذكرت أنا اللي جارهـم يهملونـه =لاد زايـد سلمهـم همـلـة الـجـار
نصيت اللي ما رضوا لي بالمهونه = نصيـت أهـل السـيـح لاد عـمـار
لجاهـم المطـرود يستقبلـونـه = ومن الخوف يامن عند وافين الأشبـار
والضيف لامن زارهم يكرمونـه=صيانـي تنقـل وعزايمـهـم اكـبـار
كم كبش مـن الضـان يدفعونـه = والا مـن الحشـوان قعـدان وبـكـار
السيـح ديرتـهـم ويستاهلـونـه = لا من استوى بالحمل زينـات الأثمـار
وريـة عليـه البحـر يفجرونـه =بين القبايـل مـا بنـي دونـه جـدار
كم واحـدٍ مـن دونـه يعدلونـه = حماية الأمـدار فـي الموقـف الحـار
حريبهـم منهـم تشـده اجنونـه = لاسمع عزوتهـم مـن المعركـة نـار
والجوخ في يوم اللقـا يلبسونـه =وسلة سيوف الهند مـن صنـع بيطـار
والجار ما يرضون عليه بمهونـه = مـن بينهـم ينـزل ولاكنـه بـجـار
كـم خايـعٍ مطـرف ينزلـونـه = ويرعـون قطـعـان الأزاف نــوار
وكـم عقيـدٍ عندهـا يصفقونـه = مستجنبين الخيـل مـن قـب ومهـار
وجميلهم ما انسـاه لاجـو يبونـه = ولانيـب بـرد المـجـازات بــوار

صح لسان الشيخ الشاعر/راكان بن حثلين

لاهنت يالخييلي على نشر هذه القصيده الجزله بما تحويه من معاني

لك جزيل الشكر

من اخوك/ابن وتيد

 

 

 

 

[معلومات العضو اسد الجزيره]

الله لايهيينك يا الخييلي ولا يهيين الخيلات

 

 

 

 

[معلومات العضو فايز علي الدوسري]

كفو يا ال عمار كفووووووووووووووووو عزا الله انكم كفو وتستاهلللللللللللللللون المدح كله لعن الله الشيطان مافيه دواسر الا شانهم شان من سبكم يعود عقب الكسب خسران
اخوكم فايز الدوسري