مساعد بن جارالله الغزي البدراني رحمه الله

[معلومات العضو ولد بدران]

احببت اشاركم بقصيدة اعجبتني وهي توصي على الطيب والكرم والشهامة اللي تميزت والله الحمد بها القبيله من قديم
هذه قصيدة الشاعر مساعد بن جارالله بن حمد بن جارالله بن حمد بن سبهان آل غزي البدراني الدوسري رحمه الله المتوفى سنة1401هـ ، يخاطب بها ابنه الكبير ( حمد ) يحثه على الكرم والمرؤة والشهامة

يقول الشاعر :

يا حمد خل الباب مفتوح خله ******* حتى المسير لا عَنَا ما يهابه

أخاف يترك طقة الباب ذله ****** ويخسر مجيه وانت تخسر جنابه

جدي وجدك ما شروا باب للِّه ******* وديوانهم مايوم كد صك بابه

اليا لفاك الضيف باشر وقل له ****** يا مرحبا في ضيفنا مرحبا به

وقلط الميسور والوجد كله ******* مما تجد وحسب لضيفك حسابه

الضيف لو انه قعد لاتمله ******** ماشاف منك إليا انتحابه حكابه

خلك على طول الدهر مدهل له ****** تراه رزقه حين يلفي لفى به

ترى البخل ما زود المال غله **** ومن باع مردود الثنا ما شرى به

وترى الكرم ما احدث بالاموال قله **** يا ما كريم راس ماله نمابه

 

 

 

 

[معلومات العضو بن راشد]

الله يرحمك يابن جارالله ... ويكرمك مثل مانت كريم ... عزالله قصيدة جزله وطيبه ... الله يجزاك خير ياولد بدران على ايراد هالقصيده العالية الجوده ... رحم الله شيبانا وشيبانكم والمسلمين اجمعين ... كانوا مثال للجود والكرم ...