قصيدة للشاعر الكبير (ابن بتلا)

[معلومات العضو متحري الصدق]

قصيدة للشاعر فالح بن حمود بن عبيد المخاريم الملقب بـ(ابن بتلا)آمل أن تحوزعلى رضاكم

ديرتي عذراً تسوم الهوى للي يريد=والحجاجير طردوا من لهم فيها شفاه
ديرتي من بين خمسين حربيٍ ضديد=وخلّيت غصبٍ وهي ملكها كلٍ بغاه
مير عيّا الله عليها بصافية الحديد=في يدا عيين ليين للعايل عماه
ديرتي جيرانها يهملون بغير قيد=والخوي وسم العصا وامنٍ به في خلاه
جدنا زايد رسم حدّها عدٍ وكيد=ويوم بيّن رسمها حط لعياله وصاه
حدّها قحز الرقاشي ليا خشم الوجيد=واسفله بهريّسانٍ ونحوه من وراه
وقبلةٍ لا جال ورشة على غم الضديد=والدلايل بيعنا والشريف اللي شراه
والله لا لا حاكمٍ راحت أطنابه مديد=أسجدت من برّها لا بحرها من عصاه
مايجيها الأجنبي غير بالسلم الجويد=مرخصٍ حقه لجاره ويمشي في ذراه
فالكلام اللي بليّا ثبوتٍ ما يفيد=وأحمد الله لي من النور ما أمشي في سناه

 

 

 

 

[معلومات العضو راعي الرمح]

تسلم يمينك وصح الله لسان حمود بن عبيد المخاريم ((ابن بتلا)) ولاهنت على النقل المميز لهذه القصيدة.راعــــــي الرمــــــح.

 

 

 

 

[معلومات العضو سالم الغريري]

تسلم يمينك وصح الله لسان حمود بن عبيد المخاريم ((ابن بتلا))

ولاهنت على النقل المميز لهذه القصيدة.

 

 

 

 

[معلومات العضو أبونواف الدوسري]

الأخ العزيز متحري الصدق

بدايه موفقه في المنتدي عسي الله يوفقك وتتحفنا في مواضيعك القادمه .

وصح لسان الشاعر فالح بن حمود بن عبيد المخاريم

تقبل تقديري وأحترامي

 

 

 

 

[معلومات العضو ابو فراج2006]

لاهنت وتسلم يمناك
وصح لسان الشاعر ابن بتلاء

 

 

 

 

[معلومات العضو عبدالله بن عريمة]

شاعر الحرب والوقائع ( بن بتلا ) شاعر كبير وفحل من فحول الشعراء

قابلته بصحبة الشاعر ابراهيم بن ذيب واستمعنا لحربياته وانذهلنا من قوة

وجزالة شعرة ~~ يتصف بالتواضع والحميه العجيبة والمرجله والكرم الفائقه

قمنا بتسجيل شريط لقصائدة هو الان منتشر بين القبيلة ~~ له مساجلات

مع الشاعر الكبير الدندان ~~

صاحب البيت المذهل ( يوم تشرون الفشق ويش فيه من اللزوم ** كون يشرى لابدت حاجته يقضابها)

 

 

 

 

[معلومات العضو ابو زابن المسعري]

فالكـلام اللـي بليّـا ثبـوتٍ مـا يفيـد=وأحمد الله لي من النور ما أمشي في سناه

الاخ العزيز الغالي متحري الصدق

بيض الله وجهك وجعلك تدوم ويفونك الرخوم يالسنافي

صح الله لسان الشاعر وبيض الله وجهه

 

 

 

 

[معلومات العضو عبدالرحمن الشرافي]

اخوي / متحري الصدق


الله لا يهيينك على نقل هذه القصيدة الجزلة

وصح الله لسان الشاعر الكبير/ فالح بن حمود بن عبيد المخاريم

ونتمنى منك موافتنا بالمزيد من قصائد بن بتلا



تحياتي

 

 

 

 

[معلومات العضو العماني]

الله الله

قصيدة راااائعه من روائع قصائد ابن بتلا

ابن عمي العزيز متحري الصدق جعل يمينك مايجيها العطب وبيض الله وجهك على ايراد هذه القصيدة الجزله .

وعندي استفسار ولاتهون ، هل الشاعر ابن بتلا على قيد الحياه؟

 

 

 

 

[معلومات العضو متحري الصدق]

الإخوان الأعزاء لا تدرون كم أفرحني زيارتكم وتعليقكم على الموضوع الله لا يهينكم كلكم على كل حال أما بالنسبة لأخوي هايف الله يحفظه فأقول أن الشاعر فالح ما زال على قيد الحياة والله يطول عمره وعمرك وعمر القارئ على الطاعه


متــــــــحري الـــــــــصــــدق