سلام يا اهل الدار !!!

[معلومات العضو مسفر المصارير]

بسم الله الرحمن الرحيم

السلام عليكم ورحمة الله و بركاته

هذي محاوره جرت بيني وأسمي في هذاك المنتدى شلعان الدوسري

و بين شاعر عتيبي و هو غانم بن غنيم العتيبي

سلام ياهل الدار.. اعداد طير طار = ونهرج التجار.. صافي على صافي
سلم العتيبي سلم.. بالسيف والمحزم = والاش مايسلم.. صافي على صافي
يا مرحبا بك هيل ** يا الشاعر الحلحيـل = الخيل طبعاً خيل ** صافي علـى صافـي
غانم يا وش سلمه ** شره محد(ن) سلمه = مفسر(ن) حلمه ** صافي علـى صافـي
ارحب يابـن زايد..والكـم غـلا زايـد = بالطيب لاتزايد..صافي على صافـي
سلمي سبـق شري..والشـر لاتشـري = والقاف لايسري..صاقي على صافي
أبك البقا يا الذيب ** ربعك رجال الطيب = مثلك ما فيهم عيب ** صافي على صافي
الشر وش جابه ** يـا طيـب اللابـه = القاف لصحابه ** صافي علـى صافـي
ان كان ياشلعان..ردت على القيفان = حدك ولا العتبان..صافي على صافي
تبغى على المعنى..والا تبـا مغنـى = ان كان تسمعنا..صافي على صافـي
يا غانم بن غنيم ** خلك سوات الهيـم = في كل واد تقيم ** صافي على صافـي
كل شي نقدر له ** حنا هـل الجزلـه = و الطير من شكله ** صافي على صافي
شلعان لاهمك..لاتحـرق بدمـك = اسمع وانا عمك..صافي على صافي
انتم هل الوادي..والعلم بالـرادي = لاجات الاعيادي..صافي على صافي
مثلك ما هو لي عم ** و الهم ما من هم = يا غانم قم بس قم ** صافي على صافي
حنا ترى شجعان ** لا ثـور الدخـان = ما نقبل الخسران ** صافي على صافي
بشويش يامسلم..لاتنفـخ البرطـم = ثم يخرب السيستم..صافي على صافي
والنعم فيكم مير..مذهب عتيبة غير = مانعرف التصفير..صافي على صافي
النفخ للي فيه ** طبعا الردى ماضيـه = كثر الحكي مابيه ** صافي على صافي
وش مذهبـك بالله ** ياخايـن الملـه = رح وانصح الشله ** صافي على صافي
بالله وش ماضيك..كل الردايا فيـك = وش فيك وش مافيك..صافي على صافي
انتة تحسـب انك..شيء(ن)ولكنـك = امضيعك ظنك..صافي علـى صافـي
سيوف هي و رماح ** و الخصم ما يرتاح = و غيري يديه شحاح ** صافي على صافي
الظن لا ما خاب ** اللـي اقولـه صـاب = الفكر عندك عاب ** صافي على صافـي
سيوفكم كلحا..ورماحكم قمحا = لاصيت لاربحا..صافي على صافي
ياطيبكم لاصار..حفلة وصقلة طار = يامقصر المشوار..صافي على صافي
أنشد كبار القوم ** و تبين لك الـعلوم = قروم نسل قروم ** صافي على صافي
يا روق يا برقـه ** الطـار للفرقـه = و انتم بني سرقه ** صافي على صافي
ياشيخ روقنا..مانتـة بمحرزنـا = ياغبنكم غبنا..صافي على صافي
نسرقكم ضحيه..مامنكم يعيـه = كلن يخم خيه..صافي على صافي
تعـال قدامـي ** ادواك فحـزامـي = مع ميسمٍ حامي ** صافي على صافي
بفعالنـا نرقـا ** شمـالٍ و شرقـا = قلوبكم حرقا ** صافي على صافـي
ان جيت قدامك..تبرك بك عضامك = اربطك بحزامك..صافي على صافي
الفعـل للهيلا..ياملـوي الذيـلا = خذها على الكيلا..صافي على صافي
خصمك طويل ذراع ** ما فيه أمل يرتاع = وقت اللقاء فزاع ** صافي على صافـي
نخبرك ما تفعل ** خلف الغنـم تسعـل = للنار لا تشعل ** صافي علـى صافـي

=================

و سلامة الجميع

أخوكم الشاعر : مسفر المصارير .

ملاحظه : قد يتسأل البعض لماذا سجل بأسم شلعان ؟

الجواب : شلعان شي كبير با النسبه لكل دوسري .

و أفتخر بأنه دوسري .

 

 

 

 

[معلومات العضو بدر ابن نايف]

السلام عليكم

الاوله صح الله السانك ولاهنت يامسفر

والثانيه لاتقحم قبيلتك فى محاوراتك عشان ماتترك مجال للاخرين من تنقيص حقها

نقضك فى محله وموقفك مشرف بارك الله فيك


تقبل انتقادى برحابة صدر


لك اجمل الود والاحترام

 

 

 

 

[معلومات العضو مسفر المصارير]

مرحبا يا بدر بن نايف

صح بدنك و الله لا يهينك

و بعدين اقحام القبيله في المحاورات

من الامور التي لابد منها

و لا يمكن لأي أحد من الناس التقليل من حق اي قبيله

مهما كان

و شكراً

 

 

 

 

[معلومات العضو أبو سعود الودعاني]

مسفر المصارير


بيض الله وجهك وصح الله لسانك

وصح الله لسان الجميع

وكفوا يوم تسميت بسم شلعان

الاسم الذي له وقع كبير ومكانه عاليه لدى الجميع


تقبل خالص ودي

 

 

 

 

[معلومات العضو ماجد الدوسري]

بعدي والله ياالذيب قداااااااااااااااااااام ولايهمّك أ حد وهذا قصيد ولاحد بزاعل منه إلا اللي شاك في نفسه ، ماقصرت أنت والعتيبي وشكرن لكم

 

 

 

 

[معلومات العضو مسفر المصارير]

المشاركة الأصلية كتبت بواسطة أبو سعود الودعاني

مسفر المصارير


بيض الله وجهك وصح الله لسانك

وصح الله لسان الجميع

وكفوا يوم تسميت بسم شلعان

الاسم الذي له وقع كبير ومكانه عاليه لدى الجميع


تقبل خالص ودي

لأخ : أبو سعود الودعاني

و جهك أبيض و صح بدنك يا القرم

يستاهل شلعان

تقبل تحياتي

 

 

 

 

[معلومات العضو مسفر المصارير]

المشاركة الأصلية كتبت بواسطة ماجد الدوسري

بعدي والله ياالذيب قداااااااااااااااااااام ولايهمّك أ حد وهذا قصيد ولاحد بزاعل منه إلا اللي شاك في نفسه ، ماقصرت أنت والعتيبي وشكرن لكم

الشاعر القدير : ماجد الدوسري

مرورك يا القرم يكفي

ا لله لا يهينك على المرور المشرف

تقبل تحياتي

 

 

 

 

[معلومات العضو ابوهادي الودعاني]

صح لسانك وبيض الله وجهك

 

 

 

 

[معلومات العضو عبدالرحمن الشرافي]

بيض الله وجهك يا ابو نايف

كفيت و وفيت



صح الله لسانك



تحياتي